விகடன் தர மறந்த அவார்டுகள் 2013

விகடன் தர மறந்த அவார்டுகள் 2013

விகடன் ஒவ்வொரு வருடமும் அவார்டுகள் கொடுக்கின்றன. பல சமயங்களில் அவர்கள் கொடுக்க வேண்டியவருக்கு கொடுக்க மறக்கின்றனர். அதனால் அவர்கள் தர மறந்த அவார்டுகளை அவர்களின் சார்பாக அவர்கள்...உண்மைகள் தளத்தின் வாயிலாக மதுரைத்தமிழன் வழங்குவது உங்களுக்கு தெரிந்திருக்கும். கடந்த வருடம் அரசியல் தலைவர்களுக்கு அவார்டு கொடுக்கப்பட்டது. அந்த அவார்டை பார்க்காதவர்கள் அறியாதவர்கள் இங்கே க்ளிக் செய்து பார்க்கவும்.

 

 இந்த வருடம் 2013 விகடன் தர மறந்த அவார்டுகளைப் வலையுலக பிரபலங்களுக்கு தரப்படுகிறது.

ரமணி : வலையுலகின் கவியரசர் ( கருத்தாழம் மிக்க மாறுபட்ட சிந்தனைகளை தரும் கவிதைகளை தருவதால் இவருக்கு இந்த அவார்டு வழங்கப்படுகிறது )

கோபாலகிருஷ்ணன் :  ஆன்மிக ஜோதி என்னால் குறும்புக்கார இளைஞர் என்று அழைக்கப்படும் இவர் ஆன்மிக தகவல்களை அள்ளித் தருவதால் இவருக்கு இந்த அவார்டு வழங்கப்படுகிறது. இவர் எழுதும் நகைச்சுவை கதைகளில் குறும்பு அதிகமாக இருக்கும் அதனால்தான் இவரை குறும்புகார இளைஞர் என்று அழைப்பேன்.

பாலகணேஷ் :  வலையுலக எம்ஜியார். பெண்களிடம் எம்ஜியார் போல இடம் பிடித்து இருப்பதால் இவருக்கு இந்தப் அவார்டு

ஜோதிஜி :  சமுக சிந்தனையாளர் அல்லது தமிழ் காவலர். தமிழ்தான் இவரது மூச்சு . இவரது சமுகப்பார்வை மிக ஆழமானது & தெளிவானது. அதனால் இவருக்கு இந்த அவார்டு

ரஹீம் கஸாலி :  வலையுலக தத்துவ மேதை . இவர் தத்துவம் என்ற பெயரில் வெளியிடும் கருத்துக்கள் மிக அருமை. Mohammad Ghazali, என்பவர் Islamic Persian philosopher இந்த கஸாலி வலையுலக தத்துவ மேதை.அதனால் இவருக்கு இந்த அவார்டு

.

திண்டுக்கல்தனபாலன் :  வலையுலக வள்ளுவன். ஒலைச்சுவட்டில் வள்ளுவர் திருக்குறள் எழுதினார். ஆனால் இந்த வள்ளுவனோ வலைத்தளத்தில் எழுதுவதால் இவருக்கு இந்த அவார்டு

T.N முரளிதரன் : வலையுலக நல்லாசிரியர் . இவர் ஆசிரியர் போன்று பல தகவல்களை பகிர்வதால் இந்த நல்லாசிரியர் அவார்டு

சீனு :  காதல் இளவரசன். காதல் கடிதப் போட்டி வைத்து காதல் இளவரசனாக பயணம் செய்து கொண்டிருப்பதால் இந்த அவார்டு.

ராஜி :  வலையுலக மனோரம்மா. நடிப்பில் மனோரம்மாவை மிஞ்ச யாரும் இருக்க முடியாது எந்த பாத்திரம் எடுத்தாலும் அதை சிறப்பாக செய்து முடிப்பார் அதைப் போல இவர் எந்த பதிவு இட்டாலும் மிக சிறப்பாக இருப்பதால் இந்த அவார்டு

சசி :  கிராமத்து கவிக்குயில். கிராமத்து பாணியில் கவிதைகளை எழுதி எல்லோரின் மனம் கவர்வதால் இவருக்கு இந்த அவார்டு

உஷாஅன்பரசு :  வலையுலகின் அன்ணை தெரசா. அருமையான சிறுகதைகளை எழுதுபவர் என்பதுதான் எல்லோருக்கும் தெரியும். ஆனால் சைலண்டாக முதியயோர்களுக்கு உதவுவதால் இவருக்கு இந்த அவார்டு

மஞ்சுசுபாஷினி :  வலையுலகின் அப்பாவி. இவர் தனது தளத்தில் பதிவுகளை வெளியிடுவதை விட மற்றவர்களின் பதிவுகளுக்கு இவர் சொல்லும் கருத்து பதிவைவிட மிக அற்புதமாக இருக்கும். எந்த பதிவை படித்தாலும் ஆழ்ந்து படித்து கருத்து சொல்லுவார். மிகவும் அப்பாவியானவர் மென்மையானவர் என்பதால் இவருக்கு இந்த அவார்டு

அருணாசெல்வம் : வலையுலகின் கவியரசி: இவரது கவிதைகளில் தமிழ் கொஞ்ச்சி விளையாடும் அதனால் இவருக்கு இந்த அவார்டு.

சரி எல்லோருக்கும் அவார்டு கொடுத்திருக்கும் உங்களுக்கு அவார்டு யாரும் தரவில்லையா என்று கேட்க வேண்டாம். வழக்கம் போல எனக்கு அவார்டு தர என் மனைவி 'பூரிக்கட்டையை' எடுத்து வருகிறார்கள். அதனால் அந்த அவார்டை வாங்கி கொண்டு பிழைத்து கிடந்தால் மற்றவர்களுக்கு அவார்டு தர வருகிறேன்.

அன்புடன்

மதுரைத்தமிழன்

டிஸ்கி : நண்பர்களே உங்களுக்கு பிடித்த வலைத்தளத்தை இங்கு பின்னுட்டத்தில் இட்டு அந்த தள பதிவருக்கு நீங்கள் என்ன அவார்டு தர விரும்புகிறீர்கள் என்பதை முடிந்தால் பின்னுட்டத்தில் சொல்லி செல்லவும். நன்றி