மதுரைத்தமிழனுக்கு வந்த மிரட்டல்.. மிரட்டியது யார்?

மதுரைத்தமிழனுக்கு வந்த மிரட்டல்.. மிரட்டியது யார்?

நேற்று நான் எழுதிய அரசியல் பதிவிற்கு பின் எனக்கு மிரட்டல் செய்தி வந்தது.

அப்படி என்னை மிரட்டியது யாருமல்ல வழக்கமாக மிரட்டும் என் மனைவிதான். அவன் இவனெல்லாம் கண்டதுக்கு எல்லாம் ஊர்ல போஸ்டர் அடிச்சு ஒட்டுறான் பேனர் கட்டுறான். நீங்கதான் சுத்த மோசம் எனக்காக ஒன்றும் பண்ண மாட்டேங்கிறங்க... நாளைக்கு மட்டும் நீங்க அதுபோல எதுவும் செய்யலை என்றால் அப்புறம் நடக்குறதே வேற என்று கடுமையாக மிரட்டினாள். சரி எதுக்குன்னு சொன்னால் அதுக்கு தகுந்த மாதிரி போஸ்டர் அடிச்சு ஒட்டுறேன் என்றேன். நாளை என்ன நாள் என்று கூடவா தெரியாது. நல்லா யோசிச்சு பாருங்க என்று சொல்லி முரைத்து விட்டு சென்று விட்டாள். அதன் பின் எனக்கு கையும் ஒடல காலும் ஒடல... வழக்கமா வாங்குற பூரிக்கட்டை அடியையே வாங்கி சமாளிக்க முடியல இதுல வேற மிரட்டி விட்டு சென்று இருக்கிறாள்.. என்ன நடக்குமோ ஏது நடக்குமோ என்று பயந்து தூக்கம் கூட வரலை. கடைசியில என் குழந்தையிடம் நடந்ததை சொல்லி அட்வைஸ் கேட்டேன். அதற்கு அவள் சிரித்த வாறே சொன்னாள். அட மக்கு அப்பா நாளைதான் ( ஜனவரி 8 ) அம்மா இந்த பூமியில அவதரித்த நாள் என்றாள்.

அதை கேட்ட நான் நீ ரொம்ப நல்லா இருக்கனும்மா நீ தான் என் தெய்வம் என்று சொல்லி என்ன செய்வது என்று யோசித்து கடைசியில இந்த படத்தை டிசைன் பண்ணி இப்ப வெளியிடுகிறேன். இந்த வாழ்த்தை வெளியிடுவதன் காரணம் அந்த நல்ல நாளிலாவது அடி வாங்காமல் இருக்கலாம் என்ற நப்பாசைதான்.

சரி குழந்தையிடம் அம்மாவிற்கு பிடித்தமாதிரி என்ன பரிசு தரலாம் என்றதற்கு கிழேயுள்ள படத்தை கூகுலில் சர்ஸ் பண்ணி என்னிடம் கொடுத்து இதன் படி நடந்தாலே அது மிக பெரிய பரிசு என்று சொன்னாள்.

அம்மா 8 அடி பாய்ந்தால் பிள்ளை 16 அடி பாயும் என்று சரியாகத்தான் சொல்லி இருக்காங்க அந்த காலத்து ஆளுங்க...

ஹும்ம்ம் அப்ப நான் போய் அந்த பரிசுக்கான ஏற்பட்டை பண்ணுறேன்... வரேங்க... நீங்களும் எனக்காக பிரார்த்தனை பண்ணுங்க இந்த நாளிலாவது மதுர அடிவாங்கமா சந்தோஷமா இருக்கனும் என்று....

அன்புடன்

மதுரைத்தமிழன்

மனைவியை சம்பந்தப்படுத்தி கலாய்த்து இட்ட 40 பதிவுகளையும் படித்து ரசிக்க இங்கே க்ளிக் செய்யுங்கள்