'அந்த' ஐந்து நிமிட சந்தோஷம்......படிக்க தவறாதீர்கள் பெண்கள் ஒதுக்க வேண்டிய பதிவு அல்ல..

அந்த' ஐந்து நிமிட சந்தோஷம்......படிக்கத் தவறாதீர்கள் பெண்கள் ஒதுக்க வேண்டிய பதிவு அல்ல..


 

பூங்காவின் மர ஓரத்தில் இருந்த இருக்கையில், ஒரு ஓரமாக ஒரு பெண்ணும் அதன் மறு ஓரத்தில் ஒரு ஆணும் அமர்ந்து, தன் குழந்தைகள் விளையாடுவதைப் பார்த்து மகிழந்து கொண்டிருந்தனர். ஒரு சமயத்தில் அந்த இருவரின் கண்களும் ஒன்றை ஒன்று சந்தித்துக் கொண்டன. அவர்கள் இருவரும் புன்னகைத்துக் கொண்டனர். அப்போது அந்தப் பெண் அதோ அந்த ரெட்கலர் சட்டை போட்டு விளையாடுகிறானே அவன்தான் என் பையன் என்று சுட்டிக்காட்டினாள். அந்த ஆணோ உங்கள் பையன் ரொம்ப ஹேண்ட்சம்மாக இருக்கிறான் என்று சொல்லியவாறே அதோ அந்த வெள்ளை கலர் கவுன் போட்டு சைக்கிள் ஓட்டிக் கொண்டிருக்கிறாளே அவள்தான் என் தேவதை என்று சொன்னார். அதற்கு அந்தப் பெண் உங்கள் குழந்தை ரொம்ப க்யூட்டாக இருக்கிறது என்று சொன்னார்.


அதன் பின் இருவரும் அமைதியாகக் குழந்தைகள் விளையாடிக் கொண்டிருப்பதைப் பார்த்துக் கொண்டிருந்தனர். அப்போது தன் கைக்கடிகாரத்தைப் பார்த்த அந்த ஆள், தன் குழந்தையை நோக்கி செல்ல குட்டி வீட்டிற்குச் செல்ல நேரமாகிவிட்டது வா போகலாம். என்றார். அந்தக் குழந்தையோ அப்பா இன்னும் ஐந்து நிமிஷமப்பா என்றது. உடனே அவரும் ஒகே என்று சொன்னார் .

 
ஐந்து நிமிடம் கழிந்ததும் கூப்பிட்ட போது, இன்னும் ஒரு ஐந்து நிமிஷமப்பா என்றது. அவரும் ஒகே இதற்கு மேல் கேட்கக்கூடாது என்றார்.


இதையெல்லாம் பார்த்துக் கொண்டிருந்த அந்தப் பெண், சார் உங்களுக்கு மிகவும் நிறையப் பொறுமை இருக்கிறது என்று பாராட்டினார்.


அதற்கு அவர் சொன்னார். கடந்த வருடம் என் மகன் இதே மாதிரி இங்கே விளையாடிக் கொண்டிருந்தான். அப்போது இப்படியெல்லாம் பொறுமையாக நான் நேரம் செலவழித்தது கிடையாது. அன்று நான் அவசரப்படுத்தி என் மகனை வீட்டிற்கு அழைத்துச் சென்றேன். அப்படி அவனை நான் அவசரமாக அழைத்துச் சென்ற போது போகும் வழியில் லாரி வந்து அவன் மீது மோதி அடித்துச் சென்றது. அப்போது நான் அவன் கூட ஐந்து நிமிடம் செலவழித்து இருந்ததால் அப்படி நேர்ந்து இருக்காது அல்லவா?


அந்த நிமிடம் நான் இனிமேல் இப்படி நடக்க மாட்டேன் என்று உறுதி எடுத்தேன். அதன் காரணமாகத்தான் என் மகள் ஐந்து நிமிடம் விளையாடி சந்தோஷம் அடைகிறாள். ஆனால் உண்மையில் பார்க்கப் போனால் நான் தான் அந்த ஐந்து நிமிடமும் அவள் விளையாடுவதைப் பார்த்துச் சந்தோசம் கொள்கிறேன்.


மக்காஸ் : வாழ்க்கையில் ஏதும் முக்கியமில்லை. நம்மால் எவ்வளவு நிமிடம் நம் குடும்பத்துடன் செலவழிக்க முடியுமோ செலவழிக்க வேண்டும் அதுதான் முக்கியம். இதைப் புரிந்தால் உங்கள் வாழ்க்கை இன்பமயம்.


நான் ஆங்கிலத்தில் படித்த கதையை நான் என் வழியில் வழங்கி இருக்கிறேன். நல்ல செய்தி நான்கு பேரை அடைய வேண்டும் என்பதால்தான் இதை வழங்குகிறேன்

Moral: Life is all about making priorities, and family is one and only priority on top of all other, so spend all time you can with loved ones


அன்புடன்
மதுரைத்தமிழன்
இது ஒரு மறுபதிப்பு. படிக்காதவர்கள் படிக்கவே..