மதுரோ வேட்டை: டிரம்பின் அதிரடி vs ஒபாமாவின் ரத்த சரித்திரம்! அமெரிக்காவின் ‘ஜனநாயக’ முகமூடிகள் கிழிவது எப்போது?

    

டிரம்பின் மதுரோ கைது நடவடிக்கை மற்றும் ஒபாமா காலத்து  குண்டுவீச்சுகள் குறித்த ஒரு விரிவான அரசியல் ஒப்பீடு. அமெரிக்க ஊடகங்களின் இரட்டை நிலைப்பாட்டை அம்பலப்படுத்தும் மதுரைத்தமிழன் பாணியாலான பதிவு.

-------------------------------

அமெரிக்கா என்றாலே அது உலகத்தின் ‘போலீஸ்காரன்’ என்பதுதான் எழுதப்படாத விதி. ஆனால், அந்தப் போலீஸ்காரன் கையில் இருக்கும் தராசு எப்போதும் ஒரே சீராக இருப்பதில்லை என்பதற்கு இதுவே சாட்சி!

நள்ளிரவு நேரத்தில் வெனிசுலாவிற்குள் புகுந்து, ஒரு நாட்டின் அதிபரையே (மதுரோ) 'அபேஸ்' செய்து நியூயார்க்கிற்குத் தூக்கி வந்திருக்கிறார் டிரம்ப். உலக ஊடகங்கள் எல்லாம் இதைக் கேட்டு ‘ஜனநாயகம் செத்துவிட்டது’ என்று ஒப்பாரி வைக்கின்றன. ஆனால், இதே அமெரிக்கா கடந்த காலங்களில் நடத்திய ரத்த சரித்திரங்களை இவர்கள் ஏனோ வசதியாக மறந்துவிடுகிறார்கள்.

அமைதிக்கான நோபல் பரிசு வாங்கியவரின் ஆட்சியில், ஒவ்வொரு ஒரு மணி நேரத்திற்கும் மூன்று குண்டுகள் வீசப்பட்டபோது இந்த 'ஜனநாயகக் காவலர்கள்' எங்கே போயிருந்தார்கள்? சொந்த நாட்டு குடிமகன்களையே ட்ரோன் அனுப்பிப் பொசுக்கியபோதும், மருத்துவமனைகள் மீது குண்டுகள் மழை பொழிந்தபோதும் மௌனம் காத்தவர்கள், இப்போது மதுரோவை விசாரணைக்குக் கொண்டு வந்ததைப் பார்த்து அலறுவது ஏன்?


அதிபர் டொனால்ட் டிரம்ப் உறுதிப்படுத்தியுள்ள அந்தத் தகவல், உலக அரசியலில் ஒரு நிலநடுக்கத்தை ஏற்படுத்தியிருக்கிறது. வெனிசுலா மீது நடத்தப்பட்ட பிரம்மாண்டத் தாக்குதலில், அந்நாட்டின் சர்வாதிகாரி மதுரோவும், அவரது மனைவி சிலியா புளோரஸும் உயிருடன் சிறைபிடிக்கப்பட்டுள்ளனர். 2020-ம் ஆண்டே போதைப்பொருள் கடத்தல் மற்றும் பயங்கரவாதக் குற்றச்சாட்டுகளுக்காகக் குறிவைக்கப்பட்ட மதுரோ, இப்போது நியூயார்க் நீதிமன்றத்தில் விசாரணையை எதிர்கொள்ளக் கொண்டுவரப்பட்டுள்ளார்.



இன்று டிரம்பின் நடவடிக்கையை விமர்சிக்கும் தரப்பினர், பராக் ஒபாமா ஆட்சியில் நடந்த கொடூரங்களை வசதியாக மறந்துவிட்டனர். 

2016-ல் மட்டும் ஒபாமா நிர்வாகம் ஏழு நாடுகள் மீது 26,171 குண்டுகளைவீசியது. அதாவது, ஒரு மணி நேரத்திற்குச் சராசரியாக 3 குண்டுகள்!

2011 பாகிஸ்தானுக்குள் நுழைந்து பின்லேடனைக் கொன்றபோது எந்தக் காங்கிரஸ் ஒப்புதலும் பெறப்படவில்லை. லிபியா கடாபியின் கொடூர மரணத்திற்கும், ஐஎஸ்ஐஎஸ் அமைப்பின் எழுச்சிக்கும் காரணமாக இருந்த ஒபாமாவின் நடவடிக்கை, அவராலேயே பின்னர் “மிகப்பெரிய தவறு” என ஒப்புக்கொள்ளப்பட்டது.ஜோ பைடன் 2022-ல் ஆப்கானிஸ்தானில் அய்மான் அல்-ஜவாஹிரியை கொல்லும் ட்ரோன் தாக்குதலுக்கு அங்கீகாரம் அளித்தார் - இங்கேயும் காங்கிரஸின் ஒப்புதல் இல்லை.

விசாரணையே இல்லாமல் ட்ரோன் அனுப்பி கொல்பவர்கள் 'ஜனநாயகவாதிகள்'... விசாரணைக்காக நீதிமன்றத்திற்கு இழுத்து வருபவர் 'சர்வாதிகாரி'... இதுதான் தற்கால அமெரிக்க அரசியலின் விந்தை!"
    

Fact 1 : ‘அமைதி’ காலத்து பலிகள் - ஒபாமா காலத்து கறைபடிந்த பக்கங்கள்!**

மாமனா பிபி (65): 2012-ல் பாகிஸ்தானில் காய்கறி பறித்துக் கொண்டிருந்தபோது, ட்ரோன் தாக்குதலில் கொல்லப்பட்டார். அவரது 9 பேரக்குழந்தைகள் படுகாயமடைந்தனர்.

அப்துல்ரஹ்மான் அல்-அவ்லாகி (16): ஏமனில் எவ்வித தீவிரவாதத் தொடர்பும் இல்லாத அமெரிக்க சிறுவன் ட்ரோன் தாக்குதலில் கொல்லப்பட்டார்.

MSF மருத்துவமனை: 2015-ல் ஆப்கானிஸ்தானில் 'எல்லைகளற்ற மருத்துவர்கள்' மையத்தின் மீது நடத்தப்பட்ட தாக்குதலில் 42 அப்பாவிப் பொதுமக்கள் உடல் கருகிப் பலியாயினர்.

Fact  2 :யார் இந்த மதுரோ?

நார்கோ-டெரரிசம்:  அமெரிக்காவிற்கு டன் கணக்கில் கோகோயின் கடத்த உதவியதாக 2020-ல் மதுரோ மீது குற்றம் சாட்டப்பட்டது.

பரிசுத் தொகை: மதுரோவைப் பிடித்துக் கொடுப்பவர்களுக்கு 15 மில்லியன் டாலர் (சுமார் ₹125 கோடி) பரிசாக அமெரிக்கா ஏற்கனவே அறிவித்திருந்தது.

இந்த பதிவை படிக்கும் போது உங்களுக்குள்  இப்படிப்பட்ட சில கேள்விகள்  எழும் அதற்கான பதிலையும் நான் இங்கே  Q&A ( கேள்வி-பதில்) எனற தலைப்பில் கொடுத்து இருக்கிறேன்


Q&A ( கேள்வி-பதில்)

கேள்வி: அமெரிக்கா மற்ற நாடுகளின் உள்விவகாரங்களில் தலையிடுவது தவறுதானே?

பதில்: மதுரோ வெறும் அரசியல் தலைவர் மட்டுமல்ல; அவர் ஒரு சர்வதேச கிரிமினல் என அமெரிக்க நீதிமன்றங்களால் அறிவிக்கப்பட்டவர். ஒரு குற்றவாளியைக் கைது செய்யும் 'சட்ட அமலாக்க நடவடிக்கையாக' அமெரிக்கா இதைப் பார்க்கிறது.

கேள்வி: ஒபாமா இவ்வளவு குண்டுகளை வீசினார் என்பதை நம்ப முடியவில்லையே?

பதில்: இது கசப்பான உண்மை. "அமைதித் தூதுவர்" என்ற பிம்பத்திற்குப் பின்னால் இவ்வளவு பெரிய ராணுவ நடவடிக்கைகள் மறைக்கப்பட்டன என்பதுதான் வரலாறு.

விசாரணைக்காக மதுரோவை உயிருடன் கொண்டு வந்த டிரம்பின் செயலை ‘போர்’ என்று விமர்சிப்பவர்கள், விசாரணையே இன்றி பல்லாயிரக்கணக்கானோரை வான்வழித் தாக்குதலில் கொன்று குவித்த கடந்த கால ஆட்சியாளர்களின் ரத்தச் சரித்திரத்தை என்னவென்று சொல்லப்போகிறார்கள்?

"குற்றவாளியை விசாரணைக்கு இழுத்து வருவது ஜனநாயகமா? அல்லது விசாரணையின்றி வான்வழியே குண்டு வீசிக் கொல்வது ஜனநாயகமா? 

இதை படித்தீர்கள்தானே... கொஞ்ச நேரம் இதில் உள்ள கருத்துகளை கொஞ்ச நேரம் சிந்தித்துதான் பாருங்களேன்.. உங்களுக்குள் ஒரு புரிதல் ஏற்படும்.
          

நான் எழுதிய கருத்துகளையும் என்னுள்  எழுந்த சிந்தனைகளையும்  கேள்விகளையும்  AI மூலம் திரட்டப்பட்ட  Fact களையும் இணைத்து என் பாணியில் எழுதப்பட்ட பதிவுதான் இது. இப்போதெல்லாம் எழுத்துப் பிழைகள் அதிகம் வராததற்கு நான் ஒரு தமிழ் செயலியை பயன்படுத்துகின்றேன் அந்த ஆப் மிக சிறப்பாக இருப்பதோடு நமக்கு தகுந்த  வரிகள் மாற்றங்களுக்கான  ஆலோசனைகளையும் தருகிறது. சில சமயங்களில் தவறுகிறது என்றாலும் நாம் அதை கவனித்து மாற்றம் செய்யலாம்

அன்புடன்
மதுரைத்தமிழன்  

படிக்காதவர்கள் படிக்க எனது முந்தைய பதிவுகளின் சிறு லிஸ்ட்

அமெரிக்காவின் Real "விஸ்வகுருவான'  ட்ரம்பின் அதிரடி ஆட்டம்  https://avargal-unmaigal.blogspot.com/2026/01/blog-post.html

குழந்தை இல்லாத பெண்ணோட வாழ்க்கைதான் இந்த கண்ணீர் கதை...

Empty மடி... Broken Heart 💔 | 35 Age... Zero Hope 😭 | Real Story Will Make You Cry    https://avargal-unmaigal.blogspot.com/2026/01/empty-broken-heart-35-age-zero-hope.html

 

நட்சத்திரங்களை நோக்கி... புதிய பயணம்
https://avargal-unmaigal.blogspot.com/2026/01/towards-stars-new-journey.html

சொர்க்கம் என நினைத்த அமெரிக்கா நரகமாகிறதா? 90 அடி அனுமன் சிலையும்... சிதறும் இந்தியர்களின் நம்பிக்கையும்!
https://avargal-unmaigal.blogspot.com/2026/01/90-americandream-indianamericans-nrilife.html

இந்திய சென்சார் போர்டு தூங்குகிறதா? விஜய்-ரஜினி பட வன்முறை இளைஞர்களை கொலைகாரர்களாக மாற்றிய உண்மை!

தமிழகத்தை அழிக்கும் சினிமா விஷம்!” https://avargal-unmaigal.blogspot.com/2025/12/blog-post_30.html

சவூதியில் இருந்து வெளியேற்றப்பட்ட இந்தியர்களில் அதிகம் பாதிக்கப்பட்ட இந்திய மாநிலங்கள் எது?

https://avargal-unmaigal.blogspot.com/2025/12/blog-post_29.html

டாலர் கனவுகளும்  தத்தளிக்கும்  அமெரிக்கா தமிழர்கள் மனங்களும்!  ஒரு மௌன யுத்தம்

 

 அமெரிக்கா தமிழ் சமூகத்தில் மனஅழுத்தம்  யாரும் பேசாத உண்மை!

https://avargal-unmaigal.blogspot.com/2025/12/dollar-dreams-and-struggling-minds-of.html

உலக அளவில் வைரலாகி வரும் ஒரு நெகிழ்ச்சியான செய்தி.  https://avargal-unmaigal.blogspot.com/2025/12/heartwarming-story-that-is-going-viral.html

"இந்தியர்கள் என்றாலே அலறுகிறார்கள்!" - உலகம் நம்மைப் பார்த்து முகம் சுழிப்பது ஏன்?  https://avargal-unmaigal.blogspot.com/2025/12/blog-post_24.html

 

உங்க மைண்ட்செட் மாத்தணுமா? விவேகானந்தரின் ‘பவர்ஃபுல்’ ரகசியங்கள்!  Gen-Z & Millennials #MindsetMatters https://avargal-unmaigal.blogspot.com/2025/12/gen-z-millennials-mindsetmatters.html

# சுத்தம் சோறு போடுமா? - இந்தியர்களின் ‘சிதைந்துபோன’ சமுக உணர்வு: ஒரு ஸ்பெஷல் ரிப்போர்ட்!  https://avargal-unmaigal.blogspot.com/2025/12/shattered-social-consciousness-of.html

பிஞ்சு மனங்களும்... நஞ்சு விதிகளும்!   தடை செய்ய ஆயிரம்... தாராளமாய் ஒன்றா?  https://avargal-unmaigal.blogspot.com/2025/12/tender-minds-and-poisonous-rules.html

ஆண்களின் வலி தெரியுமா? வெளிநாட்டுப் பெண் ( White Lady )கேட்ட ஆவேச கேள்வி! https://avargal-unmaigal.blogspot.com/2025/12/white-lady.html

 

🛑 ஐரோப்பா... இனி 'கனவு தேசம்' அல்ல; 'கானல் நீர்'! - 2026 முதல் இறுகும் பிடி... https://avargal-unmaigal.blogspot.com/2025/12/2026.html

இந்தியாவை 'காலி' செய்கிறார்களா இந்தியர்கள்?  - ஓர் அதிர்ச்சி ரிப்போர்ட்! https://avargal-unmaigal.blogspot.com/2025/12/blog-post_20.html

#உலக_அரசியல், #Global_Politics, #அரசியல்_அலசல், #Political_Analysis #உண்மைச்_சரிபார்ப்பு , #Fact_Check, #டிரம்ப் #ஒபாமா, #மதுரோ, #வெனிசுலா, #அமெரிக்கஅரசியல், #ஜனநாயகம், 
#அவர்கள்உண்மைகள், #ட்ரோன்தாக்குதல் #சர்வதேசஅரசியல்