உலகிற்கு 'எமன்' மீண்டும் வருகிறானா? - பென்டகனின் 'புராஜெக்ட் பீலே' பின்னணியில் இருக்கும் பேரதிர்ச்சி!

 பீலே' என்ற பெயரில் மீண்டும் வரும் அணு ஆபத்து! - போர்க்களத்திற்குள் நுழையும் 'நடமாடும்' அணு உலைகள்! அமெரிக்காவின் அடுத்த மாபெரும் சூதாட்டம்!**

     

கிரீன்லாந்து பனிக்கடியில் புதைந்திருக்கும் 'கேம்ப் செஞ்சுரி' தந்த கசப்பான பாடத்தை அமெரிக்கா மறந்துவிட்டு அல்லது அப்படியே புறம் தள்ளிவிட்டு ஒருபுறம் பழைய அணுக்கழிவுகளின் ஆபத்து தலைதூக்கும் நிலையில், மறுபுறம் 'புராஜெக்ட் பீலே' (Project Pele) என்ற பெயரில் அதிநவீன நடமாடும் அணு உலைகளை உருவாக்கப் பென்டகன் களமிறங்கியுள்ளது. 'அணு ஆயுதப் பரவல்' முதல் 'சுற்றுச்சூழல் பேரழிவு' வரை - இந்தப் புதிய திட்டம் எழுப்பும் கேள்விகளும் ஆபத்துகளும் என்ன?  அது பற்றிய ஒரு விரிவான பதிவு இதோ!


60 ஆண்டுகளுக்கு முன்பு கிரீன்லாந்தின் பனிக்கடியில் 'PM-2A' என்ற நடமாடும் அணு உலையை நிறுவி, 'கேம்ப் செஞ்சுரி' (இதைப்பற்றி எனது முந்தைய பதிவில் விரிவாக தெரிந்து கொள்ளலாம் )என்ற ரகசிய இராணுவத் தளத்தை அமெரிக்கா உருவாக்கியது. ஆனால், அந்த முயற்சி தோல்வியில் முடிந்தது. உலை கசிந்த கதிரியக்கம் வீரர்களைப் பாதித்ததுடன், பல லட்சம் லிட்டர் நச்சுக் கழிவுகளையும் பனிக்கடியில் புதைத்துவிட்டுச் சென்றது. இன்று புவி வெப்பமடைதலால் அந்தப் பனி உருகி, உலகிற்கே ஒரு பெரும் சுற்றுச்சூழல் அச்சுறுத்தலாக மாறியுள்ளது. இந்தக் கசப்பான வரலாறு இன்னும் அமெரிக்காவை விட்டு நீங்காத நிலையில், மீண்டும் 'நடமாடும்' அணு உலைகள் பக்கம் அமெரிக்கா திரும்பியிருப்பது  உலக தலைவர்களுக்கு மேலும் ஒரு அதிர்ச்சியை தந்து இருக்கிறது


2021-ம் ஆண்டு, அமெரிக்கப் பென்டகன் 'புராஜெக்ட் பீலே' என்ற திட்டத்திற்காக $60 மில்லியன் நிதியைக் கோரியது. இதன் நோக்கம், ஐந்து ஆண்டுகளுக்குள் ஒரு சிறிய, டிரக்கில் ஏற்றிச் செல்லக்கூடிய (Truck-mounted) அணு உலையை வடிவமைத்து உருவாக்குவது. இதை உலகின் எந்தப் போர்முனைக்கும் அல்லது தொலைதூர ராணுவத் தளங்களுக்கும் விமானம் மூலம் கொண்டு சென்று பயன்படுத்தலாம். இது 'கேம்ப் செஞ்சுரி' உலையை விடப் பல மடங்கு அதிநவீனமானது என்று அமெரிக்கா மார்தட்டுகிறது.

TRISO எரிபொருள் கசகசா விதை அளவிலான எரிபொருள் துகள்கள், வைரம் போன்ற பாதுகாப்பு உறைகளால் மூடப்பட்டிருக்கும். இது கதிரியக்கக் கசிவை 100% தடுக்கும் என உறுதி.
ஏர்-கூல்டு' தொழில்நுட்பம் தண்ணீக்குப் பதிலாகக் காற்றால் குளிரூட்டப்படுவதால், கதிரியக்க நீர் கசிவு என்ற பேச்சுக்கே இடமில்லை.
வேகமான செயல்பாடு: வெறும் மூன்று நாட்களில் முழுமையாக இயக்கி, இரண்டு நாட்களில் பாதுகாப்பாக அணைத்து, இடமாற்றம் செய்ய முடியும்.


ஏன் இந்த அவசரம்? - ராணுவத் தேவையா, ஆபத்தான சூதாட்டமா?

அமெரிக்க ராணுவம் உலகிலேயே அதிக அளவில் எரிபொருளைப் பயன்படுத்தும் அமைப்புகளில் ஒன்று. தினமும் ஆயிரக்கணக்கான எரிபொருள் லாரிகள் போர்க்களங்களுக்குச் செல்ல வேண்டியிருப்பதால், அவை எதிரிகளின் தாக்குதலுக்கு எளிதான இலக்காக மாறுகின்றன. இதிலிருந்து தப்பிக்கவும், 'கார்பன் உமிழ்வைக்' குறைக்கவும் இந்த நடமாடும் அணு உலைகள் அவசியம் என்று அமெரிக்கா வாதிடுகிறது. போர்முனையில் மின்சாரம் தீர்ந்துவிட்டால், அணு உலைகள் 'வரம்பற்ற ஆற்றலை' வழங்கும் என்கிறது பென்டகன்.

ஆனால் உலக தலைவர்கள் எழுப்பும்  கேள்விகள் கொஞ்சம் யோசிக்காத்தான் வைக்கின்றன

 இந்த உலைகள் ஒருவேளை எதிரிகள் கையில் சிக்கினால் என்ன ஆகும்? அல்லது தீவிரவாதிகளின் தாக்குதலுக்கு உள்ளானால் அதன் விளைவுகள் என்னவாக இருக்கும்? அணுக்கழிவுகளைக் கையாள்வதில் உள்ள சிக்கல்களை அமெரிக்கா இன்னமும் தீர்க்கவில்லை. போர்க்களத்தில் அணு உலைகளைப் பயன்படுத்துவது சர்வதேசச் சட்டங்களை மீறுவதாக அமையுமா? ஜெனீவா ஒப்பந்தம் போன்ற சர்வதேச விதிகள் என்ன சொல்கின்றன? அமெரிக்கா 'ரிமோட் டிஸ்ட்ரக்ஷன்' போன்ற பாதுகாப்பு அம்சங்கள் இருந்தாலும், மனிதத் தவறுகள் அல்லது இயந்திரக் கோளாறுகளின் அபாயத்தை எவராலும் ஜீரோ ஸ்டேஜ்ஜுக்கு கொண்டு வர முடியாது.


அறுபது ஆண்டுகளுக்கு முன்பு 'PM-2A' உலை மூலம் அமெரிக்கா எடுத்த ஆபத்தான சோதனை, கிரீன்லாந்தின் பனிக்கடியில் ஒரு நச்சுக்கழிவுப் படையாக இன்றும் காத்துக் கொண்டிருக்கிறது. அந்தப் பாடங்களைக் கற்றுக்கொண்டு, 'புராஜெக்ட் பீலே' உண்மையாகவே உலகிற்குப் பாதுகாப்பான தீர்வைத் தருமா அல்லது புதிய வடிவிலான ஒரு அணு அச்சுறுத்தலை உருவாக்குமா என்பதை வரும் 2029-ம் ஆண்டு (திட்டமிடப்பட்டுள்ள முதல் சோதனை ஆண்டு) உலகம் உற்று நோக்கும். 'காலன்' மீண்டும் பனிப்பரப்பிலிருந்து வெளியே வர அமெரிக்கா வழி வகுத்துவிட்டதா என்ற கேள்விதான் தற்போது உலக அரங்கில் எதிரொலிக்கிறது.


கண்டிப்பாக மறக்காமல் எனது அடுத்த பதிவையும் படிக்க வாருங்கள். அது சாதாரண தகவல் அல்ல . நீங்கள் இதுவரை எங்கும் கேள்விப்பட்டிராத, நிழல்களில் மறைந்திருக்கும் உண்மைகள். அமெரிக்கா பல அணு ஆயுத திட்டங்களை அமைதியாக செயல்படுத்திக் கொண்டிருக்கிறது.ஆனால் அதன் எதிரி நாடான ரஷ்யா அவர்கள் சும்மா கைகளை கட்டிக் கொண்டு உட்கார்ந்திருக்கிறார்கள் என்று நினைத்தால் அது மிகப் பெரிய தவறு.அவர்கள் உருவாக்கி வைத்திருக்கும் திட்டங்கள் அமெரிக்காவே நேரடியாக போர் நடவடிக்கை எடுக்கத் தயங்கும் அளவுக்கு சக்திவாய்ந்தவை.அந்த உண்மை எனக்குள் ஒரு கேள்வியை எழுப்புகிறது.அதே கேள்வி உங்களுக்கும் எழலாம். “அமெரிக்கா ஏன் ரஷ்யாவை நேரடியாகத் தொடுவதில்லை?”அதற்கான பதில் அடுத்த பதிவில். மிகச் சுருக்கமாக ஆனால் உங்களை நிம்மதியாக இருக்க விடாத அளவுக்கு தாக்கத்துடன்.


'டிஸ்க்ளைமர்' (Disclaimer):
இந்தத் தகவல்கள் அனைத்தும் பொதுவெளியில் உள்ள பாதுகாப்பு ஆய்வறிக்கைகள் மற்றும் அரசு இணையதளங்களில் இருந்து சேகரிக்கப்பட்டவை. இவை எந்த அரசியல் சார்பும் அற்ற, அறிவியல் மற்றும் புவிசார் அரசியல் (Geopolitics) சார்ந்த உண்மைகள்.

முந்தைய பதிவு

பனிக்கடியில் ஒளிந்திருக்கும் காலன்: அமெரிக்காவின் 60 ஆண்டுகால அணு ஆயுத ரகசியத்தை உடைத்த நாசா! (The Hidden Killer Under Ice: NASA Breaks US 60-Year Nuclear Secret!)  https://avargal-unmaigal.blogspot.com/2026/01/60-hidden-killer-under-greenland-ice.html

அன்புடன்
மதுரைத்தமிழன்

 

#ProjectPele #MobileNuclearReactor #NuclearEnergy #USMilitary #Pentagon #EnvironmentalRisk #Greenland #CampCentury #FutureWarfare #NuclearThreat #MaduraiThamizhan #InternationalPolitics #ClimateChange #EnergySecurity #AtomicDanger #TamilNews