நட்புக்களுக்கு கடன் அத்தியாவசிய தேவைகளுக்கு அல்ல!!!!!!

 நட்புக்களுக்கு கடன் அத்தியாவசிய தேவைகளுக்கு அல்ல!!!!!!

 

இந்திய நண்பர்களுக்குக் கடன்
அவசர அத்தியாவசிய
தேவைகளுக்கு அல்ல
அவர்களின்
ஆடம்பர தேவைகளுக்காக
மட்டுமே
தேவைப்படுகிறது

இந்திய நண்பர்களுக்குக்
கொடுக்கும் கடன் என்பது
இந்திய வங்கிகள்
மோடியின் நண்பர்களுக்குக்
கொடுக்கும் கடன் மாதிரிதான்
அதை வராக்கணக்கில்
மட்டும்தான் சேர்க்க வேண்டும்

கஷ்டம் என்று சொன்னால்
உதவுவதற்கு ஒருத்தர் கூட
முன்வராத நிலையில்
அட்வைஸ் சொல்ல மட்டும்
க்யூவில் காத்திருப்பார்கள்

நண்பர்களிடம்
நட்பை அடகு வைத்துத்தான்
கடன் வாங்குவார்கள்
ஆனால் என்ன
முடிவில்
சேட்டுக் கடையில்
அடகு வைத்துத்
திருப்ப முடியாத
தாலி போலத்தான்
நட்பும்  திருப்ப முடியாமல் போகும்

நண்பர்களுக்குக் கடன் கொடுத்தால்
அது திரும்ப வராது
ஆனால் அவர்களுக்கு
உதவி செய்தால்
அது எப்படியும்
எந்த வகையிலாவது
ஒரு நாள் திரும்பக் கிடைக்கும்
நமக்கு

கடன்
சமுக இணைய தள
உறவை முறிக்கும்

உன் கருத்துக்கு எல்லாம்
ஆதரவு கருத்து இட்டேனே
அப்படிப்பட்ட எனக்குக்
கடன் தரவில்லை என்றால்
உனக்கு  எதிர்க் கருத்துதான் போடுவேன்
ஆக மொத்தம் கருத்துக்கள்
இங்குக் கடனுக்காகப் போடப்படுகின்றனவே
தவிர நல்ல கருத்துகளுக்காகப் போடப்படுவதில்லை

கஷ்டப்படும் போது  நட்புகளிடம்  கஷ்டங்களைச் சொல்லி கடன் கேட்காதீர்கள் உங்கள் கஷ்டங்களை அவர்களிடம்  பகிருங்கள் . அவர் உங்களின் சிறந்த நட்பாக இருந்தால் ,அவருக்கு உதவி செய்யும் சூழ்நிலை இருந்தால் அவரே தானாகவே முன் வந்து உங்களுக்கு உதவிகள் பல செய்வார்கள். நண்பன் பணக் கஷ்டத்தில் இருக்கும் போது அதனை உணர்ந்து கேட்காமலே உதவி செய்யும் நட்புதான் மிகச் சிறந்த நட்பு.

"உடுக்கை இழந்தவன் கை போல, அங்கே
இடுக்கண் களைவதாம் நட்பு"

என்ற வள்ளுவன் வாக்கின் படி அப்படி ஒரு நண்பன் உங்களுக்குக் கிடைத்தால், உலகத்தில் நீங்கள் மிக அதிருஷ்டசாலி. அப்படிப்பட்ட  நட்பை எந்த காரணம் கொண்டும் இழக்காதீர்கள்.

கொசுறு

இணைய தளப் பதிவுகளுக்கு இடப்படும் கருத்துக்கள்
பல வகைப்படும்.
நண்பர்கள் என்றால் ஒரு வகையும்
தோழிகள் என்றால்  ஒரு வகையாகவும்
நண்பர்கள் அல்லாதவர்கள் என்றால் இன்னொரு வகையும்
நமக்குப் பிடிக்காதவர்கள் என்றால் ஒரு வகையுமாக இருக்கிறது

பொய்யாகப் பேசி பதிவிடுங்கள்
உங்களுக்கு நட்புகள் அதிகமாக இருக்கும்
ஆனால் உண்மையாகப் பேசி பதிவிட்டால்
ஒருத்தராவது இருப்பார்கள்
என்றால் அது மிக அதிசயமே
பேஸ்புக் உறவுகள்

அன்புடன்
மதுரைத்தமிழன்