மனிதர்களும் அவர்களது விசித்திரமான குணங்களும்

 மனிதர்களும் அவர்களது விசித்திரமான குணங்களும்
 

நமக்குப் பழக்கமில்லாத அந்நியர்
நம்மை அவமானப்படுத்தினால்,
அவர்களின் கருத்துகள்
அர்த்தமற்றவை என்று
நாம் புறக்கணிப்போம்,

ஆனால் அதே சமயத்தில்
நமக்குப் பழக்கமில்லாத அந்நியர்
நம்மைப் பாராட்டினால்
அது உண்மையான கருத்து
என்று கருதி பொக்கிஷம் போல
 நினைத்து  நினைத்து
நாலு பேரிடம் சொல்லி மகிழ்வோம்

இன்றைய கால பெரியவர்கள்
அன்றைய காலங்களில்
பெர்ஷனல் டைரி எழுதும்
 பழக்கம் உள்ளவர்கள்
அதை யாரவது எடுத்துப் படித்தால் கோபப்படுவார்கள்.
 ஆனால்
அவர்கள் இன்றையக் காலங்களில்
 அன்றைக்கு பெரிஷன்ல் டைரியில் எழுதியது போல்
சமுக இணையதளங்களில்
 தங்கள் எண்ணங்களை
எழுதிப் பதிவிடுகிறார்கள்..
அதை நாம்  படித்து லைக் செய்யவில்லை என்றால் கோபப்படுவார்கள்
அதை நாம் பெர்ஷனல் விஷயம் என்று ஒதுக்கிவிட முடியாது

பெண்கள்
ஒரு ஆண் தன்னை பார்க்கும் பார்வை
பழகும் விதத்திலிருந்து
அவனின் நோக்கத்தைப் புரிந்து கொள்ளும்
சக்தி படைத்தவர்கள் என்று
பெருமையாகச் சொல்லிக் கொண்டாலும்
இறுதியில் என்னவோ
அப்படிப்பட்ட ஆண்களிடம்
ஏமாந்து  தங்களது வாழ்க்கையைத்
தொலைத்தவர்கள்தான் அதிகம்

அரசு ஏழைகளுக்குக் கொடுக்கும்

இலவசங்களை எதிர்த்து பலமாகக்

குரல் கொடுப்பவர்கள் யார் என்று  பார்த்தால்

மேலை நாட்டுத் தொழில் நிறுவனங்கள்
இலவசமாகத் தந்த சமுக இணைய தளங்களையும்  
இமெயில் கணக்குகளையும் பயன்படுத்தி
 தங்களை வளர்த்துக் கொள்பவர்கள்தான்

அன்புடன்
மதுரைத்தமிழன்