மோடி செய்த ஒரே ஒரு நல்ல காரியம் இதுதானோ?

மோடி செய்த ஒரே ஒரு நல்ல காரியம் இதுதானோ?

அதிமுகவில் இருந்து சசிகலாவை விலக்கி வைத்த ஒரே ஒரு செயல்தான் மோடி தமிழர்களுக்கு செய்த  ஒரு நல்ல செயல்.. அது போல திமுகவில் இருந்து கலைஞரின் குடும்பத்தையும் விலக்கி வைத்தால் இன்னொர்ரு நல்ல செயலாக இருக்கும்....

மக்களே  இவர்களை விலக்கி வைத்தால் பாஜக உடனே ஆட்சிக்கு வந்துவிடுமே என்று பயப்படாதீங்க் அவ்ங்களை தமிழக மக்கள் எப்பவும் உள்ளேவிடமாட்டாங்க அதனால கவலைப்படாதீங்க்

அருணாச்சல பிரதேசத்தில் பெயரை மாற்ற எங்களுக்கு சட்டப்பூர்வ உரிமை உள்ளது என சீனா மீண்டும் அடாவடியாக கூறிஉள்ளது.

சீனா செய்வது அடவாடித்தனம் என்றால் தமிழகர் மீது ஹிந்தியை திணிக்கும் மத்திய அரசு செய்வதும் அடாவாடித்தனம்தானே

‘எச்–1 பி’ விசா கட்டுப்பாடுகளால் இந்தியர்களுக்கு பாதிப்பு ஏற்படும் அபாயம் குறித்து அமெரிக்க நிதி மந்திரியிடம் அருண் ஜெட்லி பிரச்சினை எழுப்பினார்.

ஏலே புதிய இந்தியாவில் இந்தியர்களுக்கு வேலை வாய்ப்பை ஏற்படுத்துவது குறித்து மோடியிடம் பேசுய்யா அதைவிட்டு விட்டு அமெரிக்காவிடம் கெஞ்சுகிறாய்

திரைப்பட துறையினர் கலந்தாய்வு கூட்டம் சென்னை கிண்டியில் உள்ள நட்சத்திர ஓட்டலில் நேற்று நடந்தது. இதில் மத்திய மந்திரி வெங்கையா நாயுடு கலந்துகொண்டார்.

இது போல தமிழக விவசாயிகள்  நட்சத்திர ஒட்டலில் கலந்தாய்விற்கு அழைத்து இருந்தால் வெங்கய்யா என்ன மோடியே வந்து கலந்து இருப்பார் அதைவிட்டு விட்டு டெல்லி தெருவில் போராட்டம் நடத்தினால்  யாருப்பா வருவார்

டெல்லியில் போராட்டம் நடத்தும் விவசாயிகள் தங்கள் கோரிக்கைகளை மாநில அரசிடம் தெரிவித்து தீர்வு காண முயற்சி எடுக்க வேண்டும். ஆந்திரா, தெலுங்கானா, உத்தரபிரதேசம் உள்ளிட்ட மாநிலங்களில் விவசாயிகள் பிரச்சினைகளை அந்தந்த மாநில அரசேதான் தீர்த்து வைத்தன. வெங்கையா நாயுடு

அய்யா வெங்கய்யா தமிழக மக்களை இப்போது ஆள்வது மத்திய அரசுதான் என்று விவசாயிகளுக்கு தெரிந்து இருப்பதால்தான் அவர்கள் மத்திய அரசிடம் கேட்கிறார்கள்

ராகுல்: சமூக வலைதளங்களில் சுய புராணம் பாடி, நேரத்தை வீணடிக்காமல், ஆக்கப்பூர்வ செயல்களுக்காக அவற்றை பயன்படுத்தும்படி, அதிகாரிகளுக்கு, பிரதமர் மோடி அறிவுரை வழங்கியுள்ளார். பிறருக்கு அறிவுரை வழங்கும் முன், தான் அந்த செயலை பின்பற்றுகிறோமா என, அவர் சிந்திக்க வேண்டும்.

சின்ன புள்ளையாய் இருந்தாலும் மிக சரியாகத்தான் சொல்லி இருக்கிறார் ராகுல்

சிவசேனா எம்.பி., சஞ்சய் ராவத்: மதுவுக்கு தடை விதிக்கும் நீதிபதிகள், தங்கள் பதவியை ராஜினாமா செய்து விட்டு, தேர்தலில் போட்டியிட வேண்டும். இவர்களுக்கு, எத்தனை ஓட்டுகள் கிடைக்கும் என்பது, அப்போது தெரியும்.

எங்களுக்கு தேவை மக்களின் வோட்டுக்கள்தான் மக்கள் நலம் இல்லை என்பதை சரியாக சொல்லி இருக்கிறார் சஞ்சய் ராவத்

தமிழக பா.ஜ., தலைவர் தமிழிசை சவுந்தரராஜன்: அ.தி.மு.க.,வின் இரு அணிகளும் விரைவில் இணைந்து, மக்கள் நலப்பணிகளில் ஈடுபட வேண்டும்.

அம்மா தமிழிசை இதை உங்கள்  தேசிய தலைவர்களின் காதில் கொஞ்சம் சத்தமாக சொல்லுங்களேன்

அன்புடன்

மதுரைத்தமிழன்