கலைஞரின் பாணியில் மதுரைத்தமிழனின் கேள்வி பதில்கள்

கலைஞரின் பாணியில் மதுரைத்தமிழனின் கேள்வி பதில்கள்

கலைஞர் தானே சில கேள்விகளை கேட்டு அதற்கு பதிலை அவரே சொல்லி ஊடகங்களுக்கு அனுப்பி வைப்பார். அதை போல இங்கே நான் சில கேள்விகளை கேட்டு அதற்கான பதிலை சொல்லி  உங்களின் பார்வைக்கு அனுப்பி வைக்கிறேன்

1. விஜயகாந்திற்கு உடல்நிலை சரியில்லாததால் அவரின் மனைவி தேர்தல் களத்தில் இறங்கி போராடிக் கொண்டிருக்க இங்கே உடல் நலம் சரியில்லாத 92 வயதான கலைஞரை களத்தில் இறங்கி போராட தளபதி  அழைத்து வருகிறார் இதை பற்றி ஏதாவது உங்களால் சொல்ல முடியுமா மதுரைத்தமிழா??

மதுரைத்தமிழன் : ஒரு பெண்ணிற்கு இருக்கும் தைரியம் இத்தனை ஆண்டுகளாக கலைஞரிடம் அரசியல் பாடம் கற்ற தளபதிக்கு இல்லாமல் போனது மிக ஆச்சிரியத்தைதான் மக்களுக்கு  தருகிறது

2. தேமுதிகவில் இருந்து மாவட்ட செயலாளர்களை திமுக தன் பக்கம் இழுப்பதால் திமுகவிற்கு வெற்றி வாய்ப்புகள் ஏதும் உண்டா மதுரைத்தமிழா?

மதுரைத்தமிழன் : இப்படி வந்து சேரும் செயலாளர்களின் வோட்டு மட்டும்தான் கிடைக்கும் அதை வைத்து கொண்டு வெற்றி பெறலாம் என்று திமுகவினர் நினைத்தால் அதுதான் இந்த வருடத்தின் மிக சிறந்த காமெடி. தேமுதிகவிற்கு கிடைக்கும் வாக்குகள் விஜ்யகாந்த்திற்காவே மட்டும் கிடைத்தவை அந்த கட்சியின் செயலாளர்களால் கிடைத்தவை அல்ல.

3. தேமுதிகவில் சேரும் போது கோடிஸ்வரானாக இருந்த நான் இப்போது கடனாளியாக ஆகிவிட்டேன் என்று சொல்லி  திமுகவில் போய் சேர்ந்த வட சென்னை மாவட்ட தே.மு.தி.க., செயலர் யுவராஜ் பற்றி என்ன நினைக்கிறீர்கள் மதுரைத்தமிழா??.

மதுரைத்தமிழன் : எங்கே போய் சேர்ந்தால் பணம் சம்பாதிக்க முடியும் என்று இப்போது தெரிந்து வைத்திருக்கிறார்.

4. முதல்வர் ஜெயலலிதா வெளியில் வருவதில்லை, மக்களை சந்திப்பதில்லை, எதைப் பற்றியும் கருத்து சொல்வதில்லை என்று சொல்கின்ற மக்கள் நலக் கூட்டணியினர்  அவர்களின்  முதல்வர் வேட்பாளர் விஜயகாந்த் எங்கே? ஏன் அவரு மேடைகளில் இப்போது பேசுவதில்லை என்று சொல்லாமல் மெளனம் காப்பது பற்றி நீங்கள் என்ன சொல்லுகிறீர்கள் மதுரைத்தமிழா?.?

மதுரைத்தமிழன் : கேப்டன் முதல்வராக வருவதற்கு டிரெய்னிங்க் எடுத்துகிட்டு இருக்கிறார் போல.....வேறு என்ன சொல்ல.

காங்கிரஸூக்கு 40+ இடங்கள் தர திமுக ஒப்புக் கொண்டது பற்றி என்ன சொல்ல நினைக்கிறீர்கள் மதுரைத்தமிழரே?

மதுரைத்தமிழன் : 40 இடங்களில் அதிமுக உறுதியாக வெல்ல திமுக

 வாய்ப்பை ஏற்படுத்தி கொடுத்திருப்பதாகவே நான் கருதுகிறேன்

 

கொசுறு :

சிரிக்க வைத்த வீடியோ :

சூப்பர் ஸ்டார் ரஜினிகாந்தாக இருந்தாலும் சரி காமெடி ஸ்டார் விஜயகாந்தாக இருந்தாலும் சரி அவர்களின் நடிப்பை மக்க ரசிப்பார்களே தவிர அவர்கள் கைகாட்டும் ஆட்களுக்கு மக்கள் வோட்டு போட மாட்டார்கள்

அன்புடன்

மதுரைத்தமிழன்