கேள்விகளுடன் பெண்களும் பதில்களுடன் மதுரைத்தமிழனும்

கேள்விகளுடன் பெண்களும் பதில்களுடன் மதுரைத்தமிழனும்

கவிதா : என் வீட்டுக்காரார் சாமியார் ஆகலாம்னு இருக்கேன் என்று அடிக்கடி சொல்லுகிறார் காரணம் கேட்டால் நான் தொல்லைகள் அதிகம் தருகிறேனாம்.. ஆனால் நான் நல்லதைதான் அவருக்கு சொல்லுகிறேன் & செய்கிறேன் ஆனால் அதை அவர் தொல்லைகளாக நினைக்கிறார். உங்களின் அட்வைஸ் என்ன என்று சொல்லுங்க மதுரைத்தமிழன்.

மதுரைத்தமிழன் : சாமியாரா ஆனால் நிறைய பொண்ணை சமாளிக்கனும். அதனால ஒரு பொண்ணை சமாளிக்கவே முடியாத நீங்க எப்படி சாமியாரா ஆகமுடியும் என்று கேட்டு ஆசையைவிட்டு விட நான் சொன்னதாக சொல்லுங்க. அதுமட்டுமல்லாமல்  சாமியாராக ஆகிறதுக்கு இந்த பதிவுலகத்தில் மதுரைதமிழனுக்கு மட்டும்தான் தகுதி இருக்கு என்று சொல்லுங்க... சரியா

ஸ்வேதா :அழகான பொண்ணு அழகில்லாதா பொண்ணு என்று எதை வைச்சு முடிவு பண்ணுவீங்க.

மதுரைத்தமிழன் :என்னை நேசிக்கும் பொண்ணுங்க எல்லாம் அழகான பொண்ணுங்க என்னை தவிர மற்றவர்களை நேசிக்கும் பொண்ணு எல்லாம் அழகில்லாதா பொண்ணுங்க

ரம்யா :ஆண்களின் ஆசைக்கும் பெண்களின் ஆசைக்கும் என்ன வித்தியாசம்?

மதுரைத்தமிழன் :பெண்கள் எல்லா ஆண்களும் தங்களை விரும்பனும் என ஆசைப்படுவாங்க ஆனால் ஆண்கள் ஒரு பெண்ணாவது தன்னை விரும்பனும் என ஆசைப்படுவாங்க அதுதாங்க வித்தியாசம்

சினேகா :இந்த வாரத்தில் நடந்த மறக்க முடியாத நிகழ்ச்சி ஏதாவது ஒன்றை சொல்லுங்களேன்?

மதுரைத்தமிழன் :என் பொழப்பு சேல்ஸ்மேன் பொழப்பு என்பதால் நாள் முழுவதும் நிற்பதும் நடப்பதும்தான் அதனால் இரவு வீட்டிற்கு வந்து சாப்பிட்டுபடுத்த போது கால்வலி தாங்க முடியலைன்னு என் மனைவிகிட்ட சொன்னேன் உடனே பக்கத்தில் படுத்து இருந்த அவள், அவள் காலை என் கால்மீது தூக்கி போட்டுவிட்டு (அப்படி செய்தது காலை அமுக்கி விட்டது போல இருக்கும்) .அதன்பின் வலி சரியாகிடுச்சா என்றாள் நான் உடனே கால்வலி சரியாகிவிட்டது ஆனால் நாள் முழுவதும் கஸ்டமர்கிட்ட பேசினதால் வாய் வலிக்கிறது என்றேன். இப்படி நான்  சொன்னது அவள் உதட்டை தூக்கி என் உதடுமீது போடுவாள் என்று  நினைத்துதான். ஆனால் அவள் அப்படியா என்றவள் பக்கத்தில் இருந்த பூரிக்கட்டையால் என் வாயில் நன்றாக நாலு போடுபோட்டாள் ஹும்

காவ்யா : பாஸ் உங்கள் மனைவியை பற்றியே எப்பொழுதும் கலாய்க்கிறீர்களே அவர்களை பற்றி கலாய்க்காமல் நல்லது ஒன்றை சொல்லுங்களேன்/

மதுரைத்தமிழன் :ஹும்ம்ம்ம்  கடவுளிடம் ஒரு வரம் கேட்டேன் என் மனைவியை என்றும் மறக்காமல் இருக்க வரம் கேட்டேன். கடவுளும் வரம் தந்தார் அதன்பின் வரம் தந்த கடவுளையே மறந்து என் மனைவியைமட்டும் மறக்காமல் நினைத்து கொண்டிருக்கிறேன். காரணம் என் மனைவியே என் கடவுளாக மாறிவிட்டாள் ( அட ராக்கியி முக்காயி காக்காயி எல்லோரும் ஸ்டேடஸ் மற்றும் மேக்கப் போடுவதை அப்படியே நிறுத்திவிட்டு நான் இப்படி சொன்னேன் என்று என் பொண்டாடிக்கு தகவல் அனுப்படிங்கம்மா அப்பதான் இதுமாதரி நல்ல பதிவு எல்லாம் போட அனுமதிகிடைக்கும்)

சுமிதா: கோழி முட்டை முட்டை போட்டால் பொரிக்கலாம் ஆனால் உங்க சகோ மைதிலி டீச்சர் தன் மாணவணுக்கு போடும் முட்டையை பொரிக்க முடியமா?

மதுரைத்தமிழன் :ஓ..நிச்சயம் பொரிக்க முடியுமா. சந்தேகம் இருந்தால் அந்த மாணவனை அந்த முட்டையை தன் பெற்றோர்களிடம் கொடுக்க சொல்லுங்கள் அதை பார்த்த பின் அவர்கள் மிக நல்லா பொரிப்பார்கள்

இந்த வாரத்தில் பெண்களிடம் இருந்து வந்த கேள்விகள் அவ்வளவு தான்... என்னங்க பண்றது?  நிறைய கேள்விகளுக்கு பதில் சொல்ல ஆசைதான்.. ஆனால் என் பொண்டாடியை தவிர மற்றவர்கள் மிக குறைவாகவே கேட்கிறீர்கள் .

சரி உங்க கேள்வியும் இதுல இடம் பெறணுமா? ???.. அதுக்கு நீங்க செய்ய வேண்டியதெல்லாம் இதாங்க... உடனே   இமெயிலை ஒப்பன் பண்ணுங்க . அதுல உங்க பெயர் மற்றும் கேள்வி(கள்) எழுதி அனுப்புங்க.. கேள்விகளுக்கு கிழே உங்களின் வலைத்தள விலாசத்தோட அனுப்புங்க.. ஏனா தேர்ந்தெடுக்கப்படும்  கேள்விகள்  இங்கு பிரசுரிக்கப்படும்..  நீங்க அனுப்ப வேண்டிய முகவரி... avargal_unmaigal@yahoo.com  மக்களே அறிவு சார்ந்த கேள்விகளை மட்டும் கேட்க வேண்டாம். ஏன்னா எனக்கு அறிவு கிடையாதுங்க...

ஹீஹீஹீ அப்ப நான் வரட்டா?

அன்புடன்

மதுரைத்தமிழன்

டிஸ்கி: அரசியல் பதிவே போடுறீங்க..இங்கே வரும் பெண்களுக்காக அரசியல் பதிவை தவிர மற்ற மொக்கை பதிவுகளை இடவேண்டும் என்ற பெண்களின் ஏகோபத்திய வேண்டு கோளுக்கிணங்க இந்த பதிவு வெளியிடப்படுகிறது...