கருணாநிதி வீட்டிற்குள் வெள்ளம்: தொண்டர்கள் கடும் அதிர்ச்சி! பதிவர்கள் மகிழ்ச்சி!

கருணாநிதி வீட்டிற்குள் வெள்ளம்: தொண்டர்கள் கடும் அதிர்ச்சி! பதிவர்கள் மகிழ்ச்சி!

 

மதுரைத்தமிழன் மனம் மகிழ்ச்சி. காரணம் இந்த செய்தியை வைத்து கலாய்ப்பு பதிவுகள் இப்படி போடலாமே என்றுதான்.

தொடர் கனமழை காரணமாக திமுக தலைவர் கருணாநிதியின் கோபாலபுரம் வீட்டிற்குள் வெள்ளம் புகுந்தது.

சென்னை: திமுக தலைவர் கருணாநிதியின் வீடு சென்னையில் கோபாலபுரத்தில் உள்ளது. சென்னை முழுதுவதும் வெளுத்து வாங்கும் மழை இந்த பகுதியையும் விட்டுவைக்கவில்லை.

இதனால், இந்த பகுதியில் வெள்ளம் அதிகரித்தது. மழை நீர் சாலைகளில் பெருக்கெடுத்து ஓடியது. திடீரென, திமுக தலைவர் கருணாநிதியின் கோபாலபுரம் வீட்டிற்குள் வெள்ளம் புகுந்தது. இதனை அறிந்த தொண்டர்கள் அவரை காப்பாற்ற படகிற்கு பதில் மெரினா கடற்கரையில் இருந்து ஒரு பெரிய கப்பலை கொண்டு அவரை காப்பற்ற முயன்றனர். ஆனால் அவ்வளவு பெரிய கப்பலை நகருக்குள் கொண்டுவர முடியாது என்று அரசாங்கம் சொல்லியதால் உடன் பிறப்புக்கள் போராட்டம் நடத்தினர். அவர்கள் கொண்டு வர முயன்ற கப்பலை இங்கே காணலாம்

கருணாநிதி வீட்டிற்குள் வெள்ளம் வந்து அவரது வீட்டினை பாதித்தது. அதனால் அவருக்கு வரவேண்டிய வெள்ள நிவாரான நிதி இதுவரை அவருக்கு தரப்படாததால் உடன் பிறப்புக்கள் சாலை மறியல் போராட்டம் நடத்தினர். இன்று மாலைக்குள் அவருக்கு வெள்ள நிவாரணநிதி கொடுக்கப்படவில்லை என்றால் உண்ணாவிரதப் போராட்டம் நடத்தப் போவதாக அன்பழகன் அறிவித்தார்

வெள்ளம் கோபாலபுரத்திற்குள் நுழைந்தது ஜெயலலிதா செய்த சதியின் விளைவே. இதற்கு சிபி ஐ விசாரனை நடத்த வேண்டும் என ஸ்டாலின் மத்திய அரசிற்கு  கோரிக்கை விடுவித்தார்

ஸ்டாலினின் கையாலாகத தனத்தால்தான் வெள்ளம் கோபாலபுரத்திற்குள் நுழைந்தது. நான் மட்டும் அங்கு இருந்தால் இப்படி ஒரு அசிங்கம் நேராமல் தடுத்து இருப்பேன் என அழகிரி விமானநிலையத்தில் இருந்து நிருபர்களுக்கு பேட்டியளித்தார்.

சொக்கா 940 கோடியாம் அது நான் ஆட்சியில் இருக்கும் போது கிடைத்திருக்க கூடாதா? கிடைச்சிருந்தா தேர்தல் நிதிக்கு பயன்படுத்தி இருப்பேனே இப்ப பாரு அந்த அம்மா எல்லா பணத்தையும் எடுத்து கடைத் தேங்காயை எடுத்து வழிபிள்ளையாருக்கு உடைப்பது போல  தேர்தல் நிதியாய் பயன்படுத்திருவாரே. நான் என்ன செய்வேன் எனக்கு ஏன் இப்படி எல்லாம் சோதனை வருகிறது எல்லாம் போச்சு எல்லாம் போச்சு

அன்புடன்

மதுரைத்தமிழன்

டிஸ்கி : சின்ன செய்திதான் ஆனால் அந்த செய்தியை வைத்து இப்படியும் கலாய்க்கலாம்தானே?