லட்சுமி குறும்படம் பார்த்த பின் ஆண்களின் மனதில் மிகப் பெரிய மாற்றம். அது என்ன?

லட்சுமி குறும்படம் பார்த்த பின் ஆண்களின் மனதில் மிகப் பெரிய மாற்றம். அது என்ன?


அந்த படத்தை பார்த்த பின் பல ஆண்கள் சமையலை கற்று தேர்ச்சி பெற போயிருக்கிறார்களாம். அப்படி அவர் கற்று சமையல் செய்து மனைவியை அசத்த போகிறார்கள் என்று நீங்க நினைத்தால் அது மிகப் பெரிய முட்டாள்தனம். அவர்கள் கற்று தேர்ந்து லட்சுமி மாதிரி பெண்களுக்கு சமைத்து போட்டு ஒரு நைட்டாவது அசத்தனும் என்றுதான் இப்படி கற்றுக் கொள்ளப் போகிறார்களாம். நம்ம ஊரில்தான் அடிக்கடி  இந்த போராட்டம் அந்த போராட்டம் மழை வெள்ளம் என்று பல நிகழ்வுகள் நடந்து கொண்டிருப்பதால் பஸ் ரயில் போக்குவரத்துபாதிப்புக்கள் ஏற்படும் . அதனால்சமையல் கற்றுக் கொண்டால் லட்சுமி மாதிரி கஷ்டப்படுகிற பெண்களுக்கு  உதவ முடியுமே என்றுதான் சமையல் கலை கற்க போகிறார்கள்!



இப்ப கொஞ்சம் சீரியஸாக பார்ப்போம்



அன்பான மனைவிக்கு பார்த்து பார்த்து செய்யும்  கணவன் இருக்கையிலேயே மனம் பிறழும் பெண்களும் இருக்கிறார்கள் என்கிற பொழுது அப்படியிருக்கும்போது இயந்த்திர  வாழ்க்கையை அமையப் பெற்ற லட்சுமி  போன்ற பெண்ணிடம் புதிதாய் அறிமுகமாகும் ஒருவன் அதிலும் தினசரி பார்க்கும் ஒருவன் அவள்  சாதாரணமாகச் செய்யும் பணிகளை உயர்வாகவும் விழியகல வியப்புடனும் கூறும்போது அப்பெண் மயங்குவதில் தப்பு என்ன?


இந்த படத்தில் இயந்திர கதியில் படுக்கையில் இயங்கும் கணவனுக்கு மாற்றாக படுக்கையில் இயல்பாக இயங்ககூடியவனை நோக்கி சென்றதாகவே சொல்லப்பட்டு இருக்கிறது போல எனக்கு தோன்றுகிறது. லட்சுமிக்கு தேவை அன்பும் ஆதரவும் அணைத்து பாராட்ட மகிழ ஒரு உறவு தேவைப்பட்டு இருக்கிறது ஆனால் அந்த இளைஞனுக்கோ  உயிர் வாழ உதவும் ஆக்ஸிசன் போல செக்ஸ் தேவைப்படுகிறது . அதனால் இங்கு பண்ட மாற்று முறைப்படி அவரவர்களுக்கு தேவையானதை பெற்றும் கொடுத்தும் வாழ்கிறார்கள் அவ்வளவுதான். காலம்காலமாக இந்த மாதிரி உறவுகள் பல மட்டத்தில் நடந்து கொண்டுதான் இருக்கின்றன. ஆனால் அதை ஒத்துக்கொள்ள பலரின் மனது மறுக்கிறது.. உண்மை கசப்பதால் இதை பலரும்  கழுவி கொட்டடுகிறார்கள்.


இந்த படத்தில் லட்சுமியின் கணவருக்கு போன் செய்யும் பெண்ணும் லட்சுமி மாதிரி இன்னொரு குடும்பத்தில் கஷ்டப்பட்டுக் கொண்டிருக்கலாம் அவர்களிடத்தும் இது மாதிரியான உறவுகள் இருக்கலாம்..


இந்த படத்தை பார்த்த பின் எனக்கு தோன்றுவது இந்த படத்தில் வரும் இரு ஆண்களும் தவறு செய்கிறார்கள்.... கணவன் மனைவி இருவரும் வேலை பார்க்க கூடிய இன்றைய காலகட்டத்தில் மனைவி வீட்டிற்கு வந்து சமைத்து பறிமாறிய பின் அவளுக்கு துணையாக இருந்து பாத்திரம் தேய்த்து கழுவி கிச்சனை சுத்தம் செய்வதற்கு உதவி பண்ணி அந்த நேரத்தில் அன்றைய தினத்தில் அவர்களின் வாழ்க்கையில் நடந்தது என்ன என்று பகிர்ந்து அதன் பின் படுக்கையை பகிர்ந்தால் இப்படி ஒரு நிகழ்வு நடக்காமல இருக்கலாம். அதுவும் 30, 40 யில் இருக்க கூடிய பெண்மணிகள் இதைத்தான் எதிர்பார்ப்பார்கள். ஆனால் இன்றைய கால இளைஞிகளின் (30க்கும் கீழே )மன ஒட்டம் அப்படி இல்லாமல் இருக்கலாம்.ஆனால் லட்சுமியின் கணவன் அப்படி செய்யவில்லை. சரி அவந்தான் தவறு செய்கிறான் என்றால் அந்த இளைஞனோ லட்சுமிக்கு தேவை அன்பும் ஆதரவும் அரவனைப்பான பேச்சும்தான் அதை மட்டும் தந்து நல்ல நட்புறவை பேணி  இருக்கலாம்.ஆனால் என்ன எல்லா ஆண்களுமே சுத்த மோசம்தான் என்று இங்கு சித்தகரிப்படுகின்றனர்.. சரி ஆண்கள் அப்படி மோசம் என்றால் அவர்களை அப்படி வளரவிட்டது யார்? பெற்றோர்களா? ஆசிரியர்களா? சமுகமா?



இவ்வளவு பேர் இந்தப் படத்தை ஆர்வமாகப் பார்த்திருப்பதற்கான காரணம் சில நிமிடங்களே வரும் உடலுறவு காட்சியால் கிடைக்கும் பரவச நிலைக்காக மட்டுமே.பாவம் பாரதியார் மட்டும் இந்த காலத்தில் இருந்து பார்த்திருந்தால் நம் கவிதைகளை இந்த மாதிரி படங்களுக்கு உபயோகபடுத்துவதை எண்ணி மனம் வெதும்பி எழுதுவதையே நிறுத்தி இருப்பார். இந்த படம் மிக பரபரப்பாக பேசப்படுவதற்கு இதில் வரும் உடலுறவு காட்சிதான். கணவனும் மனைவியும் உறவு கொள்ளும் காட்சியின் போது பிணம் போல அந்த பெண் இருப்பதை காட்டியவர்கள் அந்த இளைஞனோட உறவு கொள்ளும் போது அவள் பரவசம் கொள்ளும் காட்சியையும் காட்டி இருக்கலாம். காரணம் அப்போதாவது அந்த பெண் உண்மையிலேயேதான் பரவசம் கொள்கிறாளா அல்லது தன்மீது அன்பை காட்டிய அந்த இளைஞனை மகிழ்விக்க உதவுகிறாளா என்பது தெரிந்து இருக்கும்.

ஒரு வேளை அதை காண்பித்து அந்த பெண் உண்மையிலேயே பரவசம் அடைந்து இருந்தால் இந்த ஆண் சமுதாயமே பதறி போய் இருக்கும். நல்ல வேளை அதை காண்பிக்கவில்லை


இந்த கதையில் சொல்லப்படும் moral of the story என்னவென்றால் தப்பு செய்யும் ஆண் சமுகத்தை திருத்துவதற்கு பதில் அதே தப்பை பெண் சமுகமும் செய்துவிட்டு போகட்டும் என்பதுதான்.காரணம் யாரும் இங்கு புத்தனில்லை அல்லது மகாத்மாவும் இல்லை


எனக்கொரு டவுட்: அந்த இளைஞனோட உறவு கொண்ட அந்த பெண் அதன் பின் ஞானம் பெற்றுவிட்டாளா என்ன? அதனால்தான் அவள் ரயில் செல்லாமல் பஸ்ஸில் செல்கிறாளா? அல்லது அந்த உறவும் புளித்து போய் புது உறவை தேடி பஸ் பயணமா? படத்தை இயக்கியவர்கள் இதை பற்றி சொல்லவில்லை ஒரு வேளை அடுத்த குறும்படத்தில் அதை சொல்லாம் பொறுத்து இருந்து பார்ப்போம்



டிஸ்கி : என்ன இப்படி ஒரு பதிவு போட்டுவிட்டு அதில் மோடியை பற்றி சொல்லாமல் போய்விடுவானோ என்று நினைக்க வேண்டாம். மோடி என் அன்பிற்கும் பாசத்திற்கும் உரியவர்கள் அவரைப்பற்றி சொல்ல வில்லையென்றால் நமக்கு தூக்கம் வாராது அதனால் அவரை பற்றி சில வரிகள்.

இந்த படத்தில் எப்படி உறவை காண்பித்துவிட்டு  ஓவியம் ,சிற்பம் போன்ற அழகியல் மசாலாக்களை தூவி கொடுத்திருக்கிறார்கள். துணைக்கு பாரதியாரும். இதில் எந்தவிதமான புரட்சியும் புண்ணாக்கும்  புதுமையும் இல்லை அது போலத்தான்  மோடியும் தான் செய்யும் தவறுகளை மறைக்க மதத்தையும் தேசத்தையும் கேடயமாக பயன்படுத்துகிறார்..

என்ன நான் சொல்வது சரிதானே?

https://www.youtube.com/watch?time_continue=6&v=vP5dOY42DKI

அன்புடன்
மதுரைத்தமிழன்