வருமான வரித் துறை சோதனை போட வேண்டிய இடம் சோ.ராமசாமியின் வீட்டைத்தான் ஜெயலலிதா வீட்டை அல்ல

வருமான வரித் துறை சோதனை போட வேண்டிய இடம் சோ.ராமசாமியின் வீட்டைத்தான் ஜெயலலிதா வீட்டை அல்ல.

சசிகலா ஜெயலலிதாவிற்கு நெருங்கிய தோழியாக இருக்கலாம் ஆனால் ஜெயலலிதாவின் மிகவும் நம்பிக்கை பாத்திரமானவர். துக்ளக் ஆசிரியர் நடிகர் சோ.ராமசாமிதான்... ஜெயலலிதா பல ரகசியங்களை இவரிடம் பகிர்ந்ததுமல்ல இவரிடம் இருந்து ஆலோசனை பெற்றுதான்  தனது அரசியல் மூவ்களை நகர்த்தி வந்துள்ளார்.சசிகலாவை ஒதுக்கி வைத்த போது மிக நெருக்கமாக இருந்தவரும் இவர்தான்.

சோவின் மறைமுக உதவி இல்லையென்றால் ஜெயலலிதா எப்போதோ சிறையில் கம்பி எண்ணி இருப்பார். அப்படிபட்ட நம்பிக்கைக்கு பாத்திரமானவரிடம்தான் ஜெயலலிதா பல சொத்துகளுக்கான ஆதாரங்களையும் அதை பாதுக்கவும் வழி வகைகளை ஏற்படுத்தி இருந்தார். காரணம் எந்த கட்சி மத்தியில் மட்டுமல்ல மாநிலத்தில் வந்தாலும் அவரின் இடத்தை எந்த காரணத்தை கொண்டும் சோதனை செய்ய மாட்டார்கள் என்பதால்தான் காரணம் சோ பல அரசியல் கட்சிகளிடம் மிக நெருக்கமான நட்பை ஏற்படுத்தி வாழ்ந்து வந்தார்.

தேன் பானையில் கைவிட்டவன் எடுத்து நக்காமலா இருப்பான் என்று சொல்லுவார்கள். இவர் மட்டும் அதில் விதிவிலக்காக இருக்கவா போகிறார்.அப்படிப்பட்டவரின் வீட்டை சோதனை இட மத்திய அரசு முன் வராது. காரணம் அவர்களின் முக்கிய நோக்கம் சசிகலா குடும்பத்தை மட்டுமல்ல அதிமுகவை முற்றிலும் வேரோட அழிப்பதுதான். அப்பதான் அவர்களால் சிறிதளவாவது தமிழகத்தில் காலை ஊன்ற முடியும்.

சசிகலா குடும்பத்தினர் அனைவரின் வீட்டிலும் சோதனை நடத்துகிறார்கள் அதில் தவறு ஏதும் இல்லை  அது போல ஜெயலலிதாவின் உதவியாளர் வீட்டிலும் அலுவலகத்திலும் சோதனை நடத்துகிறார்கள் அதிலும் தப்பு இல்லை. ஆனால் அது போல ஜெயலலிதாவின் நண்பராண சோ.ராமசாமியின் வீட்டிலும் சோதனை நடத்த வேண்டியதுதானே? அதுதானே நியாயம். அது பற்றி வருமான வரித்துறை மட்டுமல்ல ஊடகங்களும் பேசுவதில்லை. அதற்கு பின் என்ன காரணம் இருக்கும் என்பதை நான் சொல்லித்தான் உங்களுக்கு தெரிய வேண்டுமா என்ன?

முன்பு சோவினாலும் அம்பிகளாலும் மிகவும் ஆஹா ஒகோன்னு பாராட்டப்பட்ட ஜெயலலிதாவின் அசிங்கங்கள் இப்போது வெளிவந்து அசிங்கப்பட்டு கொண்டிருக்கின்றன. அது போலவே இப்போது குருமுர்த்தி, டவுசர்களாலும் மற்றும்அம்பிகளாலும் மிகவும் ஆஹா ஒகோன்னு பாராட்டப்படும் மோடியின் கதையும் எதிர்காலத்தில் இப்படித்தான் பேசப்படும்

வருமான துறை அதிகாரிகளின் கண்ணிற்கு பன்னீர் செல்வம் வருமானத்திற்கு மிக அதிகமாக சொத்து சேர்த்தது தெரியவில்லையா? அவர் வீட்டிற்கு வருமானத்துறைக்கு வழி தெரியவில்லையா?

கொசுறு:

(இரண்டு பெண்கள்) - ஜெயலலிதாவிற்கு சசிகலா என்றால்  (இரண்டு ஆண்கள்) -மோடிக்கு அமித்ஷாதான்..

ஜெயலலிதாவின் இல்லம் என்ன கோயிலில்  சாமி சிலைகள் இருக்கும் கருவறையா என்ன? அங்கு யாரும் நுழையக் கூடாது என்று சட்டம் போட அது கொள்ளயர்களின் கூடம்தானே அங்கு சென்று சோதனை போடுவது என்ன பெரிய சாதனையா என்ன?உச்ச நீதிமன்றம் குற்றவாளி என்று சுட்டிக்காட்டிய ஒருவர் வாழ்ந்த, ஊழல் வழக்கில் சிறையில் இருக்கும் இருவர் ஆட்டம் போட்ட ஒரு வீடு அவ்வளவுதான்

அன்புடன்

மதுரைத்தமிழன்