மானங்ககெட்ட தமிழக தலைவர்களே உங்களுக்குகெல்லாம் எதுக்கைய்யா வெள்ளை வேட்டி சட்டை?

 மானங்ககெட்ட தமிழக தலைவர்களே உங்களுக்குகெல்லாம் எதுக்கைய்யா வெள்ளை வேட்டி சட்டை?

போலி மருத்துவர்களே தன்னிடம் வரும் நோயாளிகளிடமிருந்து நூற்றுக் கணக்காக பணத்தை பறிக்கும் நேரத்தில் உண்மையாகவே மருத்துவம் படித்து பட்டம் பெற்ற டாக்டர் இந்த காலத்திலும் 20 ரூபாய் மட்டுமே பெற்றுக் கொண்டு சிகிச்சை அளித்து இருக்கிறார் அதுமட்டுமல்லாமல் காசு இல்லை என்று சொல்லுபவர்களுக்கும் இல்லையென்று சொல்லாமல் மருத்துவம் அளித்தது மட்டுமில்லாமல் மருந்துக்களையும் இலவசமாகவே கொடுத்து வந்திருக்கிறார்  இந்த டாக்டர் கோவை ராஜகணபதி நகரைச் சேர்ந்தவர் டாக்டர். பால சுப்பிரமணியம். ஆவாரம்பாளையத்தில் மருத்துவமனை நடத்தி வந்தார்.

மருத்துவமனை என்றால் என்னவோ வானுயர்ந்த கட்டிடம் என்று நினைத்து விடாதீர்கள். பத்துக்கு பத்து அடி அறைதான் அந்த மருத்துவமனை.  ஆரம்பத்தில்  சிகிச்சையளிக்க இவர் வாங்கிய பீஸ் வெறும் 2 ரூபாய்தான். நாளைடைவில் பணத்தின் மதிப்பு குறைய குறைய தனது பீஸ் தொகையை உயர்த்தினார். அப்படி உயர்த்தி உயர்த்தி 20  ரூபாய்க்கு கொண்டு வந்தார். இதுதான் சிகிச்சை அளிக்க இவர் வாங்கிய அதிக பீஸ். 

இப்படி இவர் செய்ததற்கு கோவை நகரில் பல மருத்துவர்களும் பாலசுப்பிரமணியத்துக்கு எதிர்ப்பு தெரிவித்து மறைமுக இடையூறுகளையும் ஏற்படுத்தினர். ஆனால், டாக்டர் பாலசுப்ரமணியம் மாறவில்லை மசியவில்லை. கடைசி வரை 20 ரூபாய்தான் வாங்கிக் கொண்டு சிகிச்சை அளித்தார்.

அப்படி பட்ட அவர் நேற்று மரணமடைந்துவிட்டார். அதை அறிந்த அந்த பகுதிகமக்கள் அதிர்ச்சியில் ஆழ்ந்து அவரின் இறுதி சடங்கில் ஆயிரக்கணக்கான மக்கள் கலந்து தங்களது வேதனையை பகிர்ந்திருக்கின்றனர்.

இந்த செய்தி மீடியாக்கள் அனைத்திலும் சமுக வலைதளங்களிலும் வந்து மக்கள் தங்கள் வேதனையை பகிர்ந்து இருக்கின்றனர். ஆனால் இப்படி பட்ட உயர்ந்த குணத்தை கொண்டவரின் இழப்பை பற்றி தமிழக தலைவர்கள் ஒருவர் கூட இரங்கல் செய்தி தரவில்லை என்று அறியும் போது நாம் தலையில் தூக்கி வைத்து கொண்டாடும் தலைவர்கள் பற்றி நினைக்கும் போது மிகவும் கேவலமானதாகத்தான் இருக்கிறது.

நமக்கு வாய்த்த தலைவர்களுக்கு சினிமா நடிகர்களின் திரைப்பட வெற்றிக்கும் பிறந்தநாள் தினத்திற்கும் வாழ்த்து சொல்லத்தான் முடிகிறது அல்லது திரைப்பட நடிகர் நடிகைகள் இறந்துவிட்டால் அவர்களின் இழப்புக்கள் பெரும் இழப்பு என்று இரங்கல் அறிக்கைமட்டும் விட தெரிகின்றது ஆனால் சுயநலமற்ற இந்த டாக்டரின் இழப்பு  அவர்களின் மனதை தொடக்கூட செய்யவில்லையா என்ன? ஒரு வேளை இந்த டாக்டர் இவர்களைப் போல ஊரை ஏமாற்றி சம்பாதிக்கததால் இவரை மோசமான ஆள் என்று கருதிவிட்டார்களா என்ன?

மானங்ககெட்ட தமிழக தலைவர்களே உங்களுக்கு எல்லாம் எதுக்கைய்யா வெள்ளை வேட்டி சட்டை.......த்தூ......

மருத்துவத்தை சேவையாகச் செய்தால் மக்கள் கொண்டாடுவார்கள் என்பதற்கு நிகழ்காலச் சான்று. # கோவை 20 ரூபாய் மருத்துவரின் இறுதி ஊர்வலம்.

அன்புடன்

மதுரைத்தமிழன்.

டிஸ்கி : இந்த பதிவு எழுதுவரை ஒரு சிறு தலைவர்கள் கூட  அறிக்கைதரவில்லை. இவர்கள்தான் மக்கள் நலனுக்காக பாடுபடுகிறார்களாம்.. ஹும்ம்ம்