வல்லரசுகளை மிரட்டும் ஒரு தனிமனிதன்! உலக வரலாற்றின் முதல் ‘டிரில்லியனர்’ எலான் மஸ்க்!
ஹிஸ்டரி புத்தகத்தில் நாம் எத்தனையோ அரசர்களைப் பற்றியும், பேரரசர்களைப் பற்றியும் படித்திருப்போம். ஒட்டுமொத்த உலகத்தையும் தங்களின் கத்திமுனையிலும் ராணுவ பலத்திலும் மிரட்டி வைத்திருந்தார்கள் அவர்கள். ஆனால், காலம் மாறிவிட்டது. இன்று உலகை ஆள்வதற்கு வாளோ, துப்பாக்கியோ தேவையில்லை; நவீனத் தொழில்நுட்பமும், உலகையே விலைக்கு வாங்கும் அளவுக்குப் பணமும் இருந்தால் போதும் என்பதை ஒரு மனிதன் ஒற்றை ஆளாக நிரூபித்துக் காட்டியிருக்கிறார் எலான் மஸ்க்.
உலகப் பங்குச் சந்தை வரலாற்றில் இந்த வாரம் அரங்கேறியுள்ள ஒரு நிகழ்வு, ஒட்டுமொத்த உலகப் பொருளாதார நிபுணர்களையும் வாயடைக்க வைத்திருக்கிறது. எலான் மஸ்க்கின் விண்வெளி ஆராய்ச்சி நிறுவனமான ‘SpaceX’, தங்களின் பங்குகளைப் பொதுமக்களுக்கு விற்பனை செய்யத் தொடங்கின சில மணி நேரங்களிலேயே வரலாற்றுச் சாதனை படைத்துள்ளது. உலக வரலாற்றிலேயே இதுவரை யாரும் எட்டாத, கற்பனை செய்தும் பார்க்க முடியாத முதல் ‘டிரில்லியனர்’ என்ற அரியணையில் இப்போது எலான் மஸ்க் அமர்ந்திருக்கிறார்.
'டிரில்லியனர்' என்ற வார்த்தையைக் கேட்கும்போது நமக்கோ ஏதோ ஒரு பெரிய தொகை என்றுதான் தோன்றும். ஆனால், அதன் நிஜமான மதிப்பு என்ன தெரியுமா? ஒரு டிரில்லியன் டாலர் என்பது இந்திய மதிப்பில் தோராயமாக 83 லட்சம் கோடி ரூபாய்! எலான் மஸ்க்கின் சொத்து மதிப்பு, உலகிலுள்ள பல வளர்ந்த நாடுகளின் ஒட்டுமொத்த ஓராண்டு வருமானத்தை (GDP) விட அதிகம். அதுமட்டுமல்ல, அமெரிக்கா, ஐரோப்பா மற்றும் ஜப்பானில் இருக்கும் அத்தனை முன்னணி கார் தயாரிப்பு நிறுவனங்களையும் மொத்தமாக விலை பேசி வாங்கிவிட்டு, மீதி சில்லறையைக் கையில் வைத்துக் கொள்ளும் அளவுக்குப் பிரம்மாண்டமானத் தொகை இது.
இவ்வளவு பணத்தைக் கையில் வைத்திருக்கும் ஒரு தனிமனிதன், சாதாரண ஒரு தொழிலதிபராக மட்டும் இருக்க முடியுமா? கண்டிப்பாக இல்லை; அவர் அரசாங்கங்களை ஆட்டிப்படைக்கும் ஒரு நிழல் உலகப் பேரரசர் ஆகிவிட்டார் என்றுதான் சொல்ல வேண்டும்.
SpaceX நிறுவனத்தின் பங்குகள் இந்த அளவுக்குக் கோடிகளைக் குவித்துத் தருவதற்குக் காரணம், அவர்கள் வெறும் ராக்கெட்டுகளை மட்டும் செய்யவில்லை. பூமியைச் சுற்றி ஆயிரக்கணக்கான செயற்கைக்கோள்களை நிறுவி, உலகத்தின் ஒட்டுமொத்த இணையத் தொடர்பையும் தங்களின் கட்டுப்பாட்டிற்குள் கொண்டு வந்திருக்கிறார்கள். இனிவரும் காலங்களில் உலகத்தில் எந்த மூலையில் இணையம் செயல்பட வேண்டும் என்றாலும், அதற்கு எலான் மஸ்க்கின் அனுமதி தேவை என்ற நிலை உருவாகிக் கொண்டிருக்கிறது. பூமியில் இருக்கும் வளங்கள் பற்றாக்குறையாகும் போது, விண்வெளியில் இருக்கும் விண்கற்களில் இருந்து தாதுக்களை எடுக்கும் அதிநவீனத் திட்டங்களையும் இந்த நிறுவனம் கையில் எடுத்துள்ளது. அதாவது, பூமியின் எதிர்காலமே இவர்களின் கைகளில்தான் இருக்கிறது.
இந்த அசுர வளர்ச்சியில்தான் உலக நாடுகளின் தூக்கம் கெட்டுப் போயிருக்கிறது. ஒரு நாட்டின் அரசாங்கத்திடம் இருக்கும் பணத்தை விட, ராணுவ பலத்தை விட ஒரு தனிநபரிடம் அதிக அதிகாரம் சேரும்போது என்ன நடக்கும்? அந்த நபர் சர்வதேச அரசியலையே தன் விருப்பப்படி மாற்றி அமைப்பார். ஏற்கனவே சில சர்வதேச மோதல்களின் போது, உலக நாடுகளுக்குத் தனது இணையச் சேவையை நிறுத்தப் போவதாக மிரட்டி, வல்லரசு அரசாங்கங்களையே எலான் மஸ்க் பணிய வைத்தார். இன்று அவரிடம் இருக்கும் இந்த டிரில்லியன் டாலர் பலம், அமெரிக்கா, சீனா போன்ற நாடுகளுக்கே ஒரு மிகப்பெரிய அச்சுறுத்தலாக மாறியிருக்கிறது. சட்டங்களையும் விதிகளையும் அரசாங்கங்கள் எழுதலாம்; ஆனால், அந்த அரசாங்கங்களையே காசு கொடுத்து வாங்கும் பலம் இப்போது இவருக்குக் கிடைத்துவிட்டது என்றுதான் சொல்ல வேண்டும்.
பணம் என்பது வெறும் காகிதம் அல்ல, அது ஒரு பேராற்றல் மிக்க அதிகாரம். அந்த அதிகாரம் இப்போது உலக வரலாற்றிலேயே இல்லாத அளவுக்கு ஒரே ஒரு தனிமனிதனின் கைகளில் குவிந்திருக்கிறது. எலான் மஸ்க் விண்வெளியை நோக்கி ராக்கெட்டுகளை ஏவிக் கொண்டிருக்கலாம்; ஆனால், அதன் கட்டுப்பாட்டுப் பொத்தான் பூமியில் இருக்கும் நம் எல்லாரோட சுதந்திரத்தையும் சேர்த்தே அசைத்துப் பார்த்துக் கொண்டிருக்கிறது.
இப்படி உலகை ஆள எலான் மஸ்க் முயன்று கொண்டிருக்கையில், இந்தியாவில் அதானியும் அம்பானியும் இந்தியாவை ஆள முயற்சித்துக் கொண்டு இருக்கிறார்கள். இவர்கள் இப்படி இந்தியாவைத் தங்களின் கைவசம் நிரந்தரமாக ஆள, அவர்களுக்காக நம்ம "ஜீ" உண்ணாமல் உறங்காமல் உலகமெங்கும் சென்று கொண்டிருக்கிறார்!
அன்புடன்
மதுரைத்தமிழன்
உலகப் பங்குச் சந்தை வரலாற்றில் இந்த வாரம் அரங்கேறியுள்ள ஒரு நிகழ்வு, ஒட்டுமொத்த உலகப் பொருளாதார நிபுணர்களையும் வாயடைக்க வைத்திருக்கிறது. எலான் மஸ்க்கின் விண்வெளி ஆராய்ச்சி நிறுவனமான ‘SpaceX’, தங்களின் பங்குகளைப் பொதுமக்களுக்கு விற்பனை செய்யத் தொடங்கின சில மணி நேரங்களிலேயே வரலாற்றுச் சாதனை படைத்துள்ளது. உலக வரலாற்றிலேயே இதுவரை யாரும் எட்டாத, கற்பனை செய்தும் பார்க்க முடியாத முதல் ‘டிரில்லியனர்’ என்ற அரியணையில் இப்போது எலான் மஸ்க் அமர்ந்திருக்கிறார்.
'டிரில்லியனர்' என்ற வார்த்தையைக் கேட்கும்போது நமக்கோ ஏதோ ஒரு பெரிய தொகை என்றுதான் தோன்றும். ஆனால், அதன் நிஜமான மதிப்பு என்ன தெரியுமா? ஒரு டிரில்லியன் டாலர் என்பது இந்திய மதிப்பில் தோராயமாக 83 லட்சம் கோடி ரூபாய்! எலான் மஸ்க்கின் சொத்து மதிப்பு, உலகிலுள்ள பல வளர்ந்த நாடுகளின் ஒட்டுமொத்த ஓராண்டு வருமானத்தை (GDP) விட அதிகம். அதுமட்டுமல்ல, அமெரிக்கா, ஐரோப்பா மற்றும் ஜப்பானில் இருக்கும் அத்தனை முன்னணி கார் தயாரிப்பு நிறுவனங்களையும் மொத்தமாக விலை பேசி வாங்கிவிட்டு, மீதி சில்லறையைக் கையில் வைத்துக் கொள்ளும் அளவுக்குப் பிரம்மாண்டமானத் தொகை இது.
இவ்வளவு பணத்தைக் கையில் வைத்திருக்கும் ஒரு தனிமனிதன், சாதாரண ஒரு தொழிலதிபராக மட்டும் இருக்க முடியுமா? கண்டிப்பாக இல்லை; அவர் அரசாங்கங்களை ஆட்டிப்படைக்கும் ஒரு நிழல் உலகப் பேரரசர் ஆகிவிட்டார் என்றுதான் சொல்ல வேண்டும்.
SpaceX நிறுவனத்தின் பங்குகள் இந்த அளவுக்குக் கோடிகளைக் குவித்துத் தருவதற்குக் காரணம், அவர்கள் வெறும் ராக்கெட்டுகளை மட்டும் செய்யவில்லை. பூமியைச் சுற்றி ஆயிரக்கணக்கான செயற்கைக்கோள்களை நிறுவி, உலகத்தின் ஒட்டுமொத்த இணையத் தொடர்பையும் தங்களின் கட்டுப்பாட்டிற்குள் கொண்டு வந்திருக்கிறார்கள். இனிவரும் காலங்களில் உலகத்தில் எந்த மூலையில் இணையம் செயல்பட வேண்டும் என்றாலும், அதற்கு எலான் மஸ்க்கின் அனுமதி தேவை என்ற நிலை உருவாகிக் கொண்டிருக்கிறது. பூமியில் இருக்கும் வளங்கள் பற்றாக்குறையாகும் போது, விண்வெளியில் இருக்கும் விண்கற்களில் இருந்து தாதுக்களை எடுக்கும் அதிநவீனத் திட்டங்களையும் இந்த நிறுவனம் கையில் எடுத்துள்ளது. அதாவது, பூமியின் எதிர்காலமே இவர்களின் கைகளில்தான் இருக்கிறது.
இந்த அசுர வளர்ச்சியில்தான் உலக நாடுகளின் தூக்கம் கெட்டுப் போயிருக்கிறது. ஒரு நாட்டின் அரசாங்கத்திடம் இருக்கும் பணத்தை விட, ராணுவ பலத்தை விட ஒரு தனிநபரிடம் அதிக அதிகாரம் சேரும்போது என்ன நடக்கும்? அந்த நபர் சர்வதேச அரசியலையே தன் விருப்பப்படி மாற்றி அமைப்பார். ஏற்கனவே சில சர்வதேச மோதல்களின் போது, உலக நாடுகளுக்குத் தனது இணையச் சேவையை நிறுத்தப் போவதாக மிரட்டி, வல்லரசு அரசாங்கங்களையே எலான் மஸ்க் பணிய வைத்தார். இன்று அவரிடம் இருக்கும் இந்த டிரில்லியன் டாலர் பலம், அமெரிக்கா, சீனா போன்ற நாடுகளுக்கே ஒரு மிகப்பெரிய அச்சுறுத்தலாக மாறியிருக்கிறது. சட்டங்களையும் விதிகளையும் அரசாங்கங்கள் எழுதலாம்; ஆனால், அந்த அரசாங்கங்களையே காசு கொடுத்து வாங்கும் பலம் இப்போது இவருக்குக் கிடைத்துவிட்டது என்றுதான் சொல்ல வேண்டும்.
பணம் என்பது வெறும் காகிதம் அல்ல, அது ஒரு பேராற்றல் மிக்க அதிகாரம். அந்த அதிகாரம் இப்போது உலக வரலாற்றிலேயே இல்லாத அளவுக்கு ஒரே ஒரு தனிமனிதனின் கைகளில் குவிந்திருக்கிறது. எலான் மஸ்க் விண்வெளியை நோக்கி ராக்கெட்டுகளை ஏவிக் கொண்டிருக்கலாம்; ஆனால், அதன் கட்டுப்பாட்டுப் பொத்தான் பூமியில் இருக்கும் நம் எல்லாரோட சுதந்திரத்தையும் சேர்த்தே அசைத்துப் பார்த்துக் கொண்டிருக்கிறது.
இப்படி உலகை ஆள எலான் மஸ்க் முயன்று கொண்டிருக்கையில், இந்தியாவில் அதானியும் அம்பானியும் இந்தியாவை ஆள முயற்சித்துக் கொண்டு இருக்கிறார்கள். இவர்கள் இப்படி இந்தியாவைத் தங்களின் கைவசம் நிரந்தரமாக ஆள, அவர்களுக்காக நம்ம "ஜீ" உண்ணாமல் உறங்காமல் உலகமெங்கும் சென்று கொண்டிருக்கிறார்!
அன்புடன்
மதுரைத்தமிழன்
Posts
0 comments:
Post a Comment
நான் அறிவு ஜீவி அல்ல ஒரு சாதாரணமான் மனிதன் தான்.இங்கு நான் பதியும் பதிவுகளில் உள்ள கருத்துகள் "மிகவும் சரி"யென்று சொல்லமாட்டேன் அது அன்றைய மனநிலையில் என் மனதில் எழும் கருத்துகளே...அதனால் உங்களது மனசுலபட்ட மாற்று கருத்துகளை தாராளமாக பகிரலாம். ஆனால் தேவையற்ற, வரம்புமீரிய, அநாகரிகமான வார்த்தைகளாலும் பதிவிற்கு சம்பந்தமில்லாமல் கருத்துக்கள் சொல்லப்பட்டால் எந்த வித பதில் விளக்கமின்றி அந்த கருத்து டெலீட் செய்யப்படும்.