#Me_too பாலியல் பலாத்காரங்கள்

 #Me_too பாலியல் பலாத்காரங்கள்

பாலியல் பலாத்காரங்கள் இன்று நேற்று மட்டுமல்ல பல நூறு ஆண்டுகளாக நடந்து வந்து கொண்டுதான் இருக்கின்றன. அதாவது மன்னர் ஆட்சிக்காலத்தில் அந்தப்புரத்தில் தொடங்கி ராமாவாராம் தோட்டத்திற்கும் சென்று இன்று பத்ம சேஷாத்ரி பள்ளிக் கூடம் வரை நடந்து கொண்டுதான் இருக்கின்றது

அவ்வப்போது சில சலசலப்புகள் தோன்றி தோன்றி வானத்தில் இருக்கும் விடிவெள்ளிகள் போல மறைந்து கொண்டுதான் இருக்கின்றன இது வெளியுலகத்திற்கு வரும் சில செலிபிரட்டிகளின் செல்வாக்கில் சிறிய அளவில் கறை ஏற்படுகிறதே ஒழிய அது மறைவதில்லை என்பதுதான் கசக்கும் உண்மை

 

இந்தப் பாலியல் பலாத்காரத்தால் பாதிக்கப்படுவது பெண்கள் மட்டுமல்ல பல ஆண்களும்தான் ஆனால் ஆண்கள் அதை வெளியே சொல்லாமல் மெளனமாகக் கடந்து சென்று கொண்டு இருக்கிறார்கள். இன்று பெண்களாவது அவ்வப்போது ஆங்காங்கே குரல் எழுப்பித் தங்களுக்கு நேர்ந்த அவலங்களைக் காலம் கடந்தாவது தைரியமாகச் சொல்லிக் கொண்டு இருக்கிறார்கள்.. ஆனால் பாலியல் பலாத்காரத்தால் பாதிக்கப்பட்ட ஆண்கள் இன்னும் வாயைத் திறக்காமல் சென்று கொண்டு இருக்கிறார்கள் காரணம் இது அவர்களின் ஆண்மைக்கு ஏற்பட்ட இழுக்கு என்று கருதுவதுதான்

பிரபலமானவர்கள் வெளிப்படையாகத் தங்களின் பிரச்சனையைச் சொல்ல முடியும் அதே நேரத்தில் சாதாரணப் பெண்களால்/ஆண்களால் ஒரு விரக்தி சிரிப்போடு மட்டுமே அந்த நிகழ்வைக் கடந்து வர முடியும். அவர்களின் விரக்தி சிரிப்பிற்குக் காரணம் நம்மால் வெளிப்படையாகச் சொல்ல முடியாத வன்புணர்வு செயல்களைப் பிரபலமான நடிகைகள் இவர்களாலாவது சொல்ல முடிகின்றதே என்பதால் தான்


இப்படிப் பிரபலங்கள் வெளியே சொல்வதால் பெரிதாக மாற்றம் ஒன்றும் ஏற்படவில்லை என்ன அவர்கள் அப்படிச் சொல்வதால் தைரியமான பெண்கள் என்று சமுகம் சொல்லும் அவ்வளவுதான் அதைத்தாண்டி மாற்றங்கள் ஒன்றும் எற்பட்டுவதில்லை அப்படி ஒன்று ஏற்பட்டு இருக்குமானால் பத்ம சேஷாத்ரி பள்ளிக் கூடங்களில் இப்படி ஒரு சம்பவம் நேர்ந்து இருக்காது

பொள்ளாச்சியில் நடந்த பாலியல் வன்முறைக்குப் பிறகும் அந்தத் தொகுதியில் அதற்குச் சம்பந்தமான ஆண்ட கட்சியார் ஒருவரே மீண்டும் வெற்றி பெறுகிறார் என்றால் அங்கு என்ன மாற்றம் ஏற்பட்டு இருக்கிறது.


இப்படிச் செய்திகள் வெளியே தெரிவதினால் அது மக்களுக்கும் ஊடகங்களுக்கும் மெல்லக் கிடைத்த விஷயங்களே தவிர ஒன்றுமில்ல. இப்படிப்பட்ட பாலியல் பலாத்காரம் குறையத் தொடங்க வேண்டுமானால் பெண்கள் இப்படி வெளியே வந்து சம்பவம் நடந்த சில காலங்களுக்குப் பின் சொல்வதை விட அந்தச் சம்பவம் நடக்கும் நேரத்திலே அந்தச் சம்பவத்திற்குக் காரணமானவரின் ஆண் உறுப்பைக் கடித்தோ அல்லது அறுத்தோ விடுவார்களேயானால் காலப் போக்கில் ஆண்கள் பயந்து போய்ப் பலாத்காரம் செய்வதைக் குறைத்துக் கொள்ளலாம் இப்படிச் சில பெண்கள் அல்ல பாதிக்கும் ஒவ்வொரு பெண்களும் செய்ய ஆரம்பிக்க வேண்டும் அப்போதுதான் மாற்றம் ஏற்படும் அப்படி இல்லையென்றால் மாற்றம் ஏற்படவே செய்யாது

அதைவிட்டு விட்டு கோர்ட்டு வழக்கு என்று சென்றால் அங்கு நீதி கிடைக்கும் அந்த நீதி உங்களுக்கானது அல்ல வசதி படைத்தவர்களுக்கு மட்டும் கிடைக்கும் நீதி அது சாமானிய மக்களுக்குக் கிடைக்காது.



நீதி : ஒரு பெண் எப்போது ஒர் ஆணால் ஏற்படுகின்ற பிரச்சனையை வெளிப்படையாகச் சொல்ல ஆரம்பிக்கின்றாளோ அப்போதே அந்த ஆண் பயப்படத் தொடங்கிவிடுகிறான்.. ( நன்றாகப் புரிந்து கொள்ளுங்கள் அவன் பயப்படத்தான் ஆரம்பிக்கிறான் ஆனால் குற்றங்களைச் செய்ய நிறுத்த ஆரம்பிக்கவில்லை பேச ஆரம்பிப்பதால் பயப்படும் அவன் பெண்கள் செயல்களில் இறங்கினால் ?)அப்படி என்றால் இதுவரை பேசாமல் இருந்தது பெண்களுடைய குற்றமும் தானே..


அன்புடன்
மதுரைத்தமிழன்