தமிழக அரசு, மத்திய அரசின் புதிய கல்வி கொள்ளையைப் புறக்கணிக்கும் அதே சமயத்தில் செய்ய வேண்டியது என்ன?

 

தமிழக அரசு, மத்திய அரசின் புதிய கல்வி கொள்ளையைப் புறக்கணிக்கும் அதே சமயத்தில் செய்ய வேண்டியது என்ன?

தமிழக அரசு மத்திய அரசின் புதிய கல்வி கொள்ளையைப் புறக்கணிக்கும் அதே சமயத்தில் மாநிலத்தில் கல்வித் துறையைச் சீர் செய்யக் கடுமையான நடவடிக்கைகளைத் தமிழக அரசு எடுக்க வேண்டும். மாணவர்களின் கல்வித்திறன் உயர ஆசிரியர்களின் கல்விதரம் உயர்ந்து இருக்க வேண்டும் .அப்படியில்லை என்றால் முதல் கோணல் முற்றும் கோணல் என்ற கதையாகிவிடும். அதற்குத் தனியார்ப் பள்ளியாக இருந்தாலும் சரி அரசுப் பள்ளியாக இருந்தாலும் சரி ஆசிரியரின் தரத்தை மேம்படுத்துவதற்கு ஒரு வலுவான ஆசிரியர் மதிப்பீட்டு முறை முக்கியமானது. அதற்காக அந்தந்த துறையைச் சார்ந்த ஆசிரியர்களுக்கு மாநிலம் தழுவிய ஒரு பொதுத் தேர்வை ஒரு குறிப்பிட்ட ஆண்டுகளுக்கான இடைவெளிகளில் நடத்தி ஆசிரியரின் தரத்தை உறுதி செய்யவேண்டும். இதைச் சொல்லக் காரணம் இப்போது ஆசியர்களாகப் பணியாற்றும் பலர் பி.எட் எம்.எட் போன்றவற்றைப் படித்துத் தேர்ந்து இருந்தாலும் பலர் இந்தக் காலத்திற்கு ஏற்ப கல்வியைக் கற்றுத் தரும் திறன் இல்லாமலே இருக்கிறார்கள் என்பதுதான் மறுக்க முடியாத உண்மை

 
இப்படி இவர்களுக்கான ஒரு பொதுத் தேர்வை நடத்த வேண்டும் அதில் தேர்ச்சி பெற்றவர்கள் மட்டுமே தொடர்ந்து ஆசிரியராகப் பணி புரிய வேண்டும் என்ற சட்டத்தைக் கொண்டு வரலாம். எப்படி நாட்டை ஆள்பவர்களை ஐந்தாண்டுக்கு ஒரு முறை தேர்வுக்கு உள்ளாக்கித் தேர்ந்தெடுக்கிறோமோ அது போலக் கல்வியாளர்களையும் தேர்வை எழுத வைத்து அவர்களின் தகுதியைச் சரி பார்த்துத் தொடர்ந்து செயல்பட அனுமதி அளிக்க வேண்டும்.. காரணம் நல்ல ஆசிரியர்களால்தான் இந்தியாவின் வருங்காலம் நிர்ணயிக்கப்படுகிறது. இதைச் சொல்லாக் காரணம் ஒரு மாணவரின் கற்றல் திறனைப் பாதிக்கும் மிகப்பெரிய ஒற்றைக் காரணி வகுப்பறையில் ஆசிரியரின் தரம்.


இந்த ஆசிரியர் மதிப்பீட்டு மூலம் ஆசிரியரின் தரத்தை மேம்படுத்துவதற்கு வழி வகைகளைச் செய்கின்றது. மேலும் இந்தத் தேர்வில் தவறுபவர்களைக் கண்டு அறிந்து அவர்கள் திறம்படத் தேவையான கூடுதல் பயிற்சியைப் பெற முடியும்



உறுதியான, நியாயமான, ஆராய்ச்சி அடிப்படையிலான மற்றும் நன்கு செயல்படுத்தப்பட்ட ஆசிரியர் மதிப்பீட்டு முறையுடன் ஆசிரியர் தரத்தை உறுதி செய்வது ஆசிரியர் பணியாளர்களை வலுப்படுத்தி மேம்படுத்துவதோடு மாணவர்களின் கல்வித்தரத்தையும் இதன் மூலம் மேம்படுத்தலாம் ..


இப்படிச் செய்வதன் மூலம் மாநிலம் முழுவதும் உள்ள மாணவர்கள் எந்தப் பள்ளியில் படித்தாலும் அவர்கள் தகுதியான கல்வியைப் பெறுவார்கள். அப்படிக் கல்வி பெறுபவர்கள் இந்தியா முழுவதும் நடை பெரும் நீட் தேர்வாக இருக்கட்டும் அகில உலக அளவில் நடக்கும் தேர்வாகட்டும் அதில் மிகச் சிறப்பாகத் தேர்வு பெறுவார்கள்


அப்படி இல்லாமல் இப்போது நடை பெறுவது போலவே மாணவர்களும் ஆசிரியர்களும் இருந்தால் பாடங்களைப் புரிந்து படிப்பதற்குப் பதில் தேர்வில் எப்படி எழுதினால் பாஸாகலாம் என்பதை மட்டும் கற்று எல்லாப் பாடத்திலும் நூற்றுக்கு நூறு வாங்கிப் பாஸ் பண்ணி இருந்தாலும் கற்றதை பற்றிச் சில வரிகள் பேச எழுதத் தெரியாதவர்களாகத்தான் இன்றைய மாணவ சமுதாயம் இருக்கின்றது


இந்த நிலை நிச்சயம் மாற வேண்டும் தமிழக மாணவர்கள் வருங்காலத்தில் சாதிக்க அரசு இதற்கான நடவடிக்கைகளை எடுக்க வேண்டும்


இந்தியாவில் கல்வியில் பல பெரிய சீர்திருத்தங்களைக் கொண்டுவரும் புதிய கல்விக் கொள்கை 2020 ஐ மோடி அரசு அறிவித்தது. ... பெரிய சீர்திருத்தங்களில், பள்ளிக்கல்வி அமைப்பில் 10 + 2 அமைப்பு 5 + 3 + 3 + 4 கட்டமைப்பால் மாற்றப்பட்டுள்ளது. இதில் 12 ஆண்டுகள் பள்ளிப்படிப்பு மற்றும் மூன்று ஆண்டுகள் அங்கன்வாடி மற்றும் முன் பள்ளி ஆகியவை அடங்கும். இந்தக் கட்டமைப்பால் மாற்றம் ஏதும் பெரிதாக வந்துவிடப் போவதில்லை.. இப்படி மாற்றம் கொண்டு வருவதற்குப் பதில் ஆசிரியர்களின் திறமை சோதிக்க மாற்றம் கொண்டு வந்தால் ஆட்டோமேடிக்கா மாணவர்களின் கல்வியும் மேம்படும்


அன்புடன்
மதுரைத்தமிழன்