இப்படி எல்லாமா கொலு வைப்பாங்க...கலிகாலம் முத்திடுச்சு

இப்படி எல்லாமா கொலு வைப்பாங்க...கலிகாலம் முத்திடுச்சு

நவராத்திரி விழா ஆரம்பித்தாலும் ஆரம்பிடுச்சு எல்லாவீட்டிலும் கொலு வைச்சு அவங்க அவங்க வீட்டிற்கு வாங்க வாங்க வந்து பார்த்து பாட்டுகளை பாடி சுண்டல்களை வாங்கி செல்லுங்க என்று அழைப்பு விடாதவர்களே இல்லை. இந்த வாரத்தில் மட்டும் மாமி மாமாக்களிடையே நட்பு உறவு கொண்டவர்கள் அவர்களின் கண்ணில் படாமல் தப்பித்து கொள்வார்கள் இல்லையென்றால் சுண்டல் மட்டும் வாங்க அவ்வளவு தூரம் போகணுமே....

ஆனால் நீயூஜெர்ஸியில் உள்ள மாமா மாமிக்கள் மிக நல்லவங்க அவங்க சுண்டல் சாப்பிட அழைக்கமாட்டார்கள் அருமையான டின்னருக்கு அல்லது லஞ்சுக்கு ஏற்பாடு செய்து கூப்பிடுவார்கள். அப்படிதான் எங்கள் குடும்பத்திற்கு 2 அழைப்புகள் வந்துள்ளது இரண்டும் டின்னர்தான்.. மிக நல்ல குடும்பங்கள் (சாப்பாடு போட்டா நல்ல குடும்பம் என்றுதானே சொல்லனும் ஹீஹீ... )

இந்த கொலுவில் உள்ள விஷேசம் என்னவென்றால் வருடம் முழுவதும் கணவரை நிற்க வைத்து அவர்களை பற்றி பாட்டுபாடி கரைச்சு கொட்டி பயிற்சி பெற்ற பெண்கள். இந்த நவராத்திரி தினங்களில் மட்டும் கணவருக்கு செய்யும் அர்ச்சனைகளை நிறுத்திவிட்டு கொலு படிகட்டுகளுக்கு அருகில் உட்கார்ந்து எல்லோர் முன்னாலும் பாடிக்காட்டுவார்கள்

என்னடா இவன் இப்படி எல்லாமா கொலு வைப்பாங்க...கலிகாலம் முத்திடுச்சு என்று சொல்லி மொக்கை போடுறானே என் கிறீர்களா சரி சரி வழக்கமான நம்ம கலாய்ப்புக்கு வந்துவிடுவோம்.

மற்றவங்க கொலு வைச்சா மட்டும் போதுமா வலைப்பதிவர் சார்பாக அதுவும் அவர்கள் உண்மைகள் தளத்தின் சார்பில் கொலு வைக்கவில்லை என்றால் அரசியல் தலைங்க வருத்தப்படுமே என்பதால் வருடம் வருடம் நான் கொலு வைத்துவிடுவேன். அதே போல நான் இந்த வருடம் வைத்த கொலுவின் படமும் கடந்த காலங்களில் பகிர்ந்த கொலுப்படங்களையும் பார்த்து மகிழ்ந்து கடவுளின் அருளை பெற்று செல்லுங்கள்

#kolu 2015

kolu 2014

kolu 2011

அன்புடன்

மதுரைத்தமிழன்