பொண்ணுங்க எப்பதான் திருந்த போறாங்களோ? அப்பாவி பொண்ணுங்க கண்டிப்பாக படிக்க வேண்டிய பதிவு.

பொண்ணுங்க எப்பதான் திருந்த போறாங்களோ? அப்பாவி பொண்ணுங்க கண்டிப்பாக படிக்க வேண்டிய பதிவு.

இன்று எனக்கு தெரிஞ்ச பொண்ணுகிட்டே பேசினேன் அப்ப அவங்க ஓ.....என்று அழுதாங்க. நான் பயந்து போய் என்னங்க என்ன ஆச்சு என்று கேட்டேன். அதற்கு அவங்க சொன்னாங்க வூட்டுகாரர் ரொம்ப் திட்டிடாருன்னாங்க...

என்னங்க வூட்டுகாரர் உங்களை திட்டின்னா அதுக்கு அவருதான் அழணும் ஆனா நீங்க அழுகுறீங்க என்றேன்.

அதுக்கு அந்த பொண்ணு அதுதெல்லாம் உங்க வீட்டில் நடக்குறவிஷயம் ஆனா எங்க வீட்டில் அப்படி இல்லை என்று சொன்னாங்க ( இதுக்குதான் நாம அனாவசியமாக வாயை கொடுத்து வாங்கி கொட்டிக்க கூடாது)

ஒகே ஓகே உங்க வீட்டில் என்ன நடந்ததுன்னு சொல்லுங்க என்று கேட்டேன்( அடுத்த வீட்டில் என்ன நடக்குதுன்னு தெரிஞ்சிக்காட்டி நமக்கு தூக்கம் வராதே)

அதுக்கு அவங்க நேற்று நான் பூசணிக்காய சாம்பார் வைச்சேன் என்று சொல்லும் போதே நான் இடை மறித்து என்னங்க உங்க கணவருக்கு நான்வெஜ்ன்னா ரொம்ப பிடிக்கும் என்று சொல்லுவீங்களே அதனால நீங்க சாம்பார் வைக்கும் போது பூசணிக்காய்க்கு பதிலா சிக்கன் போட்டு சிக்கன் சாம்பார் வைத்து கொடுத்து இருக்கலாமே என்று சொன்னேன்

அதற்கு அவர் மதுரைத்தமிழா நானோ வேதனையில் இருக்கிறேன் நீ என்ன என்னை நக்கலா பண்ணுறே நான் சொன்னதை ஒழுங்கா கேட்கிறாயா அல்லது உன் மனைவி போல பூரிக்கட்டையாலே உன் தலையில் அடிக்கவா என்று கேட்டார்கள்

உடனே நான் வாய்யை மூடி அவர்களின் கதையை கேட்கலான்னேன்

நான் ஆசையாய் என் வூட்டுகாரருக்கு பூசணிக்காய் சாம்பார் பண்ணினேனா அதை சாப்பிடும் போது பூசணிக்காயை கடித்ததால்தன் அவருக்கு பல் வலிக்க ஆரம்பித்ததாம் பூசணிக்காயை கடித்தால் பல் எல்லாம் வலிக்காதுங்க ஒரு வேளை நான் புளியை கரைத்துவிடும் போது ஒரு சில புளியங்கொட்டை கை தவறி விழுந்து இருக்கலாம் அதைதான் நீங்க கடித்து இருப்பீர்கள் என சொன்னேன் ஆனால் அதை எல்லாம் கேட்க மனதில்லாமல் என்னை திட்டி கொண்டே இருந்தாருங்க அதனால்தான் என் மனசுக்கு கஸ்டாம இருக்குதுன்னு சொல்லி ஒப்பாரி வைத்தாங்க

அதை கேட்டு நான் சிரித்து கொண்டே என்னங்க நீங்க இன்னும் அப்பாவி பட்டிக்காட்டு பொண்ணாவே இருக்கிறீங்க.. எப்பதான் நீங்க எல்லாம் மாடர்ன் பொண்ணாகவோ அல்லது ஸ்மார்ட் பொண்ணாகவோ ஆவிங்க என்று கேட்டேன்

அதுக்கு அவங்க என்னங்க நான் ரொம்ப மாடர்னாகத்தான் இருக்கேன் இப்ப கூட பாருங்க நான் ஸ்லிவ்லெஸ் சட்டையும் சின்ன ஸ்கட்டும் அணிந்து மாடர்னாகத்தானே இருக்கேன் அதுமட்டுமல்ல எனது ஸ்மார்ட் தனத்தை பாராட்டிதானே எனக்கு என் மேனேஜர் புரோமோஷன் கூட கொடுத்தாரு என்றாள்

அதுக்கு நான் அவரிடம், "நான் சொல்ல வந்ததது அந்த அர்த்ததில் இல்லைங்க மாடர்ன் பொண்னு என்று நான் சொன்னது வீட்டுல சமைக்காம ஆபிஸ் முடிந்து வரும் போது அப்படியே ஹோட்டலுக்கு போய் சாப்பாட்டை வாங்கி கொண்டு செல்வதுங்க என்றேன்.

அப்படி எல்லாம் செய்ய முடியாதுங்க ஹோட்டல் சாப்பாடு உடம்புக்கு ஒத்துகாதுங்க அது மட்டுமல்ல அது அநாவசிய செலவும் கூட என்று சொன்னாள்

உடனே நான், அப்ப நீங்க ஸ்மார்ட் பொண்ணா மாறிடுங்க அதாவது உங்க வூட்டுகாரரையே தினமும் சமைக்க வைச்சுடுங்க அப்புறம் சாப்பாட்டில் அவர் குறையே சொல்ல முடியாது என்று சொன்னேன்

நான் சொன்னதைக்கேட்ட அந்த பெண் விழுந்து விழுந்து சிரித்தாள்... சிரித்த அவள் சிரிப்பை நிப்பாட்டி அப்ப உங்க வீட்டில் உங்க மனைவி நிச்சயம் ரொம்ப ஸ்மார்ட் பொண்ணாதான் இருப்பாங்க என்றாள்

நானும் ஆமாம் அவ ஸ்மார்ட்டான பொண்ணுதான் ஆனா அதே நேரத்தில் நான் மாடர்ன் ஆணாக மாறிட்டேன் என்றேன்

அப்ப நீங்க ஹோட்டலில்தான் தினமும் சாப்பாடு வாங்கி கொண்டு போகிறீர்களா என்று கேட்டாள்

நான் அதெல்லாம் இல்லைங்க... நீங்க சொல்வது மாடர்ன் பொண்ணுங்க செய்வது' ஆனால் மாடர்ன் ஆண் கிச்சனில் புகுந்து நன்றாக சமைத்து கொட்டுவதுதான் இந்த காலத்து மாடர்ன் ஆண் செய்வதுங்க என்றேன்

அதை கேட்ட அவள் மீண்டும் குலுங்கி குலுங்கி சிரித்தவாரே சொன்னாள் மதுரைத்தமிழா உன் வாயாலே நீ நீ நல்லா பிழைச்சுக்குவே என்றாள்

எது எப்படியோ அவளின் அழுகையும் கவலையும் அவளிடம் இருந்து பறந்து போய்விட்டது

ஏதோ நம்மாலால் ஒரு பெண்ணுக்கு செய்த சின்ன உதவிதான் இதுங்க..,

அப்ப வரட்டா.... நான் இப்ப கிச்சனுக்கு போவணும் இல்லை பூரிக்கட்டை என்னை தேடி வந்துடும்

 சமைக்கதெரியாத ஆண்கள் எளிதாக சமைக்க & அசத்த அற்புத வழிகள் (பெண்களும்முயற்சி செய்யலாம்)

அன்புடன்

மதுரைத்தமிழன்