விகடன் வலைத்தள பதிவரை மிரட்டியதா? நடந்ததென்ன?

விகடன் வலைத்தள பதிவரை மிரட்டி உள்ளது..... அதைபற்றிய பரபரப்பான தகவல்கள் இங்கே.....

 

மதுரைத்தமிழன் அவர்களுக்கு,

விகடன் குழும ஆசிரியர் எழுதிக் கொள்வது, உங்களது வலைதளத்தால் விகடன் பத்திரிக்கையின் சர்குலேசன் குறைந்து கொண்டே வருகிறது. அதற்கு காரணம் நீங்கள் எங்கள் பத்திரிக்கையின் பார்முலாவை கடைபிடிப்பதாகும். அதாவது கொஞ்சம் நகைச்சுவை,கொஞ்சம் அரசியல்,கொஞ்சம் மொக்கை, மீதி கவர்ச்சி. இதுதான் எங்கள் பார்முலாவாகும். இது வரை நீங்கள் நகைச்சுவை,அரசியல்,மொக்கை பதிவுகளை எழுதி வந்தீர்கள்.அதைப்பார்த்தும் நாங்கள் பொருத்து இருந்தோம்.ஆனால் கடந்த பதிவில் நீங்களும் கவர்ச்சி படத்தை வெளியிட்டு எங்கள் அடிமடியில் கைவைத்து வீட்டீர்கள். இதை கண்ட பின்னும் எங்களால் பொறுமையாக இருக்க முடியாது என்பதால்தான் இந்த கடிதம் எழுத நேர்ந்தது.

நாங்கள் உங்களுக்கு சொல்வது இதுதான் வேண்டுமென்றால் 5 லட்சமோ 10 லட்சமோ வாங்கி கொண்டு இப்படி எழுதுவதை நிறுத்தி கொள்ளுங்கள் அல்லது கவிதை சீர்திருத்த கட்டுரைகள் , இலக்கியம் போன்றவைகளை எழுதி வெளியிடுங்கள் அதற்கு நாங்கள் ஆட்சேபணை தெரிவிக்கமாட்டோம்.

இதை நாங்கள் கொடுக்கும் கடுமையான எச்சரிக்கையாக கருதி செயல்பட வேண்டுகிறோம் அல்லது எங்களை அரசியல் தலைவர்கள் மாதிரி நடவடிக்கைகளை எடுக்க வைத்து வீடாதீர்கள்

இவன்

விகடன் ஆசிரியர்.

விகடன் ஆசிரியருக்கு பதில்

விகடன் ஆசிரியருக்கு மதுரைத்தமிழன் எழுது பதில்... நான் உங்கள் பார்முலாவை கடைபிடிக்கிறேன் என்று குற்றம் சாட்டி இருக்கிறீர்கள். அதற்கு காரணம் உங்கள் பத்திரிக்கைதான் அதை நான் சிறு வயதுமுதல் படித்து வருவதால் என்னுள் எழுந்த பாதிப்பாகும். எனவே எனது பதிவில் அதை தவிர்க்க இயலாது என்பதை இந்த இமெயில் மூலம் தெய்வித்து கொள்கிறேன்.

மேலும் நீங்கள் சொன்னது போல் கவிதை ,சீர்திருத்த கட்டுரை மற்றும் இலக்கியத்தை நான் எழுதிவந்தால் என் நண்பர்கள் சிலரைத்தவிர வேறு யாரும் வந்து படிப்பதில்லை. அல்லது அறிவை வளர்க்கும் கட்டுரைகளை எழுதி பதிவிட்டாலும் யாரும் வந்து படிப்பதில்லை. காரணம் நம் தமிழர்கள் எல்லோரும் எல்லாம் தெரிந்த அறிவாளிகள் அதனால் அவர்களுக்கு நாம் சொல்லிதான் ஏதும் தெரிய வேண்டியதில்லை அவர்களுக்கு தேவை கவர்ச்சி & மொக்கைகள்தான்.

வேண்டுமானால் நாம் இருவரும் இணைந்து ஆனந்தவிகடன் அல்லது அவர்கள் உண்மைகள் என்பதற்கு பதிலாக ஆனந்த உண்மைகள் என்ற பெயரில் வார இதழ் நடத்தலாம் எப்படி என் ஐடியா?

இந்த ஐடியா பிடிச்சு இருந்தா உங்கள் நிருபர்கள் அனைவரையும் வீட்டிற்கு அனுப்பிவிட்டு இந்த பதிவை படித்து பின்னுட்டம் இடவும்

அன்புடன்

மதுரைத்தமிழன்

இது ஒரு கற்பனை பதிவு கிராபிக்ஸும் படமும் கற்பனையே.....