பெண்ணின் இதயத்தை கவர......

புத்தனுக்கோ போதிமரம் இந்த மதுரைத்தமிழனுக்கோ படுக்கை அறை. இந்த அறையில்தான் இந்த மதுரைத்தமிழன் சிந்திப்பான். அப்படி அவனது சிந்தனையில் வந்த கருத்துக்களை பேஸ்புக் மூலமும் டிவீட்டர் மூலமும் உடனுக்குடன் பகிர்ந்து கொள்வான். அப்படி நான் இட்ட தத்துவ கருத்துக்களை படிக்காமல் தப்பித்தவர்களை மாட்டும் இடம்தான் இந்த தளம் என்பதால் இங்கே எனது தத்துவ முத்துக்களை கொட்டுகிறேன். படித்து ரசித்து சிந்தித்து கருத்துகள் இடலாம் அல்லது நேரில் சந்திக்கும் வாய்ப்பு கிடைத்தால் பூரிக்கட்டையால் ஆசிர்வாதம் செய்யலாம்

பெண்ணின் இதயத்தை கவர உங்கள் அறிவை அல்ல உள்ளத்தை திறந்து காட்டுங்கள்

நீ என் முதுக்கு பின்னால் புறம் பேசுபவனாக இருந்தால் என் முகத்திற்கு முன் புன்னகை செய்ய தேவயில்லை நண்பனே

வாழ்க்கை முழுவதும் கஷ்டப்படுகிறவனுக்கு கஷ்டம் வருவதும் தெரியாது போவதும் தெரியாது

உங்கள் கஷ்டங்களை யாரிடமும் சொல்ல வேண்டாம் யாரும் உதவ முன்வரமாட்டார்கள் அது போல உங்கள் சந்தோஷத்தையும் சொல்ல வேண்டாம் அதில் அவர்கள் சந்தோஷப்பட ஏதும் இருக்காது

தலையணை வைத்து கொள்பவர்கள் எல்லாம் தலைக்கணம் பிடித்தவர்களா?

ஒரு ரூபாய் பிச்சை போடுபவனைப் பார்த்து பிச்சைக்காரன் நினைப்பது இவன் சரியான பிச்சைகாரானாக இருப்பான் போலிருக்கிறதே என்றுதான்

உறவுகளிடமும் நட்புகளிடமும் வேஷம் போடாதீர்கள் காரணம் வேஷம் ஒரு நாள் கலைந்துவிடும்

எந்த கடலில் விழுந்தாலும் எழுந்துவிடலாம் ஆனால் பெண்ணின் உள்ளக்கடலில் விழுந்தால் மட்டும் யாராலும் எழுந்திருக்க முடியாது

நடிகன் நல்லவனாக இருந்தாலும் அவன் நடிப்பதாகவே உலகம் கருதும்

ராஜிவ் கொலைக்குற்றவாளிளுக்கு மட்டும் கடவுள் தலையெழுத்தை எழுதவில்லை எழுதுவது எல்லாம் இந்திய அரசியல் தலைவர்கள்தான்

நாம் கோபபடும் நேரத்தில் நாம் முளை செயல்படும் வேகத்தை விட வாய் செயல்படும் வேகம் மிக அதிகமாக இருக்கிறது

ஒருவன் கோபத்தில் கத்தும் போது உங்களைப் பற்றி என்ன சொல்கிறானோ அதை மட்டும் மறக்க வேண்டாம் அதில்தான் உங்களைப் பற்றிய உண்மைகள் வெளிவரும்

அசிங்கம் பிடித்தவர்களுடன் சண்டை இடுவதால் ஒரு பலனும் இல்லை காரணம் நம்மால் அவர்களை அசிங்கப்படுத்த முடியாது அவர்கள் ஏற்கனவே அசிங்கம் பிடித்தவர்களாக இருப்பதால்

அன்புடன்

மதுரைத்தமிழன்