மோடி ஒரு திறமையான தலைவரா அல்லது உடைந்து போன ரிகார்டா?

செய்தி:

ஆமதாபாத்: ''மத்திய காங்., அரசு மீது மக்கள் நம்பிக்கை இழந்துவிட்டனர்,'' பா.ஜ., பிரதமர் வேட்பாளர் மோடி தெரிவித்துள்ளார்.குஜராத் மாநிலம் ஆமதாபாத்தில் உள்ள டீ கடையில் அமர்ந்து, நாட்டின் பல நகரங்களில் 1000 டீ கடைகளில் டி.டி.எச்., தொழில்நுட்பம் மூலம் நரேந்திர மோடி கலந்துரையாடினார். ''டீ அருந்தி கொண்டே விவாதிக்கலாம்,'' எனக் கூறிய அவர், ''தேநீரும், தொழில் நுட்பமும் இந்த வாய்ப்பை வழங்கியுள்ளது என்றார். பின், ''மோசமான நிர்வாகத்துக்கு இந்தியா ஒரு முன்னுதாரணமாக உள்ளது. இது குறித்து சாதாரண மக்கள் தொடர்ந்து விவாதிக்கின்றனர். மத்திய அரசின் மீது மக்கள் நம்பிக்கை இழந்துவிட்டனர். ஒவ்வொருவரும் அரசியல் அறிவு பெற வேண்டும். சட்டசபை மற்றும் பார்லிமென்ட் உறுப்பினர்கள், மக்களை நேரடியாகச் சந்தித்து கலந்துரையாட வேண்டும்,'' என்றார்

அரே மோடி சாப் காங்., அரசு மீது மக்கள் நம்பிக்கை இழந்துவிட்டனர், காங்கிரஸ் ஆட்சி மோசமான ஆட்சி. இது உங்களுக்கு மட்டும் அல்ல உலகத்திற்கே தெரிந்த விஷயம் .இதை தவிர உங்களுக்கு வேற ஏதும் பேச தெரியாதா என்ன? இந்த விஷயம் பிறந்த ஒரு மாத குழந்தை பேச ஆரம்பித்தால் கூட இதைத்தான் சொல்லும் இதை திரும்ப் திரும்ப சொல்ல ஒரு தலைவர் தேவையில்லை.

அதைவிட்டுவிட்டு நீங்கள் வந்தால் நதிநீர் பங்கிடு பற்றி என்ன திட்டம் வைத்து இருக்கிறீர்கள்? சில்லறை வாணிபத்தில் அந்நிய முதலீடு பற்றி நீங்க என்ன கொள்கைகள் வைத்து இருக்கிறீர்கள்., அண்டைய நாடுகளுடன் எப்படி இணைந்து செயல்பட போகிறீர்கள்? இலங்கை பிரச்சனையில் உங்களின் உறுதியான கொள்கைகள் என்ன? எல்லை மீறும் சினாவிற்கு எப்படி பதில் அளிக்க போகிறீர்கள்? பாகிஸ்தானின் தீவிர வாததிற்கு எதிராக எப்படி செயல்பட போகிறீர்கள்? உங்களின் பொருளாதார திட்டம் என்ன? கல்வி துறையில் உங்கள் பங்கீடு என்ன? மாநில அரசுகள் சுயமாக செயல்பட சுயாட்சி தரப் போகிறிர்களா? என்று மேலே சொன்ன விஷயங்களைப் பற்றி பேசுங்களேன்.

அதைவிட்டு விட்டு டீக்கடைக்காரனுக்கு டீ ஆத்துவது மட்டும்தான் தெரிவது போல உங்களுக்கு காங்கிரஸ் அரசு மீது மக்கள் நம்பிக்கையை இழந்துவிட்டனர் என்று மட்டும்தான் தெரியுமா? ஆமாம் என்றால் நீங்கள் பிரதமர் பதவிக்கு முயற்சிப்பதற்கு பதிலாக பாராளுமன்ற வளாகத்தில் டீக்கடை வைக்க முயற்சியுங்கள்.

இந்தியாவிற்கு தேவை அதை நடத்தி செல்ல சிறந்த தலைவர்தான் வேண்டும் டீக்கடைகாரன் அல்ல. இந்தியாவில் ஒரு நடிகன் நாடாள முடியும் ஆனால் டீக்டைகாரன் நாடாள வேண்டுமென்றால் அவன் முதலில் சிறந்த தலைவனாக ஆக வேண்டும் அதன் பிந்தான் நாடாள முடியும், சிறந்த தலைவனாக சிறப்பு திட்டங்கள் வைத்திருக்க வேண்டும் அதவிட்டு விட்டு உடைந்த ரிகார்டு போல இருக்க கூடாது

அன்புடன்

மதுரைத்தமிழன்