பிரச்சனைக்கு காரணமே அழகுதாங்க!!!

ஒரு நாள் மனைவி கூட வாக்கிங்க் போகக் கிளம்பினேன். அப்போது பக்கத்துவீட்டுகாரம்மா எதிரில் வந்தாங்க. அவர்களை பார்த்ததும் என் மனைவியிடம் சொன்னேன் அவங்க ரொம்ப அழகாக இருக்கிறார்கள் என்று அவ்வளவுதாங்க உடனே வாக்கிங்க் போவதை நிறுத்திவிட்டு உடனே வீட்டிற்கு வந்து ஏங்க நான் உங்கள் கண்ணிற்கு அழகாக இல்லையா என்று கேட்டே என்னை அழ வைத்துவிட்டாள்..

சரி நம்ம அழ வைத்தது பொண்டாட்டிதானே என்று நினைத்து மறந்துவிட்டேன்( ஆமாம் நீங்க நினைச்சிருந்தா மட்டும் என்ன நடக்கும் என்று நீங்கள் கேட்பது என் காதில் நிச்சயம் விழாதுங்க)

இன்னொரு நாள் பொண்டாட்டி கூட வாக்கிங்க் போகும் போது அடுத்த வீட்டுப் பெண்மணி எதிரில் வந்தாங்க. அவங்களை பார்த்து சிரித்துவிட்டு பாருங்கள் என் மனைவி எவ்வளவு அழகாக இருக்காங்க அப்படி இப்படி என்று என் மனைவியின் அழகை ஒரு பத்து நிமிஷம் பெருமையாய் பேசினேன். அதற்கு அவங்க நீயெல்லாம் ஒரு ஆளா வெக்கம் இல்லமா பொண்டாட்டி புராணம் பாடுற என்று நாக்கை புடுங்குற மாதிரி கேட்டுட்டாங்க

அதற்கு அப்புறம் 10 நாள் தலையை வெளிய காட்ட முடியலை அதற்கு அப்புறம் அவங்க வீட்டுக் குழந்தைக்கு ஐஸ்கீரிம் கேக் எல்லாம் வாங்கி கொடுத்தும் வீட்டில் சமைத்ததையெல்லாம் பக்கத்து வீட்டிற்கும் கொடுத்தும் சமாதானம் பண்ணிக்கிட்டேன்

நேற்று நானும் என் மனைவியும் பக்கத்து வீட்டுப் பெண்மணியும் பேசிக் கொண்டிருந்த போது எதிர்த்த வீட்டிற்கு புதுசா வந்த பெண்மணி தன் குழந்தையுடன் வெளியே வந்தாங்க அவங்க அழகாக இருக்காங்க என்று எதாவது சொல்லி வம்புல மாட்டிக்க கூடாது என்று நினைச்சு அவங்க எங்கள் அருகில் வருவதற்கு முன்பு அந்த அம்மாவிற்குத் தான் பேரழகு என்று நினைப்பு போல உங்க அழகிற்கு முன்னால் இதெல்லாம் சூசுபி என்று அவர் எங்கள் அருகில் வருவதற்கு முன்னால் சொன்னேன்.. அதற்கு என் மனைவியும் பக்கத்துவீட்டு பெண்மணியும் சிரித்தார்கள் அப்பாடா இன்று பிரச்சனை இல்லையே என்று.. எண்ணி என் மனம் துள்ளிக் குதித்தது அதுவும் ஒரு நொடிதான் அதுக்கு பின்தான் அவர்கள் சிரித்ததன் ரகசியம் தெரிந்தது அந்த பெண் இவர்கள் இருவருக்குத் தெரிந்த தோழியாம் அதனால் அவர் வந்ததும் நான் சொல்லியதை அவரிடம் சொல்லிச் சிரித்தார்கள் அதன் பின் நான் வீட்டிற்கு வெளியே இப்போதெல்லாம் வருவதில்லை.

இந்த பெண்களையே புரிஞ்சுக்க முடியலையே அட ராமா கோவிந்தா கோபாலா நீதாண்டப்பா என்னை காப்பாற்றணும்..

இதை வேற தெரியாதனமா நான் எழுதிட்டேன்....இப்படியெல்லாம் எப்படிடா உன்னால் மொக்கை பதிவு எல்லாம் எழுத முடியுதுன்னு யாரெல்லாம் சண்டைக்கு வரப் போறாங்களோ?

அன்புடன்

மதுரைத்தமிழன்