சென்னை பதிவர் விழாவும் புறக்கணிக்கப்பட்ட மூத்த பதிவரும்

சென்னை பதிவர் விழாவும் புறக்கணிக்கப்பட்ட மூத்த பதிவரும்

கடந்த ஞாயிற்று கிழமை சென்னையில் நடைபெற்ற குழு மிகவும் சிறப்பாக மதுமதி,பாலகணேஷ், சசிகலா, சென்னைபித்தன், புலவர், மற்றும் பலரால் நடத்தப்பட்டது. அந்த விழாவில் மூத்த பதிவர்களை கவுரவித்தனர். மூத்த பதிவர் என்பவர்கள் பதிவுலகில் அதிக காலம் எழுதியவர்கள் என்பது அல்ல பதிவுலகில் உலாவி வரும், வயதில் மூத்தவர்களை மட்டும் குறிப்பதாகும். இப்படிபட்ட ஒரு நிகழ்ச்சி அகில உலகில் எங்கும் நடைபெற்றதாக செய்திகளை  இதற்கு முன்னாள் யாரும் கேள்விபட்டு இருக்க மூடியாது. அப்படிபட்ட ஒரு நிகழ்ச்சியில் வயதில் மூத்தவரும் எல்லோருக்கும் தெரிந்தவர் ஒருவரை இந்த பதிவுலகம் புறக்கணித்துள்ளது..

இவர் பல நூல்களை எழுதி இருக்கிறார். மிகப் பெரிய குடும்பஸ்தர். முதன் முதலில் சென்னையில் வலைப்பதிவு கூட்டம் நடத்தபோவதாக அறிவித்த உடன் இவர் தனக்கென ஒரு வலைதளத்தை ஆரம்பித்து அதன் பின் பேஸ் புக் மற்றும் டிவிட்டரிலும் அக்கவுண்ட் ஒப்பன் பண்ணி இருக்கிறார். இவருக்கு இப்படிபட்ட விழா என்றால் ரொம்ப பிடிக்கும் அதிலும் யாராவது பொன்னாடை போத்தினால் மிகவும் சந்தோப்படுவார் அப்படிபட்டவர் தம்மையும் இந்த வலைதள கூட்டத்திற்கு கூப்பிடுவார்கள் என்று கருதி வேறு எந்த வேலையும் செய்யாமல் இருந்திருக்கிறார். அப்படிபட்ட வயதில் மூத்தவரை இந்த விழா பொறுப்பாளர்கள் கண்டு கொள்ளாமல் இருந்திருக்கின்றனர். அது நியாமா?

பலருக்கு பல கருத்துக்கள் இருக்கலாம் ஆனால் நம் பதிவுலகத்தில் கூட்டம் நடத்தும் போது மாறுபட்ட கருத்துக்களை மறந்து ஒன்றாக கூடி மகிழ்வதுதான் இந்த கூட்டத்தின் நோக்கம். ஆனால்  இந்த பதிவுலகம் அதையும் மறந்துவிட்டதா?

ஓ....அவர் யாரு என்று சொல்ல மறந்துவிட்டேன். அந்த முதியவர் வேறு யாருமில்லை. நம் தமிழகத்தின் முன்னாள் முதல்வரும்  வருங்கால முதலமைச்சருமான கலைஞர் அவர்கள்தான்.( என்ன அவர் வருங்கால முதலைமைச்சாரா என்பவர்களுக்கு என்னுடைய பதில் நம் தமிழக மக்கள் குழந்தைகள் போன்றவர்கள் அதிகம் சிந்திப்பதில்லை எப்படி அப்பா கோபமாக இருந்தால் அம்மாதான் நல்லவர் என்றும் அம்மா கோபமாக இருந்தால் அப்பா நல்லவர் என்று சொல்வது போல் சொல்லி இவர்கள் இருவரையும் மாற்றி மாற்றி பதவியில் வைப்பார்கள்)

அதனால் மக்களே அடுத்த தடவை பதிவர் கூட்டம் நடத்தும் போது இவரை மறக்காமல் கூப்பிடுங்கள்... ஒரு வேளை அம்மாவும் வலைத்தளம் தொடங்கினால் அவரையும் கூப்பிடுங்கள். கலைஞரை கூப்பிட்டால் சசிகலாவுக்கு போட்டியாக அவரும் கவிதை புத்தகம் வெளியிடுவார். அம்மாவை கூப்ப்பிட்டால் விழா நடத்துவர்கள் காலில் விழுந்து கும்பிட தயாராக இருக்க வேண்டும்.

அவ்வளவுதாங்க... எனக்கு தெரிந்தை நான் சொல்லிப்புட்டேன்.. இனி கூப்பிடுவதும் கூப்பிடாதும் உங்கள் இஷ்டம்

டிஸ்கி : பதிவர் திருவிழா பற்றி பதிவு ஏதும் போடவில்லை என்றால் சாமி வந்து கண்ணை குத்திபோடும் என்று சொன்னதால்தான் இந்த கற்பனை பதிவு.

அன்புடன்

உங்கள் அபிமானத்திற்குரிய

மதுரைத்தமிழன்