இலையை எந்த பக்கம் மடிப்பது என்பது கலாச்சாரா பழக்கமா அல்லது சமயப் பழக்கமா?

இலையை எந்த பக்கம் மடிப்பது என்பது கலாச்சாரா பழக்கமா அல்லது சமயப் பழக்கமா?

இன்று பதிவர்கள் நடத்திய விழா பற்றிய பதிவுகளைப் பற்றி படித்த போது என் கண்ணில்பட்டது இந்த பதிவு  இலை மடிப்பில் மூடப்பழக்கவழக்கம்?

இதை படித்த பின்பு ஒரு பழக்கத்தை முழுமையாக புரிந்து கொள்ளாமல்  அரைகுறையாக  அறிந்து கொண்டு விவாவதத்தில் ஈடுபட்டு ஒரு சிலர் தம்மை மிகுந்த பகுத்தறிவாளர்களாக கருதி அதை மூடப்பழக்கம் என்று கூறி விவாதித்து வருகின்றனர்.

எனது அறிவுக்கு எட்டியமட்டில், என்னைவிட வயதில் மூத்தவர்கள் சொன்னதில் இருந்தும், நான் புரிந்து படித்து கொண்டதில் இருந்தும் இந்த இலையை மடிப்பது என்பது ஒரு கலாச்சார பழக்கமே என்றுதான் தெரியவருகிறது..

இலையை எதிர்பக்கமா சாப்பிட்டு மடித்தால் மீண்டும் இந்த விருந்து /உறவு வேண்டாம்னு  என்று நாம் மறைமுகமாக விருந்து தருபவர்களுக்கு சொல்லும் செய்தியாகும். இது ஒரு தமிழ் கலாச்சார பழக்கம் ஆகும். இப்படி நாம் ஒரு செய்தியை மறைமுகமாக சொல்வதன் மூலம், விருந்து தருபவர் விருந்து உண்டவருக்கு நம்மீது ஏதோ மனச்சங்கடம் உண்டாகி இருக்கிறது என்று கருதி விருந்து உண்டவரிடம் நான் செய்த எந்த செயல் உங்கள் மனதை பாதித்தது என்று கேட்டு அதற்கு விளக்கம் சொல்லி சமாதானம் செய்ய முயல்வார்.

அதுபோல இறந்த வீட்டில் போடும் சாப்பாட்டில் எல்லாரும் இலையை எதிர்ப்பக்கமாக மடிக்கணும் இதற்கு அர்த்தம் இது போல் துக்க சாப்பாடு சாப்பிட இந்த வீட்டுக்கு வரக்கூடாது என்பதுதான்.

இது ஒரு தமிழக கலாச்சாரத்தின் பழக்கம் . இது எந்த ஒரு குறிப்பிட்ட சமயத்தின்  பழக்கம் அல்ல. நாம் பின்பற்றும் பழக்கம் வேறு மூட நம்பிக்கைகள் என்பது வேறு இதை இரண்டையும் போட்டு குழப்பி கொள்ள கூடாது.

பழக்கவழக்கத்திற்கு மேலும் சில உதாரணங்களை இங்கே சொல்ல விரும்புகிறேன். நாம் யாருக்காவது ஆங்கிலத்தில் இமெயில் அனுப்பும் போது எல்லா லெட்டர்களையும் கேப்பிட்டல் லெட்டரில் எழுதி அனுப்பினால் அந்த இமெயிலை பெறுபவர் மீது நாம் கோபம் கொண்டு உள்ளோம் என்பதாக அர்த்தம்.

அதுபோல ஒருவரை ஒருவர் சந்திக்கும் போது நாம் கைகுலுக்கும் போது நாம் வலது கையை உபயோகபடுத்தி கைகுலுக்கி கொள்வோம்.. இதுவும் ஒரு பழக்கமே. இது ஒரு மனித கலாச்சார பழக்கம் என்று சொல்லலாம். இதைபோலவே இஸ்லாமியர்கள் ஒருவரை ஒருவர் சந்திக்கும் போது சலாம் சொல்லி வலது கையை உபயோகித்து கைகொடுத்து கட்டியணைப்பதும் ஒரு பழக்கம்தான். வலது கை, இடது கை இரண்டும் சரிக்கு சமமாக இருந்தாலும் நாம் எல்லோரும் வலதுகையையே உபயோகப்படுத்துவது நமது பழக்கமே ஆனால் அப்படி செய்வது மூடப்பழக்கம் அல்ல.

இந்தியாவில் பாத்ரூம் போனால் தண்ணிர் விட்டு சுத்தம் செய்வோம் ஆனால் மேலைநாடுகளில் பேப்பர்வைத்து சுத்தம் செய்வோம்..இதுவும் ஒரு பழக்கமமே

இப்போது அந்த பதிவர் இலையை மடித்து வைக்கும் பழக்கத்தை மூடப் பழக்கம் என்றும் தான் பகுதறிவாளார் என்றும் கிழ்கண்டாவாறு எழுதி இருக்கிறார்

///கருமாதி எனப்படும் 16 ஆம் நாளுக்கு அப்புறம் போடும் சாப்பாட்டில் எல்லாரும் எலையை எதிர்ப்பக்கமாக மடிக்கணும் அர்த்தம் இது போல் துக்க சாப்பாடு சாப்பிட இந்த வீட்டுக்கு வரக்கூடாது என்பது. "

அதாவது எதிர்ப்புறம் எப்போது மடிப்பாங்களாம் என்றால்... இனி துக்கமே இந்த வீட்டுக்கு வரக்கூடாது என்றாம்..! இது அறிவியல் பூர்வமாக சாத்தியமா..? ஒரு மனிதன் பிறந்தால் அவன் நிச்சயம் இறந்தே ஆக வேண்டும் அல்லவா..! இதுதானே உலக நியதி..? இதுதானே நிகழ்வில் உண்மை..? இவர் இலையை எதிர்புறமாக மடித்தால் மட்டும் இனி இறப்பு இந்த வீட்டின் பக்கமே வராமல் ஓடி விடுமா..? எல்லாரும் அந்த வீட்டில் சாவே இல்லாத சிரஞ்சீவி என்று ஆகிவிடுவார்களா..? இலையை எதிர்ப்புறம் மடித்து இப்படி 'காலத்தை வென்ற' ஒரு வீட்டையாவது காட்ட இயலுமா...? அந்த கருமாதி அந்த வீட்டில் வந்ததுக்கு காரணம்... இதற்கு முன்னர் இந்த தலைகீழி இலையை எதிர்ப்பக்கம் மடிக்காமல் போனதா..? ஹா...ஹா...ஹா... என்னப்பா இது... மூடநம்பிக்கை..///

அவர் சொல்வதில் "ஒரு மனிதன் பிறந்தால் அவன் நிச்சயம் இறந்தே ஆக வேண்டும் அல்லவா..! இதுதானே உலக நியதி..? இதுதானே நிகழ்வில் உண்மை"  என்பது இந்த கருத்தில் யாருக்கும் அவர் எந்த மதத்தினராக இருந்தாலும் அதில் கருத்து வேறுபாடு இருக்க முடியாது..

அவர் அதோடு நிறுத்தி இருந்தால் பரவாயில்லை ஆனால் அதன் பிறகு அவர் நாம் பின்பற்றும் பழக்கத்தை மூடப் பழக்கம் என்று சொல்லவதுதான் நாம் அவரை பற்றி சிந்திக்க வைக்கிறது.

''இவர் இலையை எதிர்புறமாக மடித்தால் மட்டும் இனி இறப்பு இந்த வீட்டின் பக்கமே வராமல் ஓடி விடுமா..? எல்லாரும் அந்த வீட்டில் சாவே இல்லாத சிரஞ்சீவி என்று ஆகிவிடுவார்களா..? இலையை எதிர்ப்புறம் மடித்து இப்படி 'காலத்தை வென்ற' ஒரு வீட்டையாவது காட்ட இயலுமா...? அந்த கருமாதி அந்த வீட்டில் வந்ததுக்கு காரணம்... இதற்கு முன்னர் இந்த தலைகீழி இலையை எதிர்ப்பக்கம் மடிக்காமல் போனதா..? ஹா...ஹா...ஹா... என்னப்பா இது... மூடநம்பிக்கை"

இந்த பகுத்தறிவாளர் மேற் சொன்ன வாதத்தின்படி அவர் குடும்பத்தில் இறப்பு ஏற்பட்டால் அவர் அழுது கொண்டிருக்காமல் கல்யாணவீட்டில் மைக்செட் போடுவது போல போட்டு பாட்டு ஒலிபரப்பி, எல்லோருக்கும் இனிப்புகளை பறிமாறி விருந்து கொடுப்பார் போலிருக்கிறது. காரணம் இந்த பகுத்தறிவாளருக்கு பிறப்பும் இறப்பும் ஒன்றுதான். அதுமட்டுமல்லாமல் இவர் இறப்பு வீட்டிற்கு சென்றால் Many many happy returns of the day என்று சொல்லி வாழ்த்தி வருவாரா அல்லது மற்றவர்கள் பின்பற்றி வரும் பழக்கங்களை பின்பற்றுவாரா என்பது எனக்கு தெரியவில்லை

நான் இந்த பதிவின் மூலம் சொல்லவருவது பழக்கம், கலாச்சார பழக்கம் என்பது வேறு மூடநம்பிக்கைகள் என்பது வேறு .அதற்கு வித்தியாசம் தெரியாமல் கேலி செய்ய கூடாது என்பதுதான்

என்ன மக்களே நான் சொன்னது சரியா ? இல்லை தவறு என்றால் என் புத்திக்கு புரியும்படி விளக்கம் தாருங்களேன்.

அன்புடன்

உங்கள் அபிமானத்திற்குரிய

மதுரைத்தமிழனனின் அறிவுக்கு எட்டிய செய்திகள் 

இங்கு பதிவாக உங்கள் பார்வைக்கு

(அது யாருப்பா உனக்கு அறிவு எல்லாம் இருக்குதா என்று கேட்பது.உஷ்ஷ்ஷ்...சத்தம் போட்டு கேட்காதீர்கள்)