டெஸோ மாநாடு என்றால் டெத் ஸோ (Death Show )மாநாடா?.

மாநாட்டுக்கு செல்ல நாங்க ரெடி அப்ப நீங்க ரெடியா?

    

        டெஸோ மாநாடு என்றால் டெத் ஸோ (Death Show )மாநாடா?.

டெஸோ மாநாடு என்றால் என்ன கொஞ்சம் விளக்கம் தாருங்களேன்?

டெஸோ மாநாடு என்றால் டெத் ஸோ (Death Show )மாநாடு. அதாவது இலங்கையில் இறந்து போன மக்களுக்காக தாங்கள் மிகவும் கவலைப்படுவதாகவும் அந்த போரில் இறக்காமல் அவதிப்படும் மக்களுக்காக நாங்கள் இருக்கிறோம் என்று போடும் நாடகத்தைதான்(Show)  டெஸோ என்று இப்போது அழைக்கிறார்கள்.

டெஸோ மாநாடு நடைபெற இருக்கும் Y M C A மைதானத்தில் பந்தல் வேலையை பார்வையிடும் (தன் 90வது வயதிலும்) கலைஞர் அவர்களிடம் நீங்கள் கேட்க விரும்புவது என்ன?

இந்த 90வது வயதிலும் டெஸோ மாநாடு நடைபெற இருக்கும் Y M C A மைதானத்தில் பந்தல் வேலையை பார்வையிட்ட கலைஞர் ஐயாவுக்கு இலங்கையில் மனிதர்கள் சாவும் போது பிரதமரை டெல்லி சென்று பார்த்து முறையிடாமல் கடிதம் மட்டும் எழுதிக் கொண்டிருந்தற்கு காரணம் என்ன ஐயா?வயதாக வயதாகதான் உடம்பில் தெம்பு வருகிறதோ..

சீமான், நெடுமாறன், வைக்கோ, சம்பத் போன்ற இன்ன பிற செல்லாக்காசுகள் இத்தனை நாள் இது போல ஒரு கூட்டம் கூட்டி உலக நாடுகளை அவர்கள் பக்கம்  திரும்பச்செய்தனரா என்று திமுக அனுதாபிகள் கேட்கிறார்களே?

உள்ளுரில் இருந்துகொண்டு உலகமே தங்களை திரும்பி பார்ப்பதாக சில திமுக அபிமானிகள் நன்றாக கனவுகாண்கிறார்களே அது எப்படியப்பா? கனவுகள் காண்பதுதான் திமுக தொண்டனின் வழக்கமா?

ஈழத்தமிழர் காசுகளில் நார்வே, ஸ்வீடன், ஜெர்மனி, அமெரிக்கா, லண்டன், ஆஸ்திரேலியா என இன்ப சுற்றுலா போய் அங்கே ஒரு மூடிய அரங்கில் தொண்டை நரம்பு புடைக்க முழக்கமிட்டு கைத்தட்டல் போதையை ஏற்றிக்கொண்டு விமானம் ஏறி தமிழகம் வந்து போய் வந்த பொருளாதார திமிரில் கலைஞரை வசை பாடுகீறீர்களே இது நியாமா என்று திமுக அனுதாபிகள் கேட்கிறார்களே?

உலகம் தெரியாத திமுக அபிமானிகள் இலங்கை தமிழர்களுக்காக உலகம் எங்கும் சுற்றி வந்தது போராடிய தலைவர்களை கட்சி தலைமையிடம் வாங்கிய பணத்திற்காக அல்லது  போதை  ஏற்றி வந்து இதுவும் கேட்பார்கள் இதற்கும் மேலும் கேடகத்தான் செய்வார்கள் அதில் என்ன அதிசயம்.

மூடிய அரங்கில் முக்காடிட்டு அழுவது போல அல்லாமல் திறந்த அரங்கில் உலகமே பார்க்கும் படி ஈழத்தமிழர்களின் வாழ்வாதார உரிமைக்காக, வரும் உலக தலைவர்களை உலுக்கப்போகின்றோம் என்று திமுக அனுதாபிகள் சொல்லுகிறார்களே?

அமெரிக்கா ஸ்வீடன் நார்வே கனடா போன்ற நாடுகளில் குளிர் அதிகம் அதனால்தான் இங்கு மூடிய அரங்கத்தில் கூட்டம் கூட்டுகிறார்கள் அது மட்டுமல்லாமல் கண்ட இடங்களில் குண்டு குழி தோண்டி கேலி கூத்தாக்கும் கலாச்சாரம் மேலைநாடுகளில் கிடையாது கலைஞரே மேலைநாட்டிற்கு வந்தாலும் முக்காடிட்டுதான் செல்ல வேண்டும். காரணம் இங்கு குளிர் அதிகம். இது கூட தெரியாத திமுகா அனுதாபிகள் இப்படி கீண்டல் பண்ணுகிறார்கள். சோனியா காந்தி வீட்டில் முக்காடு போட்டு அழுதவர் எந்த கட்சி தலைவர்  என்று திமுக அனுதாபிகளுக்கு மறந்து போய்விட்டதா என்ன?

உலகையே உலுக்கும் அளவிற்கு கூட்டத்தை கூட்டி காட்டப் போகிறார்களாமே?

இதில் என்ன அதிசயம் காசு கொடுத்து பிரியாணீ வாங்கி கொடுத்தா பிச்சைகாரகள் கூட கூட்டத்தீற்கு வருவார்கள் என்பது எல்லோருமே அறிந்ததுதானே. உதாரணத்திற்கு உங்கள் வீட்டில் நடக்கும் கல்யாணத்திற்கு அதிக கூட்டம் கூட்டி காண்பிப்பதற்காக ரோட்டில் போகும் பிச்சைகார்களை கூப்பிட்டு காசு கொடுத்து சாப்பாடு போட்டால் கூட்டம் அதிகமாகத்தான் இருக்கும் ஆனால் அது எல்லாம் மணமக்களை வாழ்த்த வந்த கூட்டமாகுமா என்ன?

தமிழன் நீங்கள் நக்கல் அடித்தது போதும் உண்மையில் டெஸோ மாநாடு நடத்தபடுவதன் நோக்கம் என்ன?

வரும் தேர்தலில் காங்கிரஸ்க்கு அதிக சீட்டு கிடைக்காது என்பது கலைஞருக்கு மிக நன்றாக தெரியும். காங்கிரஸ் ஆட்சிக்கு வரவில்லையென்றால் வேறு யாரு வந்தாலும் அவரின் குடும்பத்தினரின் மீது சட்ட நடவடிக்கை கடுமையாகலாம். அதனால் தன் கையில் அதிக அளவு சீட்டுகள் இருந்தால் எந்த கட்சியையும் கண்ணுக்குள் விரலை விட்டு ஆட்டலாம். இதுதான் உண்மையான நோக்கம். இலங்கைதமிழர்கள் மீது காட்டும் அக்கறை எல்லாம் இதற்காக ஆடும் நாடகம்தான். கலைஞரின் சாணக்கியதனத்தால் இலங்கை பிரச்சனை தீருமோ இல்லையோ ஆனால் அவர் பிரச்சனைகள் தீரும்.அவரின் வயதில் மாற்றம் ஏற்படலாம் ஆனால் அவர் சாணக்கியதனத்தில் என்றும் மாற்றம் ஏற்படாது.

டிஸ்கி: வரும்  பாராளுமன்ற தேர்தலில் தமிழ்நாட்டில் அதிக சீட்டுகளை கைப்பற்றும் கட்சி திமுகவாகத்தான் இருக்கும் என்று நிச்சயம் கூருகிறேன். தேர்தல் முடிந்ததும் இங்கு வந்து சரிபார்த்து கொள்ளுங்கள். இதை எப்படி நான் அடித்து சொல்லுகிறேன் என்றால் எனக்கு தமிழர்களைப் பற்றி நன்கு தெரியும்