மற்றவர்களின் கருத்துக்களுடன் நாம் உடன்படாவிட்டாலும், திறந்த மனதுடன், மரியாதையுடன் இருக்கவாவது கற்றுக்கொள்ள வேண்டும்.

 மற்றவர்களின் கருத்துக்களுடன் நாம் உடன்படாவிட்டாலும், திறந்த மனதுடன், மரியாதையுடன் இருக்கவாவது கற்றுக்கொள்ள வேண்டும்.

 

ஒரு சிறுவன் ஒரு பெரியவரிடம்   கேட்டான். "வாழ்க்கை உங்களுக்குக் கற்றுத்தந்த மிகப்பெரிய பாடம் என்ன?"

முதியவர் சிறிது யோசித்துவிட்டுச் சொன்னார். "மன்னிக்கவும், தம்பி  நான் இப்போது பேசும் மனநிலையில் இல்லை. நான் ஆழ்ந்த கவலையில் இருக்கிறேன்"

உடனே பையன் என்ன  சார் என்ன பிரச்சனை உங்களுக்கு என்று கேட்க அதற்குப் பெரியவர் என்னுடைய கருவுற்ற பசுமாடு இருபது மணி நேரத்திற்கும் மேலாகப் பிரசவ வலியில் உள்ளது. வலி அதிகமாக இருப்பதால் அது இறந்துவிடக்கூடும் என்று நான் பயப்படுகிறேன் என்றார்


அப்ப அதற்கு நீங்கள் ஏதாவது உடனே செய்ய வேண்டும் என்று பையன் சொல்ல....பதிலுக்கு அந்த பெரியவரோ எனக்கு இது போன்ற விஷயங்களைப் பற்றி எதுவும் தெரியாது. அது மட்டுமல்ல நான் வயதான மற்றும் பலவீனமானவன், என்னால் அந்த பசுவிற்கு  எதுவும் செய்ய முடியாது .யாரிடமாவது  கருத்துகளையும் ஆலோசனைகளையும்  கேட்டால் இந்த  பசுவை இறப்பிலிருந்து காப்பாற்ற முடியும் என்று கலங்கினார்

ஆமாம் பெரியவரே நீங்கள் சொல்வதும் சரிதான் என்றான் அந்த சிறுவன்

பெரியவர் தம்பி எனக்கு ஒரு உதவி செய்யேன். என்னால் நடக்க முடியவில்லை அதனால்  இந்த சாலையில் நடந்து செல்லுப்பா. அப்படிச் செல்லும் போது வழியில் நீங்கள் எதேச்சையாக  சில மனிதர்களைச் சந்திப்பாய். அப்படிச் சந்திப்பவர்களிடம் நீ குறைந்தது நான்கு பேரிடம் ஆலோசனை கேட்க வேண்டும். என் கஷ்டப்படும்  பசுவைப் பற்றிச்  சொல்லி அவர்களின் கருத்து என்ன என்பதைக் கேட்டு   வந்து சொல்லேன் என்றார்  

சிறுவனும் சரி என்று சொல்லிச் சென்றான் , பின்னர் ஒரு மணி நேரம் கழித்துத் திரும்பி நாலு பேரிடம் கேட்ட கருத்தைப்  பெரியவரிடம் சொல்லத் தொடங்கினான்.


நான் சந்தித்த முதல் நபர் நீங்கள் உடனடியாக உள்ளூர் கால்நடை மருத்துவரை அழைக்குமாறு பரிந்துரைத்தார்,அவர் கன்றுக்குட்டியை அகற்ற அறுவை சிகிச்சை செய்யலாம். என்று சொன்னார்

 இரண்டாவது நபர், பசுவிற்கு இயற்கையான முறையில் பிரசவம் செய்ய அதிக நேரம் கொடுங்கள் என்றும் கால்நடை மருத்துவரை அழைக்க வேண்டிய அவசியமில்லை என்றும் பரிந்துரைத்தார்.

மூன்றாவது நபர் நீங்கள் பசுவைக் கொன்று இறைச்சியை விற்கவும், எப்படியும் அது இறுதியில் இறந்துவிடும் என்றும் பரிந்துரைத்தார்.

 நான்காவது நபர் உங்கள் கைகளால் கருவிலிருந்து கன்றுக்குட்டியை இழுத்து பசுவிற்கு உதவுமாறு பரிந்துரைத்தார் என்று கூறி பெரியவரின் பதிலை எதிர்பார்த்தான்

அதைக் கேட்ட  பெரியவர் தம்பி  சுவாரஸ்யமாக இருக்கிறது, அல்லவா, ஒவ்வொருவரின் கருத்துக்களும் மிகவும் வேறுபடுகின்றன. எனவே நான் எதைப் பின்பற்ற வேண்டும் என்று நீ என்ன  நினைக்கிறாய் என்று சொல்ல முடியுமா என்று கேட்க

அந்த சிறுவன் சிறிது நேரம் யோசித்துவிட்டு  பெரியவரே எனக்கு எல்லாமே  மிகவும் குழப்பமாகத்தான்  இருக்கிறது. ஒவ்வொருவரும் வெவ்வேறு அறிவுரைகளை வழங்கினார்கள் என்று சொல்ல


அந்த பெரியவர்  சிரித்தவாரே  அந்த சிறுவனின் தோளில் தட்டி சொன்னார்.

"வாழ்க்கை எனக்குக் கற்றுத்தந்த மிகப் பெரிய பாடத்தைச்  சொல்லுங்கள் என்று நீ என்னிடம் கேட்டபோது நான் உண்மையிலேயே ஆச்சரியப்பட்டேன்.

அதைச் சொல்லாமல், அதை நீயே அனுபவிக்கட்டும் என்று முடிவு செய்தேன். அவ்வாறு செய்யும்போது, ​​​​என் பசு கஷ்டப்படுவது போல் நடித்தேன். வலி மற்றும் உதவி தேவை. மக்களின் கருத்துக்கள் எவ்வளவு வித்தியாசமாக இருக்கும் என்பதை நீ உணர உதவும் ஒரு உத்தி இது.

வாழ்க்கையில் நான் கற்றுக்கொண்ட மிகப்பெரிய பாடம் என்னவென்றால், வெவ்வேறு நபர்கள் ஒரே விஷயத்தைப் பார்த்து வெவ்வேறு கண்ணோட்டங்களைக் கொண்டிருக்கலாம். ஒவ்வொருவருக்கும் விஷயங்களைப் பற்றிய எங்கள் சொந்த பார்வை உள்ளது, மேலும் ஒருவரின் கருத்து உங்களுடையதை விட வித்தியாசமாக இருப்பதால், அவர்கள் தவறு என்று அர்த்தமல்ல, நம்முடைய கருத்து மற்றவர்களுடன் ஒத்துப்போவதில்லை என்று நினைப்பதால் நாம் சண்டையிடவோ, சண்டையிடவோ அல்லது வாதிடவோ கூடாது. மக்களின் கருத்துக்களுடன் நாம் உடன்படாவிட்டாலும், திறந்த மனதுடன், மரியாதையுடன் இருக்கக் கற்றுக்கொள்ள வேண்டும்.

ஆனால் இப்படிப்பட்ட  திறந்த மனதுடன் இன்றைய மோடிஜி பக்தர்கள் இருப்பதில்லை அதுதான் இந்தியாவின் இப்போதைய சாபக் கேடு. அதனால் பலரின் மனதில் துவேஷமும் வெறுப்பும் ஆட் கொண்டு இருக்கிறது இப்படி ஒரு சிலருக்கு இருந்தால் அதை நாம் சமாளிக்கலாம் ஆனால் இப்படி இருப்பது ஒரு மிகப் பெரிய சமுகமாக இருப்பதுதான் இந்தியாவை சீரழிக்கிறது இதிலிருந்து நாம் மீண்டு வருவது என்பது அவ்வளவு எளிதல்ல என்பதுதான் கசக்கும் உண்மை

உண்மை கசப்பது மட்டுமல்ல வலிக்கவும் செய்கிறது  பிள்ளைகளை வளர்க்கும் பெற்றோர்கள்  சிந்திக்க சில வரிகள் 

அன்புடன்
மதுரைத்தமிழன்


ஒரு சிறு தார்மீகக் கதை.

We must learn to be open-minded and respectful of others, even if we disagree with them.

Published on
8/17/23 10:46 PM