ஜோசியம் பார்ப்பதால் நல்லாண்டு வந்துவிடாது

 

ஜோசியம் பார்ப்பதால் நல்லாண்டு வந்துவிடாது

ஒரு குறிப்பிட்ட புள்ளியில் தொடங்கி ஒரு குறிப்பிட்ட புள்ளியில் முடிவதைத்தான் ஆரம்பம் முடிவு என்கிறோம். அதைப் போல ஒரு குறிப்பிட்ட காலவரையைத்தான் நாம் ஆண்டு என்கிறோம். அதாவது  ஒரு குறிப்பிட்ட காலவரை முடிந்து புதிய காலவரை தொடங்குவதைத்தான் புத்தாண்டு என்கிறோம்.. அவ்வளவுதானே தவிர அது ஏதும் நமக்குப் புதிதாக அதிர்ஷ்டங்களை அள்ளி தந்துவிடுவதில்லை.. புதிய ஆண்டுகள் நல்ல ஆண்டாக இருக்க வேண்டும் என்று விரும்பினால் புத்தாண்டு உங்களுக்கு என்ன தரப்போகிறது என்று சும்மா எதிர்பார்த்து ஜோசியம் பார்த்துக் கொண்டிருக்காமல் அந்த புத்தாண்டு தொடக்கத்தில் என்ன விதைக்கப் போகிறீர்கள் அதாவது  நீங்கள் புத்தாண்டுக்கு என்ன கொண்டு வருகிறீர்கள் என்பதைப் பொறுத்து அந்த ஆண்டு நல்ல ஆண்டாகவோ அல்லது கெட்ட ஆண்டாகவோ மாறும் / இருக்கும்


ஆண்டின் முடிவு என்பது ஒரு முடிவோ அல்லது தொடக்கமோ அல்ல, ஆனால் அனுபவம் நமக்குள் விதைக்கக்கூடிய அனைத்து ஞானத்தையும் கொண்டு நடக்கிறது. புதிய ஆண்டு மீண்டும் அதைச் சரியாகப் பெற நமக்கு  மற்றொரு வாய்ப்பு அவ்வளதான். அந்த வாய்ப்பை நாம் எப்படிப் பயன்படுத்திக் கொள்ளப் போகிறோம் என்பதுதான் கேள்விக் குறியாக இருக்கிறது

2020 ல் கொரோனா நம்மில் பெரும் அழிவை ஏற்படுத்தியது அதன் மூலம் நாம் அதிலிருந்து தப்பிப்பது என்று பெரும் அறிவை பெற்றோம்.. ஆனால் அதைச் சரியாகப் பயன்படுத்தி 2021ல் வாழ முயலவில்லை என்று சொல்லாம். அப்படிச் செய்து இருந்தால் 2021 நல்ல ஆண்டாகவே இருந்திருக்கும் ஆனால் அப்படிச் செய்யாமல் இருந்து விட்டு 2022 ஆண்டை சந்தேகத்துடன் வரவேற்கிறோம்..

2022 ஆம் ஆண்டு தொடக்கத்தில் நம் மனதில் நல்ல எண்ணங்களை விதைப்போம் அதன் தொடர்ச்சியாக  நல்லதை அறுவடை செய்வோம்.

 

"ஒவ்வொரு நாளும் ஆண்டின் சிறந்த நாள் என்று உங்கள் இதயத்தில் எழுதுங்கள்.



அன்புடன்
மதுரைத்தமிழன்

புத்தாண்டை வழக்கமாகச் சந்தோஷமாக வரவேற்கும் நாம் இந்த ஆண்டு சந்தேகமாக வரவேற்கிறோம்