விவாகரத்திற்குப் பின்னால் இந்தியா vs அமெரிக்கா தம்பதிகள்

  

விவாகரத்திற்குப் பின்னால் இந்தியா vs அமெரிக்கா தம்பதிகள்

இந்தியாவில் விவாகாரத்து பண்ணிக் கொள்ளும் தம்பதிகள் விவகாரத்திற்குப் பின்னால் ஒருவரை ஒருவர்  விரோதிகளாகப் பாவிக்கின்றனர். அதுமட்டுமல்லாமல் அவர்களின் குடும்பத்தாரும் அதுபோலவே விரோதிகளாகப் பாவிக்கிறார்கள் அது ஏன்? வரதட்சணை மற்றும் மற்றவரை உடம்பால் கொடுமைப் படுத்துவது இது போன்ற காரணங்களால் விவகாரத்துப் பண்ணினால் விரோதிகளாகப் பாவிப்பது கூட தப்பில்லை.. ஆனால் மனசு ஒத்துவாரமல விவாகரத்து பண்ணிய பிறகும் விரோதிகளாகப் பாவிப்பது ஏன்?

எத்தனை ஆண்டுகள் ஒன்றாக வாழ்ந்து குழந்தை பெற்று ஒரே வீட்டில் வசித்து வந்த பின் சில காரணங்களால் விவகாரத்துப் பண்ணினாலும் குழந்தைகளுக்காக விவகாரத்து பெற்ற பின்  நண்பர்கள் போல உறவுகளைத் தொடர்வதில் என்ன தயக்கம் இந்த இந்தியர்களுக்கு.


என்னுடன் வேலை பார்க்கும் அமெரிக்கர் இரண்டாவது திருமணம் செய்து கொண்டவர். அவருக்கு உடல்நிலை சரியில்லை என்பதால் ஹாஸ்பிடலில் அவரை அனுமதித்து இருந்தனர். அவரை நானும் என் கூட வேலை செய்யும் இன்னொருவரும் பார்க்கச் சென்றோம். அப்போது அவருடன் இருந்து அவரை கவனித்துக் கொண்ட பெண்மணியை எங்களுக்கு அறிமுகம் செய்தார். அந்தப் பெண்மணி வேறு யாரும் அல்ல அவர் விவகாரத்து செய்த  முதல் மனைவிதான் அது எங்களுக்கு மிகவும் ஆச்சிரியம் அளித்தது..


அது போல அவரின் சர்பரைஸ் பிறந்த நாள் விழாவிற்கு அவரின் இரண்டாவது மனைவி ஏற்பாடு செய்து அவருடன் வேலை பார்க்கும் எங்களையும் அழைத்து இருந்தார்.. அங்குச் சென்று பார்த்த போது அவரின் முதல் மனைவியையும் அழைத்து இருந்தார். அவரும் அங்கு வந்து வாழ்த்தி நிகழ்வில் சந்தோஷமாக இருந்தார்.அதைப் பார்த்தது எங்களுக்கு மீண்டும் ஆச்சிரியமாக இருந்தது.

அவரிடம் நாங்கள் நேரிடையாக கேட்டும் விட்டோம் எப்படி அவரால் இங்கு வந்து மகிழ்வாக இருக்க முடிகிறது என்று. அதற்கு அவர் சொன்னது நாங்கள் மனவேறுபாடு காரணமாக விவகாரத்து செய்து கொண்டாலும் எனது குழந்தைக்கு அவர் தந்தையாக இருப்பதால் அந்த குழந்தையின் தந்தைக்கு ஒன்று என்றால் கவனிப்பதுதானே சரியாகும் அப்படிச் செய்தால்தானே அந்த குழந்தையின் மனநிலையும் எண்ணமும் வளர்ச்சியும் சிறப்பாக இருக்கும் அதனால்தான் நாங்கள் இப்படி உடல்நிலை சரியில்லை என்றாலும் பார்ட்டிகள் என்றாலும் வேறு பிரச்சனைகள் என்றாலும் ஒருவரை ஒருவர் நட்புடன் கவனித்துக் கொள்கிறோம் . அதைத் தவிர வேறு எந்த ஒரு உறவும் எங்களிடையே கிடையாது அது போல எனக்கும் உடல்நிலை சரியில்லை என்றால் அவரும் என்னை வந்து பார்த்துக் கவனித்துச் செல்வார் என்றார்

 

இந்த படத்தில் முகம் மறைக்கப்பட்டவர்தான் என்னுடன் வேலை பார்த்தவரும் அவரது இரண்டாம் மனைவியும் நான் பதிவில் சொன்ன &சென்ற பிறந்தநாள் விழா

அதற்கு மேல் வேறு என்ன பேசுவது என்று தெரியாமல் வாயடைத்துப் போனோம்..

காலச்சாரம் எப்படி இருந்தாலும் மனிதர்கள் ஒருவரை ஒருவர் மதிக்காமலிருந்தால் அது எவ்வளவு பழமையான கலாச்சாரமாக இருந்தாலும் அதில் பெருமைப் பட எண்ண இருக்கிறது

உங்களுக்கு டைம் இருந்தால் நீயூயார்க் டைம்ஸில் வந்துள்ள இந்த பதிவையும் படியுங்கள்

After Divorce, Giving Our Kids Custody of the Home

அன்புடன்
மதுரைத்தமிழன்