ஊரடங்கின் போது அடங்காதது ஏழைகளின் பசிக் கொடுமைதான்

 ஊரடங்கின் போது அடங்காதது ஏழைகளின் பசிக் கொடுமைதான்
 

நோயைக் கட்டுக்குள் கொண்டு வர வேண்டுமென்றால் ஊரடங்கு அவசியம்தான்..மேலை நாடுகளில் ஊரடங்கு அறிவித்தாலும் மக்களுக்குத் தேவையான பணத்தை ஒரு அளவிற்காவது கொடுத்து ஏழைகளின் வயிற்றைக் காப்பாற்றியது அதுமட்டுமல்ல பல நிறுவனங்களும் தங்கள் ஊழிக் வேலையில்லா நாட்களிலும் மனமுவந்து தங்களின் பங்கைக் கொடுத்தது அதனால் என்னவோ அந்த நாடுகளில் ஊரடங்கு பலனைக் கொடுத்து இருக்கிறது.

ஆனால் இந்தியாவில் ஊரடங்கு என்பது கேலிக்குரியதாக இருக்கிறது. அத்தியாவசத் தேவைக்கு மட்டும் வெளியே வாருங்கள் என்றால் மக்களுக்கு எது அத்தியாவசம் என்பது தெரியவில்லை அதனால்தான் பைக் எடுத்துக் கார் எடுத்தும் ஊரைச் சுற்றுகிறார்கள்.ஆனால் ஏழைகளுக்கோ அத்தியாவசத் தேவைகள் பல இருந்து அவர்கள் வெளியே வருவதில்லை காரணம் அதற்குத் தேவையான தினக் கூலிகள் அவர்களுக்குக் கிடைத்தால்தானே அதைப் பூர்த்திச் செய்ய முடியும்...

 
 

கொரோனா லாக்டவுன் காலத்தில் பெண்கள் என்ன செய்யலாம் ஆண்கள் என்ன செய்யக் கூடாது?  

பணம் இருப்பவர்களோ ஊரடங்கு சமயத்தில் வீட்டிற்குள் உட்காராமல் பல இடங்களுக்குச் செல்வதால் பலருக்கு கொரோவை பரப்புவதுமட்டுமல்ல தன் குடும்பத்தினருக்கும் பரப்புகின்றனர். அதன் பின் உயிர் காக்கும் மருந்து வாங்க ஆயிரக்கணக்கில் பணத்தோட அலைகிறார்கள். அதே சமயத்தில் பணம் இல்லாமல் தங்கள் உயிரைக் காக்க முடியாமல் பலர் துடிக்கின்றனர்.இப்போது இரண்டாயிரம் ரூபாயைத் தருகிறது அரசு என்றவுடன் கூட்டம் வரிசையில் நிற்கிறது.

ஒரிருநாள் ஊரடங்கு தளர்வு என்பது அத்தியவச பொருட்கள் வாங்கத்தான் என்பதைப் புரிந்து கொள்ளாமல் பட்டுச் சேலை நகைகள் வாங்கத்தான் எனப் புரிந்து கொண்டால் பிரச்சினை அரசிடம் இல்லையே. அரசைக் குற்றம் சொல்ல உங்களுக்குக் கொஞ்சம் கூடத் தகுதியே இல்லை ஏன் உங்களுக்குத் தேசத்தின் மீது அக்கறையே இல்லை எனலாம். உங்களைப் போல உள்ளவர்கள் இருக்கிற போது மோடி போன்ற தலைவர்களை/அரசை நாம் குற்றம் சொல்ல நமக்கு அதிகாரம் இல்லை உரிமைகளும் இல்லைதான்

சமூகப் பொறுப்பு என்பது ஒவ்வொரு தனி மனிதரிலிருந்தும் தொடங்குகிறது அதைப் புரிந்து கொள்ளாத நீங்கள் மனித ஜென்மங்களே அல்ல

 

ஊரடங்கு சமயத்தில் தங்கள் அதைச் சமைத்தோம் இதைச் சமைத்தோம் என்று சமுக இணையத் தளங்களில் ஸ்டேடஸ் போடுபவர்களில் ஒருவராவது வீட்டின் அருகே கஷ்டப்படுவார்களில் ஒரு குடும்பத்திற்காவது ஒரு வேளை உணவை வாங்கித் தந்தோம் சமைத்துத் தந்தோம் என்று ஸ்டேடஸ் போடுவதை இதுவரை நான் பார்த்ததில்லை. ஏன் உங்கள் நண்பர்களில் பலர் வேலை இழந்து இருக்கலாம் அவர்களுக்கு ஆயிரக்கணக்கில் உங்களால் கொடுத்து உதவமுடியாது என்றாலும் சில நாட்களுக்காவது அவர்களின் உணவு தேவைகளுக்கு உரியதை வாங்கித் தரலாமே. பல சமுகத் தொண்டர்கள் தொண்டார்வா இயகங்கள் ஆங்காங்கே தங்களால் முடிந்ததைச் செய்து கொண்டுதான் இருக்கிறார்கள் அவர்களும் ஏழைகள் இருக்கும் இடங்களுக்குச் சென்று உணவு பொட்டலங்களைத் தருகிறார்கள் ஆனால் பல மிடில் க்ளாஸ் மக்கள் வேலை இழந்து அடுத்தவர்களிடையே கேட்டு வாங்க முடியாமல் பட்டினியால் எத்தனை எத்தனை மக்கள் இருக்கிறார்கள் தெரியுமா ஏன் அப்படிப்பட்டவர்களில் உங்கள் நண்பர்களின் குடும்பங்களும் இருக்கக் கூடும்


நீங்கள் பட்டினி கிடக்கும் போது உங்கள் நண்பர் வகை வகையாகச் சமைத்து ஸ்டேடஸ் போடுவதைப் பார்க்கும் போது உங்கள் மனதில் என்ன தோன்றும் என்பதைச் சில நிமிடங்கள் யோசித்துத்தான் பாருங்களேன். வகை வகையான சாப்பாடு சாப்பிடுவதை விட வயிற்றுப் பசி போக உணவு உண்டு மற்றவர்களுக்குக் கொடுத்து உதவலாமே


மக்களுக்குத் தேவையான பொறுப்புணர்ச்சிதான் தேவையே தவிர ஏழையைப் பட்டினி போடும் ஊரடங்கு தேவையில்லை

அன்புடன்
மதுரைத்தமிழன்