மதுரைத்தமிழன் வீட்டில் நகைச்சுவை பொங்கல்

மதுரைத்தமிழன் வீட்டில் நகைச்சுவை பொங்கல்

மனைவி : என்னங்க இன்னைக்கு பொங்கல்

மதுரைத்தமிழன். : நீதான் தினமும் பொங்குறியே அதனால நம்ம வீட்டுல தினமும் பொங்கல்தானே

மனைவி : என்ன சொன்னீங்க

மதுரைத்தமிழன். : இல்லம்மா உன்னை தினமும் பார்க்கும் போது என் மனசு பொங்கலைப் போல பொங்குகிறது என்று சொன்னேன் அம்மா

மனைவி : அதுதானே..

மதுரைத்தமிழன். : பொங்கலுக்கு என்னம்மா. நம்ம ...சாரி நான் என்ன பண்ணனும்?

மனைவி : நீங்க பொங்கல் எல்லாம் பண்ண வேண்டாம். நம்ம பக்கத்துவீட்டுல உள்ளவங்க எல்லாம் பொங்கல் பண்ணி நமக்கு கொடுப்பாங்க. அப்ப நீங்க என்ன பண்ணுறீங்கன்னா எதிர்த்த வீட்டுல தரதை பக்கத்துவீட்டுலேயும் பக்கத்து தரதை அடுத்த வீட்டிற்கும் இப்படி ஒவ்வொரு வீட்டில் இருந்து வரதை மாற்றி மாற்றி நாம பண்ணியதுன்னு சொல்லிக் கொடுத்திடுங்க...(மதுரைத்தமிழன் :மைண்ட் வாய்ஸ் நல்ல வேளை நம்ம பக்கத்துவீட்டுல அதிரா இல்லை...ஒருவேளை அவங்க இருந்திருந்து அவங்க நமக்கு பொங்கலை கொடுத்து அதை மற்ற வீட்டில் கொடுக்கும் போது என்ன சொல்லி கொடுப்பது என்று குழப்பமே வந்திருக்கும்... ஹும்ம்ம்தப்பிச்சேண்டா)

மதுரைத்தமிழன். அப்ப நமக்கு பொங்கல் நீ பண்ணப் போறியா?

மனைவி : பொங்கல் மிகவும் ஸ்விட் அதெல்லாம் நமக்கு கொஞ்சம் கூட வேண்டாம்

மதுரைத்தமிழன். என்னடி ஒரு நல்ல நாளு அதுவுமா இப்படி பண்ணுற

மனைவி : இங்க பாருங்க இன்று நல்ல நாள் என்பதால்தான் நான் பொங்காமா உங்க கேள்விக்கு பொறுமையா பதில் சொல்லிக்கிட்டு இருக்கேன்.. இதுக்கு மேலே ஏதாவது பேசி என்னைப் பொங்க வைச்சிருராதீங்க..

மதுரைத்தமிழன். ............................................................... ( வாயை முடிக் கொண்டு மனதில் ஏதோ பேசியதால் அவர் என்ன பேசினார் என்பது தெரியவில்லை

அன்புடன்

மதுரைத்தமிழன்