பெண்கள் இப்படியெல்லாம்வா கேள்வி கேட்பார்கள்?

பெண்கள் இப்படியெல்லாம்வா கேள்வி கேட்பார்கள்?

மதுரைத்தமிழனிடம் கேள்வி மேல் கேள்வி கேட்கும் பதிவுலக பெண்களும் அதற்கு மதுரைத்தமிழனின் பதில்களும்

எத்தனை நாள்தான் பீப் ,அறிவிருக்கா, த்தூ என்று பதிவு எழுதிக் கொண்டே இருப்பது அதனால என்னை நானே கலாய்த்துக் கொள்ளவே இந்த பதிவு. இதை படித்துவிட்டு சிரிக்கலாம் அல்லது இளையராஜா கேட்ட மாதிரி உனக்கு அறிவிருக்கா என கேட்கலாம் அல்லது விஜயகாந்த் மாதிரி த்தூன்னு துப்பலாம்.

கிரேஸ் : மதுரைத்தமிழன் உங்களுக்கும் உங்கள் மனைவிக்கும் சண்டை வந்து பேசாமல் இருக்கும் போது நீங்கள் முதலில் சென்று பேசுவீர்களா?

அப்படி பேசாமல் இருப்பது இறைவன் கொடுத்த வரம் அதனால் முடிந்த வரை நான் அந்த வரத்தை உடைத்து கொண்டு பேசுவதில்லை. அதிர்ஷ்டத்தை கெடுக்க நான் விரும்புவதில்லை.

மைதிலி : மதுரைத்தமிழன் உங்கள் மனைவி சமையலில் உங்களுக்கு பிடித்த உணவு எது?

சமைச்சால்தானே சாப்பிட்டுவிட்டு டேஸ்ட் எப்படி இருக்குதுன்னு சொல்ல முடியும்  எந்த உணவு பிடிச்சிருக்கும் என்று சொல்ல முடியும்

ராஜி : காதல் கல்யாணம் நல்லதா அல்லது பெற்றோர்கள் பார்த்து செய்யும் திருமணம் நல்லதா?

கிணத்தில் விழுந்து சாவது என்று முடிவு எடுத்தபின்  பட்டு சேலைகட்டிகிட்டு விழுந்தால் என்ன கோட்டுச்சூட்டு போட்டுகிட்டுவிழுந்தால் என்ன

தென்றல் சசி :உங்கள் மனைவியின் சேலையை துவைத்து மடித்து வைப்பது நீங்கள்தான் என்று சொல்லுகிறார்களே அது உண்மையா?

நாட்டில் என்னைப் பற்றி புரளியை யாரோ கிளப்பிவிட்டிருக்காங்க..உண்மையை சொல்லனும் என்றால் என் மனைவி சேலை கட்டியதை பார்த்தே பல்லாண்டுகளுக்கு மேல் ஆகிவிட்டதுங்க.

உஷா அன்பரசு : ஒரு பொண்ணுகிட்ட நீங்கள் பேசிக் கொண்டிருப்பதை உங்கள் மனைவி பார்த்துவிட்டால் என்ன நினைப்பார்கள்?

ஒரு லூசுக்கிட்ட இன்னொரு லூசு பேசிகிட்டு இருக்குதுன்னுதான் நினைப்பாங்க

கீதா : உங்கம்மாவும் உங்கள் மனைவியும் சேர்ந்து இருந்தால் சண்டை வருமா?

நான்  வரும் என்கிறேன் என் மனைவியோ இல்லை என்கிறார். சரி நீ போய் என் அம்மாகூட சிறிது நாள் இருந்து பார் என்று சொல்ல ஆசைதான் அப்படி நான் சொன்னேன் என்றால் என் அம்மாவிடம் என்னை அனுப்பி வைத்துவிடுவாள்.( அம்மா மேலே போய் பல்லாண்டுகள் ஆகிவிட்டன)

ஆச்சி ஆச்சி :தமிழ்நாட்டில் பிறந்து வளர்ந்த நீங்கள் மேலை நாட்டில் செட்டில் ஆகிவிட்டீர்களே உங்களுக்கு நம் நாட்டிற்கு ஏதும் நல்லது செய்யும் ஐடியா ஏதும் இருக்கிறதா?

நான் வெளிநாட்டில் இருப்பதே நம் நாட்டிற்கு செய்யும் நல்லதுதானே

அருணாசெல்வம் :காதலிக்கும் பெண்ணை கைவிடுவது தப்புதானே?

தப்புதான் அதனால் ஆண்களுக்கு நான் சொல்லிக் கொள்வது என்ன வென்றால் காதலித்த பெண்ணை கல்யாணம் பண்ணிக் கொண்டு அதன் பின் டைவோர்ஸ் பண்ணிக் கொள்ளுங்கள் அது தப்பில்லை..

சாகம்பரி  :உங்களுக்கு பிடிக்காதது எது உங்கள் மனைவிக்கு பிடிக்காதது எது?

எனக்குப் பொறுமையா உட்கார்ந்து டீவி சீரியல் பார்க்க பிடிக்காது அதுபோல என் மனைவிக்கு

சமைக்கிறது, துவைக்கிறது, வீட்டு வேலைகள்… இதெல்லாம் பிடிக்காது, அதனால் எனக்கு பிடிக்காததை அவளும் அவளுக்கு பிடிக்காத்தை நானும் செய்து கொள்வோம்

மகேஸ்வரி பாலச்சந்திரன் :உங்களின் நெருங்கிய நண்பர்கள் உங்களின் ஜோடிப்பொருத்தம் சூப்பர்னு சொல்லுறாங்களே  உண்மையா?

உண்மைதாங்க...... என் மனைவி எப்பொழுதும் அடிக்க, நான்  பதில் பேசாமல் அடிவாங்குகிறேன் அதை வைச்சுதான் அவங்க சரியான பொருத்தம் என சொல்லி இருப்பாங்க

மதுரைத்தமிழனின் நகைச்சுவைகேள்வி பதில்கள் 2013 ல் வந்தது படிக்காதவர்கள் படிக்க

பெண்பதிவர் ராஜி கேட்ட கேள்விகள்  இந்த பதிவு ஒரு தொடர் பதிவாக வந்து எல்லா பதிவர்களையும் எழுத வைத்தது

அழகா ஆரோக்கியமா பெண்பதிவர்களின் கேள்விகளுக்கு மதுரை தமிழனின் அதிரடி பதில்கள்

அன்புடன்

மதுரைத்தமிழன்