என்ன பிறவியோ இந்த அம்மா? இப்படி ஒரு பிறவியை நான் பார்த்ததே இல்லை

ராணுவதளபதி போல செயல்பட்டார் ஜெயலலிதா என்று செய்தி தெரிவிப்பதன் மூலம் இந்திய ராணுவ தளபதிகளை கேவலப்படுத்தியுள்ளது தினமலர்

என்ன பிறவியோ இந்த அம்மா? இப்படி ஒரு பிறவியை நான் பார்த்ததே இல்லை

தலைவராக அல்லது தலைவியாக  இருக்க பவர் மற்றும் அதிகாரம் இருந்தால் போதும் ஆனால் கிரேட் தலைவராக வர மனிதாபிமானட்துடன் கூடிய செயல் திறன் இருக்க வேண்டும். அந்த செயல் திறன் ஜெயலலிதாவிடம் இருக்குமா என்று பார்த்தால் இல்லை என்று தான் சொல்ல தோன்றுகிறது.அப்படி ஒரு திறன் இருந்தால் சென்னை வெள்ளக்காடாக ஆகிய நேரத்தில் மக்களிடம் வந்து நான் உங்களுக்கு துணை இருக்கிறேன் எதற்கும் கவலைப்பட வேண்டாம் என்ற ஆறுதல் அளிக்க கூடிய வார்த்தைகள் வந்து இருக்கும்.

தமிழக மக்கள் ஒன்றும் உங்களை கழுத்தளவு தண்ணிர் உள்ள பகுதிகளில் களம் இறங்கி நாலு பேருக்கு சோற்று பொட்டலங்களை வழங்க ஏன் வரவில்லை என்று கேட்கவில்லை. ஆனால் பாதிக்கப்பட்ட இடம் அருகே வந்து, மக்களே நீங்கள் எதற்கும் அஞ்ச வேண்டாம். என் ஆணையின்படி அரசு எந்திரங்கள் முழுவீச்சில் பயனடுத்தப்பட்டு உங்களுக்கு உரிய பாதுகாப்பை தரும். அப்படி நடவடிக்கைகள் ஒழுங்காக தொடர்ந்து நடை பெறுகிறதா என்று நான் கண்காணிப்பேன் என்று உறுதி அளித்திருக்கலாம் அல்லது  குறைந்தபட்சம் தொலைக்காட்சியிலாவது தோன்றி மக்களுக்கு  ஆதரவை தெரிவித்து ஆறுதலும் தேறுதலும் கொடுத்து இருக்க வேண்டும்.

தேர்தல் நேரத்தில் மட்டும் வேனிற்குள் உட்கார்ந்து ஊரெல்லாம் சுற்றி கையெடுத்து கும்பிட்டு வெட்கம் இல்லாமல் வோட்டு கேட்க மட்டும் உடல் நலம் இடம் கொடுக்கிறதே அதே உடம்பு ஆட்சியில் அமர்ந்த பின் வேனில் உட்கார்ந்து பாதிக்கப்பட்ட இடங்களுக்கு செல்ல மட்டும் மனது இடம் கொடுக்க விரும்பாதது ஏன் என்று சொல்ல முடியுமா உங்களால்?

ஊர் உலகத்தில் உள்ள மக்கள் எல்லாம் உங்களை அம்மா என்று அழைக்க வேண்டும் என்று  ஆசைப்படுகிறிர்களே? அப்படி ஆசைப்பட்டால் மட்டும் போதுமா என்ன? அம்மாவாக இருந்து மக்களை காக்க மட்டும் மனம் இல்லையா?

பாலிமர் டிவியில் ஒளிபரப்பான காட்சி: பார்த்ததும் மனது கொதித்தது

சென்னை அண்ணா நகரில், பெங்களூரில் இருந்து வந்து நிவாரணப்பணிகள் செய்து, உணவு சமைத்துக்கொண்டிருந்த ஒரு  தன்னார்வ குழுவை 102ஆவது வட்ட செயலாளரான கோ.தமிழ்ச்செல்வன் என்ற ரவுடி தனது குண்டர்படையுடன் வந்து தாக்குகின்றான்; நான் சொல்கின்ற இடத்துக்கு சாப்பாடு அனுப்பு என அடிக்கின்றான்.

பேஸ்புக்கில் ஒரு அதிமுக கவுன்சிலரின் ஆட்கள் ஒரு தன்னார்வ குழுவை மிரட்டி கொண்டிருக்கிறார்.

மேலும் பல இடங்களில் அதிமுகவினர் அட்டகாசம் செய்து கொண்டிருக்கின்றனர் இப்படி அதிமுக செய்யும் அட்டகாசங்களை பற்றி இந்த அம்மாவிற்கு ஒன்றும் தெரியவில்லையா என்ன? ஆமாம் என்றால் இந்த அம்மா ஆட்சி செய்தால்தான் என்ன செய்யாவிட்டால்தான் என்ன?

தன் தலையில் தானே மண்னை அள்ளிப் போடும் செயலை இந்த அம்மா செய்து கொண்டிருக்கிறார்கள்.

தமிழக மக்களே வரும் தேர்தலிலும் இந்த அம்மாவை போல நீங்களும் உங்கள் தலையில் நீங்கலே மண்ணை அள்ளிப்போட்டுக் கொள்ளாமல் கொஞ்சம் புத்திசாலிதனமாக செயல்பட்டு ஒரு புதிய தலைவரை தேர்ந்தெடுங்கள்

என் மனதில் பட்டதை சொல்லிவிட்டேன். அதன் பின்  உங்கள் பாடு உங்கள் அம்மா பாடு

அன்புடன்

மதுரைத்தமிழன்

டிஸ்கி : 'மாண்புமிகு' என்று  அமைச்சர்கள் சொல்லும் போதெல்லாம் என் காதில் 'மானங்கெட்ட' என்ற கூறுவது போல இருக்கிறது, இது எனக்கு மட்டும்தானா இல்லை இதைபடிக்கும் உங்களுக்கும் இப்படிதான் கேட்கிறதா?