அமெரிக்கனிடம் இப்படியா கேள்வி கேட்பார்கள் இந்த தமிழர்கள்?

அமெரிக்கனிடம் இப்படியா கேள்வி கேட்பார்கள் இந்த தமிழர்கள்?

எனது முந்தைய பதிவு ஒன்று, "அமெரிக்கா Vs இந்தியா கேள்வி பதில்கள்"  வாசித்து விட்டு,  அதன் தொடர்ச்சியாக, மேலும் சில கேள்விகள் எங்களிடம் உள்ளது கேட்கலாமா என்று கேட்டு இமெயில் அனுப்பி இருந்தனர் (கற்பனை )

ஆஹா  இது நேயர் விருப்பமாச்சே ...... ம்ம்ம்..... சூப்பரு என்று நானும், கேள்விகளை அனுப்புங்க ....என்னால் முடிந்த அளவு பதில்தருகிறேன் என்று ஒரு சேவை மனப்பான்மையுடன்  ரெடியாகினேன்......   சந்தோஷமாக,  கேள்விகள் வந்து குவிந்தன.... அதில்,  மொத்தம்  பத்து கேள்விகள் எடுத்துக்கிட்டு, பதில் ரெடி பண்ண ஆரம்பிச்சேன்.....இதோ அந்த பதில்கள்....
 
முதல் கேள்வியை கேட்பவர்  தோழி ஜோஸபின்  அவர்கள்  (ஜோஸபின் கதைக்கிறேன்.)

மதுரைத்தமிழா நீங்க இருக்கிற அமெரிக்காவில் சமையலுக்கு ஆள் கிடைக்குமா''
மதுரைதமிழன் : ''ஆள் எல்லாம் கிடைக்காதுங்க! காய்கறிதான் கிடைக்கும்!  மேடம் இந்த கேள்வியை ஆப்பிரிக்காவில் இருப்பவர்களிடம் கேளுங்க

இரண்டாவது கேள்வியை கேட்பவர்  சகோதரி ராஜி அவர்கள் (காணாமல் போன கனவுகள்)

மதுரைத்தமிழா உங்க  பதிவுகளை வாசிக்கும் உங்கள் மனைவி   உங்கள் பதிவை பற்றி என்ன நினைக்கறாங்க?
அ. அடாடா  இன்னும் இவருக்கு புலிட்ஸர் அவார்டு கிடைக்கலியே என்றா? ஆ. வெட்டியா பொழுத கழிக்காம வேற வேலையப் பாருய்யா என்றா?

மதுரைதமிழன் :ஹீ..ஹீ  அவங்க என் பதிவெல்லாம் படித்துவிட்டு ஆஆஆஆஆஆ என்று அசந்து போவார்கள்

மூன்றாவது கேள்வியை கேட்பவர்  தன சேகரன்.எஸ் அவர்கள்   (சேகர் தமிழ்)

மதுரைத்தமிழா நினைச்சது கிடைக்கலன்னா கிடச்சதை நினைக்கலாம்ங்கறது சரி என்று சொல்லுறாங்களே அது சரியா?.
மதுரைதமிழன் "அதுக்காக பஸ்ஸ்டாண்ட்ல நினைச்ச ஊருக்கு பஸ் கிடைக்கலன்னா கிடச்ச ஊருக்கு ஏறிப் போக முடியுமா

நான்காவது கேள்வியை கேட்பவர்  வா.கோவிந்தராஜ்  அவர்கள்  (தமிழன்)

மதுரைத்தமிழா :முயற்சி பண்ணா நடக்கும்ங்கறது உண்மைதானா?
மதுரைதமிழன் :அதுக்காக என்ன முயற்சி பண்ணாலும் பாம்ப நடக்க வைக்க முடியுமா. அட போங்கப்பா

ஐந்தாவது கேள்வியை கேட்பவர்  ஸ்ரவாணி  அவர்கள்  (தமிழ் கவிதைகள் தங்கச்சுரங்கம்)
மதுரைதமிழா பட்டுபுடவைகளை நீண்ட நாள் பாதுகாப்பாக வைக்க ஒரு ஐடியா சொல்லுங்களேன்.
மதுரைதமிழன் : உங்க வீட்டுல உள்ள ப்ரிட்ஜ்ல வைங்க அது கெடமா நீண்ட நாள் இருக்கும்

ஆறாவது கேள்வியை கேட்பவர்  "பெயர் சொல்ல விருப்பம் இல்லாதவர்" 

மதுரைத்தமிழா முகத்துல  விழும் சுருக்கம் நீங்க ஒரு ஐடியா சொல்லுங்களேன்?
மதுரைதமிழன் அது ரொம்ப எளிதுங்க  முகத்துல அயன் பாக்ஸ் வெச்சு தேய்ச்சு பாருங்க எல்லாம் சரியாக போயிடும்

ஏழாவது  கேள்வியை கேட்பவர்  முகுந்தம்மா அவர்கள்  (முகுந்த்அம்மா )
மதுரைத்தமிழா தேள் திரவப்பொருளா? திடப்பொருளா?
மதுரைதமிழன் கொட்டுவது எல்லாம்  திரவப்பொருள்தானே

எட்டாவது  கேள்வியை கேட்பவர்  சசிகலா அவர்கள் (தென்றல்)

மதுரைத்தமிழா  உங்க பையனை வீட்டுலே பார்க்க முடியவில்லையே எங்க போயிட்டான்?
என் பையனும்  கரண்ட்டும் ஒண்ணுதான் ... இரண்டுமே வீட்டுல இருக்கறதில்லை..!

ஓன்பதாவது கேள்வியை கேட்பவர்  ரமணி  அவர்கள்  (தீதும் நன்றும் பிறர் தர வாரா...)
மதுரைதமிழா:உங்க சொந்த ஊர் எது ?
மதுரைதமிழன் :அந்த அளவுக்கு நமக்கு வசதி இல்லீங்க

பத்தாவது  கேள்வியை கேட்பவர்  ஆமினா  அவர்கள்  (குட்டி சுவர்க்கம்)
மதுரைதமிழா :உங்க வீட்டுல மாமியார் மருமகள் சண்டை நடந்தா நீங்க எந்த பக்கம்?
மதுரைதமிழன் : பயங்கர ஆயுதங்களோட யார் இருக்காங்களோ அவங்க பக்கம்.

படிக்காதவர்கள் படிக்க

அமெரிக்க பெண்ணை தமிழ் இளைஞன் சந்தோஷப்படுத்துவது எப்படி?