இந்தியா வல்லரசு நாடாக ஆக மோடி மீண்டும் பிரதமராக வேண்டும்

இந்தியா வல்லரசு நாடாக ஆக மோடி மீண்டும் பிரதமராக வேண்டும்


விசு: என்னய்யா மதுரைத்தமிழா உனக்கு லூசு ஏதும் பிடித்து இருக்கிறதா? நல்லாதானே இருந்தே இப்ப ஏன்?

மதுர : விசு எனக்கு இந்தியா வல்லரசாக வேண்டும் என்று ஒரு ஆசை உண்டு. அது மோடி நினைச்சால் மட்டும்தான் முடியும் என்று எனக்கு தெரிந்துவிட்டது..


விசு: யோவ் மதுர நீ எப்பவும் மோடிக்கு எதிராக பதிவு போடுவ ஆனால் இன்று என்ன ஆச்சு?மதுர : நான் எப்பவும் மோடிக்கு எதிராக பதிவுகள் போட்டது இல்லை எப்பவுமே மோடி பேசுவதையும் செய்வதையும் அப்படியே பதிவாக எழுதுகிறேன் ஆனால் அதை எல்லோரும் மோடி எதிர்ப்பு பதிவாக கருதுகிறார்கள். ஆனால் மோடி சொல்லாததையும் செய்யாததையும் இந்த பக்தாள்ஸ் போடுறான் அதை ஆதரவு பதிவு என்று சொல்லுகிறார்கள். இப்ப சொல்லுங்க மோடியின் நண்பன் நானா இல்லை அந்த பக்தாள்ஸா?

விசு : ஆமாம் நீ சரியாகத்தான் சொல்லுற....... ஆனால் இப்ப இந்தியா வல்லரசு நாடாக ஆக மோடி மீண்டும் பிரதமாராக வேண்டும் என்று சொல்லுறே அதை கேட்கும் போதுதான் உன் புத்தி மேலே எனக்கு சந்தேகம் வருது... வெயிலால் உனக்கு மூளை பாதிப்பு ஏற்பட்டு இருக்கிறதா என்று எனக்கு ஒரு சந்தேகம்.


மதுர: விசு  எனக்கு மூளை ஒன்றும் குழம்பி போகல..... மோடியின் செயல்பாடுகளையும் உலக வரலாற்றையும் கடந்த சில தினங்களாக ஆராய்ச்சி செய்துபடித்து பார்த்தேன். அதன் பின் அந்த ஆராய்ச்சியின் முடிவில்தான் மோடியால் மட்டும்தான் இந்தியாவை வல்லரசாக்க முடியும் என்று அறிந்து கொண்டேன்..

விசு:  அவனவன் மோடி பெயரை சொன்னாலே காறித்துப்றான் நீ என்னன்னா அவரால்தான் முடியும் என்று உளருகிறாய்? ஆமாம் உன் ஆராய்ச்சி பற்றி முடிவை பற்றி கொஞ்சம் விபரமாக சொல்லேன்.

மதுர: விசு..... உலக வரலாற்றை ஆராய்ந்து பார்த்த நான் அதில்  எப்படி  பல நாடுகள் மிக வேகமாக வளர்ச்சி அடைந்தது என்று பார்த்த  போது  பல நாடுகள் அழிவிற்கு பின்னால்தான் மிக வேகமாக வளர்ச்சி அடைந்தன. என்று  தெளிவாக புரிந்தது.   இப்ப நம்ம மோடியின் செயல்பாடுகளை பார்க்கும் போது அவர் இந்தியாவை அழிவுபாதைக்கு அழைத்து  சென்று கொண்டு இருக்கிறார். ஆனால் அவரால் இந்த ஐந்து ஆண்டுளில் அவ்வளவாக் அழிக்க முடியவில்லை அதனால் அவருக்கு இன்னொரு வாய்ப்பு கொடுத்தால் நிச்சயம்  இந்தியாவை அழித்துவிடுவார். அதன் பின் தன்னாலே இந்தியா வளர்ச்சி பெற்று ஜப்பான் போன்ற நாடுகளைப் போல மிக  வல்லராசக ஆகிவிடும். அதைவிட்டுவிட்டு வேறு யாரையாவது பிரதமாரக்கினால் அவர்கள் அழிவுப்பாதையில் இருந்து நல்ல பாதைக்கு கொண்டு சென்றுவிடுவார்கள் அதன் பின் நாம் விரைவாக வல்லரசாக முடியாது.

இப்ப புரியுதா நான் ஏன்  இந்தியா வல்லரசு நாடாக ஆக மோடி மீண்டும் பிரதமாராக வேண்டும் என்று கூறுகிறேன் என்று...

விசு இன்னும் தாமதம் செய்ய வேண்டாம் நான் இங்கு சொன்னதை பலரிடம் எடுத்து சொல்லுங்கள் இந்தியா வல்லரசாக உதவுங்கள்..

மோடிக்கு ஜே  பாரத மாதாகி ஜே... ஜெய்ஹிந்த்.........


அன்புடன்
மதுரைத்தமிழன்