2015 பட்ஜெட் பற்றி எளிதாக புரிந்து கொள்ள உதவும் கேள்வி பதில்கள்

 இந்திய பட்ஜெட் பற்றிய பொதுமக்களின் கேள்விகளுக்கு மதுரைத்தமிழனின் பதில்

பொதுமக்கள் :ஐயா பட்ஜெட் என்றால் என்ன?

மதுரைத்தமிழன் : அராசாங்கம்  வரிகள் விதிப்பதன் மூலம் பொதுமக்களிடம் இருந்து பல வகைகளில் பணத்த பெற்று அதை பொதுமக்களின் நலத்திற்கும் வளர்ச்ச்சிக்கும் செலவிட்டு அவர்களை வளர்ச்சி அடையச் செய்து அதன் மூலம் நாட்டை முன்னேற்ற பாதையில் எடுத்து செல்வதற்காக போடப் படும் திட்டம்தான் பட்ஜெட் ஆகும்.இது கொள்கை அளவில் மட்டும்தான் செயல்படுகிறது ஆனால் நிஜ வாழ்க்கையில் நடப்பதென்னவோ பொதுமக்களிடம் இருந்து பல வகைகளில் வரி மூலம் பணத்தை அரசாங்கம் பெற்று அதை தங்களுக்கு வேண்டிய சாதகமான முறையில் போடப்படும் திட்டம்தான் பட்ஜெட்

பொதுமக்கள் :மத்திய அரசாங்க போட்ட பட்ஜெட் பற்றி?

மதுரைத்தமிழன் :ஆகா அது மிக சிறந்த பட்ஜெட் இந்த பட்ஜெட் மூலம் இராமரை போல வாழலாம் அதாவது எல்லோரும் அமோசான் காட்டிற்கு சென்று வாழ வழி செய்யப்பட்டு இருக்கிறது

பொதுமக்கள் :இந்த பட்ஜெட் பொதுமக்களின் நலத்திற்கும் வளர்ச்சிக்கும் பலன் அளிக்கும் பட்ஜெட்டா?

மதுரைத்தமிழன் :மோடியின் நண்பர்களும், தொழில் அதிபர்களும், அரசியல்தலைவர்கள் மட்டும்தான் பொதுமக்கள் என்றால் ஆமாம் இது இந்திய மக்களின் வளர்ச்சிக்கு போட்ட திட்டம்தான் இது

பொதுமக்கள் :மோடி அரசு  போட்ட பட்ஜெட் பணக்கார்களை மேலும் பணக்காரகளாகவும், ஏழைகள் மேலும் ஏழைககளாகவும் ஆகிறார்கள் என்கிறார்கள் ஆனால் யாரும் மிடில் கிளாஸைப் பற்றிப்  பேசுவதில்லையே?

மதுரைத்தமிழன் : மோடி அரசு போட்ட பட்ஜெட் மூலம் Rich get Richer, the Poor gets Poorer, and the Middle Class gets the Middle Finger இதனால்தான் யாரும் மிடில் க்ளாஸ் பற்றி யாரும் ஏதுவும் பேசுவதில்லை.

பொதுமக்கள் :இந்த பட்ஜெட் மூலம் பொதுமக்களுக்கு ஏதாவது மிகவும் சீப்பாக கிடைக்குமா?

மதுரைத்தமிழன் :ஓ, மோடியின் அறிவுரைகள் மட்டும் மிக மிக சீப்பாக பொதுமக்களுக்கு கிடைக்கும்படி செய்து இருக்கின்றனர்.

பொதுமக்கள் :பொதுவாக ஆண்கள் அரசாங்கம் போடும் பட்ஜெட்பற்றி அதிகம் கவலைப்பட்டு விமர்சிக்கிறார்கள் ஆனால் பெண்கள் அதுபற்றி அதிகம் விமர்சிப்பதில்லையே அது ஏன்?

மதுரைத்தமிழன் :பெண்களுக்கு பட்ஜெட் பற்றி கவலை இல்லை காரணம் அவர்களுக்கு அப்பா, சகோதரன், காதலன்,கணவன்,மகன் இருப்பதால்..இவர்கள் இருப்பதால் பெண்கள் போடும் வீட்டு பட்ஜெட்டில் துண்டு விழுந்தால் இந்த ஆண்களைதான் விமர்சிப்பார்களே தவிர நாட்டின் தலைவர்களை விமர்சிக்க மாட்டார்கள்

பொதுமக்கள் :பட்ஜெட் பற்றி பொதுமக்களுக்கு நீங்கள் சொல்லவிரும்புவதென்ன?

மதுரைத்தமிழன் :மக்களே(ஆண்களே)  மோடி போடும் பட்ஜெட் பற்றி பேசுவதால் எதுவும் மாறிவிடாது அதனால் நீங்க உங்க வீட்டு பட்ஜெட்பற்றி உங்க மனைவிக்கிட்ட கலந்து ஆலோசிங்க இல்லேன்னா உங்க வீட்டு அம்மாவிடம் இருந்து அர்ச்சனைமட்டுமல்ல பூரிக்கட்டை அடிகளும் கிடைக்கும்.

அன்புடன்

மதுரைத்தமிழன்