நம்பிக்கைத் துரோகமா? உளவு வேலையா? ஓபன்ஏஐ அலுவலகத்தில் அரங்கேறிய மர்மம்!
ஒரு நிமிடம் அந்த அறையைக் கற்பனை செய்து பாருங்கள்!
முக்கியமான கூட்டம் நடந்து கொண்டிருக்கிறது. அடுத்து என்ன மாதிரியான ஏஐ (AI) தயாரிப்பைக் கொண்டுவருவது, எந்த ரகசிய ஆராய்ச்சியை வெளியிடுவது என்று தீவிரமாகப் பேசிக் கொண்டு இருக்கிறார்கள். அறைக்குள் இருப்பவர்கள் யார் என்பது எல்லோருக்கும் தெரியும். ஆனால், அங்கே மறைந்திருந்து எல்லாவற்றையும் கேட்டுக் கொண்டிருந்த இன்னொரு ஒலிப்பதிவுச் சாதனம் பற்றி மட்டும் யாருக்கும் தெரியவில்லை. அந்த அறையில் யாருடைய கண்ணிலும் படாமல் மறைத்து வைக்கப்பட்டிருந்தது ஒரு சிறிய ஒலிப்பதிவுச் சாதனம். அது அங்கே எப்படி வந்தது? யாருடைய பேச்சைப் பதிவு செய்வதற்காக வைக்கப்பட்டது?
தொலைக் காட்சிக்குப் பின்னால் யாருடைய கண்ணிலும் படாதவாறு மறைத்து வைக்கப்பட்டிருந்த ஒரு சிறிய ஒலிப்பதிவுச் சாதனம் இருந்த இடம், நாம் தினமும் கேள்வி கேட்கும் சாட்ஜிபிடியை உருவாக்கிய ஓபன்ஏஐ (OpenAI) நிறுவனத்தின் சான் பிரான்சிஸ்கோ அலுவலகம்.
செப்டம்பர் 30 அன்று வழக்கமான பாதுகாப்புச் சோதனை நடந்தபோதுதான் அது அதிகாரிகளின் கண்ணில் பட்டிருக்கிறது. டிவியின் யுஎஸ்பி (USB) இணைப்பில் பொருத்தப்பட்டு, சுற்றிலும் கழிப்பறைக் காகிதத்தால் மறைக்கப்பட்டுருந்த அந்தச் சாதனத்திற்குள் இருந்த தகவல்களையும் உடனே திறந்து பார்த்துவிட முடியாது. அவை மிகக் கடினமாக 'என்க்ரிப்ட்' செய்யப்பட்டிருந்ததாக அமெரிக்க நீதித்துறை சொல்கிறது. அங்கே பேசப்படப்படும் விஷயத்தை தெரிந்த கொள்ள முயற்சிப்பவர்கள் யார் போட்டி நிறுவனங்களா அல்லது வேறு போட்டி நாடுகளா? யார் இதனை பெற முயற்சிக்கிறார்கள் என்பதில்தான் மர்ம ரகசியமே அடங்கி இருக்கிறது,
அது வெறும் ஒரு ரெக்கார்டர்தானே என்று சாதாரண மனிதர்களுக்குத் தோன்றலாம். ஆனால், அது இருந்த அறையில் என்ன பேசுவார்கள் என்று பார்த்தால்தான் பிரச்சனையின் தீவிரம் புரியும். வெளியே அறிவிக்கப்படாத ஆராய்ச்சிகள், புதிய தயாரிப்புகள், வணிகத் திட்டங்கள், அரசுத் துறை தொடர்புகள் இப்படிப்பட்ட அதீத ரகசியங்கள் விவாதிக்கப்படும் அறை அது.
அங்கே பேசப்பட்ட விஷயம் வேறொருவரின் காதுக்குப் போயிருந்தால் என்னவாகியிருக்கும்?
சாதனத்தைக் கைப்பற்றிய பிறகு, பாதுகாப்புக் குழுவினர் அந்த அறையில் ரகசியக் கண்காணிப்புக் கேமரா பொருத்தினார்கள். சில நாட்கள் கழித்து, அக்டோபர் 5 அன்று ஒருவர் மெல்ல உள்ளே வருகிறார். நேராகச் சென்று தொலைக்காட்சியின் பின்னால் எதையோ தேடுகிறார். இந்தக் காட்சிகள் அனைத்தும் கேமராவில் துல்லியமாகப் பதிவாகின.
அவர் வெளியிலிருந்து வந்த ஆள் இல்லை... அதே நிறுவனத்தில் பொறியாளராக வேலை பார்த்த 35 வயது அப்துல்ரஹ்மான் அல்போசான்! உண்மையிலேயே அந்தக் மீட்டிங்க் அறையைப் பயன்படுத்த அவருக்கு எந்த அனுமதியும் கிடையாது.
அன்றைக்கே இன்னொரு தடயமும் கிடைத்தது. வேறொரு அறையில் அவர் விட்டுச் சென்ற பையைச் சோதித்தபோது, அதேபோன்ற இன்னொரு பதிவுச் சாதனமும், கூடவே அவரது அடையாள அட்டையும் (ID Card) கிடைத்தது. அக்டோபர் 9 அன்று எஃப்பிஐ அவரைக் கைது செய்தது; ஓபன்ஏஐ நிறுவனமும் அவரை உடனடியாகப் பணிநீக்கம் செய்தது.
சரி, இந்த வழக்கில் செயற்கை நுண்ணறிவுக்கு என்ன வேலை அதில்தான் கதையின் அடுத்த திருப்பம்!
நிர்வாகிகள் எங்கே சந்திக்கிறார்கள், எந்த அறையில் கூட்டம் நடக்கிறது, வெளிநிறுவனப் பிரதிநிதிகள் எப்போது வருகிறார்கள் போன்ற தகவல்களை அறிய, பணியிடத்தில் பயன்படுத்தப்பட்ட செயற்கை நுண்ணறிவுக் கருவியையே அல்போசான் நாடியதாக விசாரணையாளர்கள் கூறுகிறார்கள். அதுமட்டுமில்லாமல், அவருடன் தொடர்புபடுத்தப்பட்ட மற்றொரு சாட்பாட் கணக்கில் *"ஒரு பதிவுச் சாதனத்தை எப்படி மறைத்து வைப்பது, தொலைவிலிருந்து அதை எப்படி அணுகுவது, பதிவுகளை எப்படித் தகர்ப்பது என்ற கேள்விகளும் இருந்ததாகக் கூறப்படுகிறது.
வேலை செய்ய உதவியாகக் கொடுக்கப்பட்ட கருவியையே, நிறுவனத்திற்குள் உளவு பார்க்கவும் பயன்படுத்த முடியுமா என்ற கேள்விதான் இப்போது டெக் உலகையே அதிர வைத்துள்ளது. ஆனால், தேடியதெல்லாம் நடந்துவிட்டது என்று முடிவெடுத்துவிட முடியாது. ஒரு விஷயத்தை எப்படிச் செய்வது என்று தேடியதையும், அதை உண்மையில் செய்து முடித்ததையும் விசாரணைதான் பிரித்துக் காட்ட வேண்டும்.
இதற்கிடையே சவுதி அரேபியா தொடர்பும் நீதிமன்றத்தில் விவாதத்திற்கு வந்தது. சவுதியைச் சேர்ந்த அல்போசான், அந்நாட்டு அரச குடும்ப உறுப்பினர் ஒருவருடன் தொடர்பில் இருந்ததாக அரசு வழக்கறிஞர்கள் தெரிவித்தார்கள். கைதுக்கு முன்பே குடும்பத்துடன் ரியாத்துக்குச் செல்ல ஒருவழிப் பயணத் திட்டம் இருந்ததாகவும் கூறினார்கள். அவரது வழக்கறிஞரோ, விசா மற்றும் குடும்பக் காரணங்களுக்காகவே பயணம் திட்டமிடப்பட்டதாக விளக்கினார்.
இங்கே நாம் அவசரப்பட்டு எந்த முடிவிற்கும் வரக் கூடாது. அரச குடும்ப உறுப்பினர் சொல்லித்தான் சாதனம் வைக்கப்பட்டது என்று வெளியான ஆவணங்கள் கூறவில்லை. நீதிமன்றமும் அவரை வெளிநாட்டு உளவாளி என்று தீர்ப்பளிக்கவில்லை. அவர் நாட்டைவிட்டுத் தப்பிச் செல்லக்கூடும் என்ற காரணத்தால்தான் அக்டோபர் 19 அன்று அவருக்குப் பிணை மறுக்கப்பட்டது.
நமக்கு அடுத்ததாகத் தோன்றுவது, நாம் சாட்ஜிபிடியில் கொடுத்த தகவல்களுக்கு ஏதாவது ஆபத்தா என்பதுதான்.
அதற்கு ஓபன்ஏஐ கொடுத்த விளக்கம் முக்கியமானது. வாடிக்கையாளர் தகவல்கள், மென்பொருள் மூலநிரல் (Source code), செயற்கை நுண்ணறிவு மாதிரிகளின் ரகசியங்கள் ஆகியவை முறைகேடாக அணுகப்பட்டதற்கான எந்த ஆதாரமும் இல்லை என்று நிறுவனம் தெளிவுபடுத்தியுள்ளது. எனவே, பயனர்களின் தகவல்கள் திருடப்பட்டுவிட்டதாக நினைத்துப் பயப்படத் தேவையில்லை.
இருந்தாலும் அந்தச் சிறிய சாதனத்தைச் சுற்றி இன்னும் சில பெரிய கேள்விகள் அப்படியே நிற்கின்றன... என்ன பதிவானது யாராவது அதைக் கேட்டார்களா தகவல்கள் வெளியே அனுப்பப்பட்டதா இதுவரை வெளியான தகவல்களில் இதற்கு முழுமையான பதில் இல்லை.
செயற்கை நுண்ணறிவு என்னென்ன வித்தைகளைச் செய்கிறது என்று நாம் வியந்து பேசிக்கொண்டிருக்கிறோம். ஆனால், அதை உருவாக்கும் நிறுவனங்களுக்குள்ளும் பாதுகாக்கப்பட வேண்டியது வெறும் தொழில்நுட்பம் மட்டுமல்ல; மனிதர்கள் மீது வைக்கப்படும் நம்பிக்கையும்தான்!
வெளியே இருப்பவரைத் தடுக்கக் கதவில் பூட்டு போட்டுவிடலாம். ஆனால், உள்ளே அடையாள அட்டையுடன் நடமாடும் ஒருவருக்கு எந்தக் கதவைத் திறந்துவிடுவது என்பதில்தான் மிகப்பெரிய சிக்கலே இருக்கிறது!
டிஸ்கி : இந்திய அரசின் பாதுக்காப்பு மீட்டிங்களில் அதுவும் நம்ம மோடிஜீ கலந்து கொள்ளும் கூட்டங்களில் இப்படி ஏதும் நடக்கவே நடக்காது. காரணம் அந்த மீட்டிங்கில் மோடியின் ஆக்ஷன் மட்டுமே இருக்குமே தவிர அவர் ஏதும் பேசமாட்டார். அதனால் மோடி கலந்து கொள்ளும் மீட்டிங்க பற்றிய வீடியோ க்ளிப் வெளிவந்தாலும் .அதில் ஆடியோ மெசேஜ் இருக்கவே இருக்காது காரனம் அவர் வாயைத்தான் அசைப்பாரே தவிர முக்கிய விஷயம் ஏதும் பேசி இருக்கமாட்டார்
அன்புடன்
மதுரைத்தமிழன்
முக்கியமான கூட்டம் நடந்து கொண்டிருக்கிறது. அடுத்து என்ன மாதிரியான ஏஐ (AI) தயாரிப்பைக் கொண்டுவருவது, எந்த ரகசிய ஆராய்ச்சியை வெளியிடுவது என்று தீவிரமாகப் பேசிக் கொண்டு இருக்கிறார்கள். அறைக்குள் இருப்பவர்கள் யார் என்பது எல்லோருக்கும் தெரியும். ஆனால், அங்கே மறைந்திருந்து எல்லாவற்றையும் கேட்டுக் கொண்டிருந்த இன்னொரு ஒலிப்பதிவுச் சாதனம் பற்றி மட்டும் யாருக்கும் தெரியவில்லை. அந்த அறையில் யாருடைய கண்ணிலும் படாமல் மறைத்து வைக்கப்பட்டிருந்தது ஒரு சிறிய ஒலிப்பதிவுச் சாதனம். அது அங்கே எப்படி வந்தது? யாருடைய பேச்சைப் பதிவு செய்வதற்காக வைக்கப்பட்டது?
தொலைக் காட்சிக்குப் பின்னால் யாருடைய கண்ணிலும் படாதவாறு மறைத்து வைக்கப்பட்டிருந்த ஒரு சிறிய ஒலிப்பதிவுச் சாதனம் இருந்த இடம், நாம் தினமும் கேள்வி கேட்கும் சாட்ஜிபிடியை உருவாக்கிய ஓபன்ஏஐ (OpenAI) நிறுவனத்தின் சான் பிரான்சிஸ்கோ அலுவலகம்.
செப்டம்பர் 30 அன்று வழக்கமான பாதுகாப்புச் சோதனை நடந்தபோதுதான் அது அதிகாரிகளின் கண்ணில் பட்டிருக்கிறது. டிவியின் யுஎஸ்பி (USB) இணைப்பில் பொருத்தப்பட்டு, சுற்றிலும் கழிப்பறைக் காகிதத்தால் மறைக்கப்பட்டுருந்த அந்தச் சாதனத்திற்குள் இருந்த தகவல்களையும் உடனே திறந்து பார்த்துவிட முடியாது. அவை மிகக் கடினமாக 'என்க்ரிப்ட்' செய்யப்பட்டிருந்ததாக அமெரிக்க நீதித்துறை சொல்கிறது. அங்கே பேசப்படப்படும் விஷயத்தை தெரிந்த கொள்ள முயற்சிப்பவர்கள் யார் போட்டி நிறுவனங்களா அல்லது வேறு போட்டி நாடுகளா? யார் இதனை பெற முயற்சிக்கிறார்கள் என்பதில்தான் மர்ம ரகசியமே அடங்கி இருக்கிறது,
அது வெறும் ஒரு ரெக்கார்டர்தானே என்று சாதாரண மனிதர்களுக்குத் தோன்றலாம். ஆனால், அது இருந்த அறையில் என்ன பேசுவார்கள் என்று பார்த்தால்தான் பிரச்சனையின் தீவிரம் புரியும். வெளியே அறிவிக்கப்படாத ஆராய்ச்சிகள், புதிய தயாரிப்புகள், வணிகத் திட்டங்கள், அரசுத் துறை தொடர்புகள் இப்படிப்பட்ட அதீத ரகசியங்கள் விவாதிக்கப்படும் அறை அது.
அங்கே பேசப்பட்ட விஷயம் வேறொருவரின் காதுக்குப் போயிருந்தால் என்னவாகியிருக்கும்?
சாதனத்தைக் கைப்பற்றிய பிறகு, பாதுகாப்புக் குழுவினர் அந்த அறையில் ரகசியக் கண்காணிப்புக் கேமரா பொருத்தினார்கள். சில நாட்கள் கழித்து, அக்டோபர் 5 அன்று ஒருவர் மெல்ல உள்ளே வருகிறார். நேராகச் சென்று தொலைக்காட்சியின் பின்னால் எதையோ தேடுகிறார். இந்தக் காட்சிகள் அனைத்தும் கேமராவில் துல்லியமாகப் பதிவாகின.
அவர் வெளியிலிருந்து வந்த ஆள் இல்லை... அதே நிறுவனத்தில் பொறியாளராக வேலை பார்த்த 35 வயது அப்துல்ரஹ்மான் அல்போசான்! உண்மையிலேயே அந்தக் மீட்டிங்க் அறையைப் பயன்படுத்த அவருக்கு எந்த அனுமதியும் கிடையாது.
அன்றைக்கே இன்னொரு தடயமும் கிடைத்தது. வேறொரு அறையில் அவர் விட்டுச் சென்ற பையைச் சோதித்தபோது, அதேபோன்ற இன்னொரு பதிவுச் சாதனமும், கூடவே அவரது அடையாள அட்டையும் (ID Card) கிடைத்தது. அக்டோபர் 9 அன்று எஃப்பிஐ அவரைக் கைது செய்தது; ஓபன்ஏஐ நிறுவனமும் அவரை உடனடியாகப் பணிநீக்கம் செய்தது.
சரி, இந்த வழக்கில் செயற்கை நுண்ணறிவுக்கு என்ன வேலை அதில்தான் கதையின் அடுத்த திருப்பம்!
நிர்வாகிகள் எங்கே சந்திக்கிறார்கள், எந்த அறையில் கூட்டம் நடக்கிறது, வெளிநிறுவனப் பிரதிநிதிகள் எப்போது வருகிறார்கள் போன்ற தகவல்களை அறிய, பணியிடத்தில் பயன்படுத்தப்பட்ட செயற்கை நுண்ணறிவுக் கருவியையே அல்போசான் நாடியதாக விசாரணையாளர்கள் கூறுகிறார்கள். அதுமட்டுமில்லாமல், அவருடன் தொடர்புபடுத்தப்பட்ட மற்றொரு சாட்பாட் கணக்கில் *"ஒரு பதிவுச் சாதனத்தை எப்படி மறைத்து வைப்பது, தொலைவிலிருந்து அதை எப்படி அணுகுவது, பதிவுகளை எப்படித் தகர்ப்பது என்ற கேள்விகளும் இருந்ததாகக் கூறப்படுகிறது.
வேலை செய்ய உதவியாகக் கொடுக்கப்பட்ட கருவியையே, நிறுவனத்திற்குள் உளவு பார்க்கவும் பயன்படுத்த முடியுமா என்ற கேள்விதான் இப்போது டெக் உலகையே அதிர வைத்துள்ளது. ஆனால், தேடியதெல்லாம் நடந்துவிட்டது என்று முடிவெடுத்துவிட முடியாது. ஒரு விஷயத்தை எப்படிச் செய்வது என்று தேடியதையும், அதை உண்மையில் செய்து முடித்ததையும் விசாரணைதான் பிரித்துக் காட்ட வேண்டும்.
இதற்கிடையே சவுதி அரேபியா தொடர்பும் நீதிமன்றத்தில் விவாதத்திற்கு வந்தது. சவுதியைச் சேர்ந்த அல்போசான், அந்நாட்டு அரச குடும்ப உறுப்பினர் ஒருவருடன் தொடர்பில் இருந்ததாக அரசு வழக்கறிஞர்கள் தெரிவித்தார்கள். கைதுக்கு முன்பே குடும்பத்துடன் ரியாத்துக்குச் செல்ல ஒருவழிப் பயணத் திட்டம் இருந்ததாகவும் கூறினார்கள். அவரது வழக்கறிஞரோ, விசா மற்றும் குடும்பக் காரணங்களுக்காகவே பயணம் திட்டமிடப்பட்டதாக விளக்கினார்.
இங்கே நாம் அவசரப்பட்டு எந்த முடிவிற்கும் வரக் கூடாது. அரச குடும்ப உறுப்பினர் சொல்லித்தான் சாதனம் வைக்கப்பட்டது என்று வெளியான ஆவணங்கள் கூறவில்லை. நீதிமன்றமும் அவரை வெளிநாட்டு உளவாளி என்று தீர்ப்பளிக்கவில்லை. அவர் நாட்டைவிட்டுத் தப்பிச் செல்லக்கூடும் என்ற காரணத்தால்தான் அக்டோபர் 19 அன்று அவருக்குப் பிணை மறுக்கப்பட்டது.
நமக்கு அடுத்ததாகத் தோன்றுவது, நாம் சாட்ஜிபிடியில் கொடுத்த தகவல்களுக்கு ஏதாவது ஆபத்தா என்பதுதான்.
அதற்கு ஓபன்ஏஐ கொடுத்த விளக்கம் முக்கியமானது. வாடிக்கையாளர் தகவல்கள், மென்பொருள் மூலநிரல் (Source code), செயற்கை நுண்ணறிவு மாதிரிகளின் ரகசியங்கள் ஆகியவை முறைகேடாக அணுகப்பட்டதற்கான எந்த ஆதாரமும் இல்லை என்று நிறுவனம் தெளிவுபடுத்தியுள்ளது. எனவே, பயனர்களின் தகவல்கள் திருடப்பட்டுவிட்டதாக நினைத்துப் பயப்படத் தேவையில்லை.
இருந்தாலும் அந்தச் சிறிய சாதனத்தைச் சுற்றி இன்னும் சில பெரிய கேள்விகள் அப்படியே நிற்கின்றன... என்ன பதிவானது யாராவது அதைக் கேட்டார்களா தகவல்கள் வெளியே அனுப்பப்பட்டதா இதுவரை வெளியான தகவல்களில் இதற்கு முழுமையான பதில் இல்லை.
செயற்கை நுண்ணறிவு என்னென்ன வித்தைகளைச் செய்கிறது என்று நாம் வியந்து பேசிக்கொண்டிருக்கிறோம். ஆனால், அதை உருவாக்கும் நிறுவனங்களுக்குள்ளும் பாதுகாக்கப்பட வேண்டியது வெறும் தொழில்நுட்பம் மட்டுமல்ல; மனிதர்கள் மீது வைக்கப்படும் நம்பிக்கையும்தான்!
வெளியே இருப்பவரைத் தடுக்கக் கதவில் பூட்டு போட்டுவிடலாம். ஆனால், உள்ளே அடையாள அட்டையுடன் நடமாடும் ஒருவருக்கு எந்தக் கதவைத் திறந்துவிடுவது என்பதில்தான் மிகப்பெரிய சிக்கலே இருக்கிறது!
டிஸ்கி : இந்திய அரசின் பாதுக்காப்பு மீட்டிங்களில் அதுவும் நம்ம மோடிஜீ கலந்து கொள்ளும் கூட்டங்களில் இப்படி ஏதும் நடக்கவே நடக்காது. காரணம் அந்த மீட்டிங்கில் மோடியின் ஆக்ஷன் மட்டுமே இருக்குமே தவிர அவர் ஏதும் பேசமாட்டார். அதனால் மோடி கலந்து கொள்ளும் மீட்டிங்க பற்றிய வீடியோ க்ளிப் வெளிவந்தாலும் .அதில் ஆடியோ மெசேஜ் இருக்கவே இருக்காது காரனம் அவர் வாயைத்தான் அசைப்பாரே தவிர முக்கிய விஷயம் ஏதும் பேசி இருக்கமாட்டார்
அன்புடன்
மதுரைத்தமிழன்
#OpenAI #ChatGPT #AI #ஒட்டுக்கேட்பு #செயற்கைநுண்ணறிவு #தொழில்நுட்பம் #TamilTech #CyberSecurity #மதுரைத்தமிழன்
Posts
0 comments:
Post a Comment
நான் அறிவு ஜீவி அல்ல ஒரு சாதாரணமான் மனிதன் தான்.இங்கு நான் பதியும் பதிவுகளில் உள்ள கருத்துகள் "மிகவும் சரி"யென்று சொல்லமாட்டேன் அது அன்றைய மனநிலையில் என் மனதில் எழும் கருத்துகளே...அதனால் உங்களது மனசுலபட்ட மாற்று கருத்துகளை தாராளமாக பகிரலாம். ஆனால் தேவையற்ற, வரம்புமீரிய, அநாகரிகமான வார்த்தைகளாலும் பதிவிற்கு சம்பந்தமில்லாமல் கருத்துக்கள் சொல்லப்பட்டால் எந்த வித பதில் விளக்கமின்றி அந்த கருத்து டெலீட் செய்யப்படும்.