கோமாளிகளை உருவாக்கும் விஜய் டிவி.

கோமாளிகளை உருவாக்கும் விஜய் டிவி.

விஜய்டிவியின் சூப்பர் சிங்கர்என்ற டிராமா என்ற பதிவை வெளியிட்டு இருந்தேன்.  அந்த பதிவு வெளிவந்த ஒரு சில தினங்களில் ஒரு பதிவர் விஜய் டிவியை பாராட்டி ஒரு பதிவை வெளியிட்டு இருந்தார்.. அதில் நண்டு ஜெகன் ,சந்தானம் சிவகார்த்திகேயன் , மா.கா.பா, கோபிநாத் (கோமாளிகளின் அறிமுகத்திற்கிடையே கோபிநாத பெயர் வந்து இருந்தது எனக்கு ஆச்சிரியம் அளித்தது ) போன்றவர்களின் படங்களை வெளியிட்டு அவர்களைப் பற்றி எழுதி இவர்கள் திரையுலக நட்சத்திரங்களாக உலா வருகின்றனர் என்று எழுதி இருந்தார். அவர் அதை மட்டும் சொல்லிவிட்டு போயிருந்தால் இந்த பதிவு எழுதவே எனக்கு தோன்றி இருக்காது. ஆனால் அவர் அதோடு விடாமல் இப்படி'''எனக்கு விஜய் ஒரு மாபெரும் புரட்சியை நடத்துவதாகவேபடுகிறது. '' என்று சொன்னதோடு 'புதிய திறமைகளை அடையாளம் கண்டு புதிய நட்சத்திரங்களை உருவாக்கும் ஒரு தொழிற்சாலை ஒரு ஆரோக்கியமான சமூக நல இயக்கம் விஜய். என்று பாராட்டியும் இருந்தார்

இதை படித்தவுடன் என் மனதில் தோன்றிய கருத்துக்களை உங்கள் முன்னால் இப்போது நான் வைக்கிறேன்.

என்ன விஜய் டிவி ஒரு சமுக நல இயக்கமா அது நட்சத்திரங்களை உருவாக்கும் தொழிற்சாலையா? இதை படிக்காதவர் ஒருவர் சொல்லி இருந்தால் சிரித்து கொண்டே போகலாம் ஆனால் படித்தவர் ஒருவர் சொல்லி செல்லும் போதுதான் என்ன மாதிரியான சமுகத்தில் நாம் வாழ்ந்து கொண்டிருக்கிறோம் என்று புரிகிறது.

விஜய் டீவி என்ன சமுக நலத் தொண்டு புரிந்து இருக்கிறது எத்தனை சமுக நலம் காக்கும் அல்லது பாடுபடும் நட்சத்திர தலைவர்களை உருவாக்கி இருக்கிறது. அவர்கள் உருவாக்குவது எல்லாம் கோமாளிகளும் கூத்தாடிகளும் தெருப்பாடகர்களை மட்டும்தான் அவர்கள் தான் சமுக நல இயக்க நட்சத்திரங்களா என்ன?

தமிழக பண்பாட்டை கலாச்சாரத்தை கெடுத்து மேலைநாட்டு கலாச்சரத்தை நம் மண்ணில் விதைத்து கொஞ்சம் கொஞ்சமாக அறுவடை செய்து அழித்து கொண்டிருப்பதுதான் விஜய் டிவி செய்யும் சமுக நலமா என்ன? அட போங்கப்பா திரை உலகில் முகத்தை காட்டிவிட்டால் அது சாதனையா என்ன?

வெளிநாட்டுக்காரன் தமிழ் நாட்டில் பணத்தை கொட்டி கலாச்சாரத்தை கெடுத்து பல கோமாளிகளை உருவாக்கி, பார்ப்பவர்களையும் கோமாளியாக்கி செல்கிறான் அதைப் பார்த்து நீங்கள் ஆஹா ஒகோ என்று பாராட்டுகிறீர்களே? உங்கள் நிலமையை எண்ணி எனக்குதான் சிரிப்பு சிரிப்பாக வருகிறது.

அன்புடன்

மதுரைத்தமிழன்