மதுரைத்தமிழனின் வீட்டுகதவை தட்டிய எமதர்மன்

மதுரைத்தமிழனின் வீட்டுகதவை தட்டிய எமதர்மன்

என் வீட்டு  காலிங்க் பெல் அடிக்கும் சத்தத்தை கேட்டு நான்  கதவை திறக்க சென்றேன். கதவை திறந்ததும் கருப்பு கலர் டிரெஸ் போட்டு ஒருத்தர் நிற்பதை பார்த்ததும்.யாரூ நீங்க? உங்களுக்கு  யாரைப் பார்க்கணும் என்று  கேட்டேன்.

அதற்கு அவர் நான்தான் எமதர்ம ராஜா.. நான் மதுரைத்தமிழனை பார்க்க வந்து இருக்கிறேன் என்றார்.

நான் தான் மதுரைத்தமிழன். நீங்களும் என் மறைவுச் செய்தி பதிவு படித்து வீட்டு விளக்கம் கேட்க வந்திருக்கிறீர்களா அல்லது உண்மையில் என் உயிரை எடுக்க வந்திருக்கிறீர்களா? எதுவாக இருந்தாலும் சரி எனக்கு ஒரு 5 நிமிஷம் டைம் கொடுங்கள் நான் ஒரு பதிவு எழுதிக் கொண்டிருக்கிறேன் அதை எழுதி பதிவிட்டதும் நீங்கள் என் உயிரை எடுத்துக் கொள்ளலாம் என்றேன்.

அவரும் சிரித்தவாறு நீங்கள் பதிவிட்டு வாருங்கள் நான் வந்த விஷயத்தை சொல்லுகிறேன் என்றார்.

நானும் சரி என்று போக முற்படுகையில் அவர் எனக்கு கொஞ்சம் தாகமாக இருக்கிறது குடிக்க கொஞ்சம் ஏதாவது தாருங்களேன் என்றார்.

நான் என் நண்பர்களிடம் வழக்கமாக என்ன வேண்டும் என்று கேட்பதைப் போல அவரிடம் நீங்கள் என்ன சாப்பிடுகிறீர்கள் ரம்மா விஸ்கியா வோட்காவா என்ரு கேட்டேன்.

அதற்கு அவர் பயந்து போய் என்ன மதுரைத்தமிழா நீ என்னை கொல்லப் பார்க்கிறாயா என்ன? நான் இதையெல்லாம் குடிப்பது இல்லை அது கொஞ்சம் கொஞ்சமாக கொல்லும் விஷம். நான் மற்றவர்களை கொன்று எடுத்து செல்வதுதான் என் பழக்கம் என்னையே கொல்லும் செயலை செய்யமாட்டேன் என்றார்.

நானும் சரி சரி எமதர்ம ராஜா உன்மூலம் இன்று நான் கற்றுக் கொண்டது குடிப்பவன் தன்னை தானே அழித்து கொள்கிறான் ஆனால் குடிக்காதவனோ மற்றவர்களை கொன்று அழிக்கிறான் என்றேன்.

அதற்கு எமதர்ம ராஜா மதுரைத்தமிழா உனக்கு நக்கல் ரொம்ப ஜாஸ்தி சரி நீ போய் சீக்கிரம் பதிவு போட்டுவா அதன் பிறகு நான் வந்த காரணத்தை சொல்லுகிறேன் என்றார்.

நானும் சரி என்று பதிவு எழுதி போட்டுவிட்டு அப்படியே மற்ற பதிவர்கள் வெளியிட்ட பதிவுகளையும் படிச்சுவிட்டு ஹாலுக்கு வந்தா ஏமதர்மராஜா நல்லா குறைட்டைவிட்டு தூங்கி கொண்டிருந்தார்.

அவரை  எழுப்பி நான் ரெடி  என்னை அழைத்து செல்லுங்கள் என்றேன் அதற்கு அவர் நான் உன்னை அழைத்து செல்ல வர வில்லையென்றார்...

ஓ அப்படியா நான் என்னவோ நீங்க நான் கடந்த வெள்ளிக்கிழமை வெளியிட்ட மறைவுச் செய்தியைப் பார்த்து வந்தீட்டிங்களோ அல்லது என் தலையை சுற்றிக் கொண்டிருக்கும் தேவதை நான் சொல்லும் வார்த்தையெல்லாம் கேட்டு அதன்படி நான் மறைவு என்று சொன்னதும் அதை கப் என்று பிடித்துக் கொண்டு உங்களை அனுப்பியதோ என்று நினைத்தேன் என்று சொன்ன்னேன்.

அதற்கு எமதர்ம ராஜா நான் உன்னை பாராட்டவே வந்தேன் என்றார்.

என்ன என்னை பாராட்ட வந்தீர்களா? அப்படி நான் என்ன நல்ல விஷயம் செய்துவிட்டேன் என்று கேட்டதற்கு அவர் நீ பல மொக்கை பதிவுகள் போட்டு என் வேலையை மிக எளிதாக்கி  கொண்டிருப்பதால் உன்னை பாராட்ட வந்துள்ளேன் என்றார்

உங்கள் வேலையை நான் எளிதாக்குகிறேனா அது எப்படி கொஞ்சம் விளக்கமாக சொல்லுங்களேன்

நீ போடுற மொக்கை பதிவுகளை படித்துவிட்டு நாட்டில் அவனவன் தானகவே சாகிறான். அதனால் நான் அவர்களை சாக அடிக்கும் வேலை இல்லாமல் போகிறது என்று சொல்லி சிரித்தார். அதுமட்டுமல்ல எனக்கு வயதும் ஆகிவிட்டது அதனால் முன்பு போல என்னால் வேகமாக செயல்பட முடியவில்லை அதனால் கடவுளிடம் சொல்லி உன்னைப் போன்ற மொக்கை பதிவாளர்களயும் கவிதை மற்றும் கதைகளை எழுதி மக்களை சாக அடிக்கும் பதிவாளர்களின்  வாழ்நாளையும் அதிகரிக்க செய்துள்ளேன் என்று சொல்லிவிட்டு மறைந்துவிட்டார்.

இதனால் பதிவர்களுக்கு நான் சொல்வது என்னவென்றால் மறக்காமல் கவிதை கதைகளை நீங்கள் எழுதி வெளியிட்டு வந்தால் உங்கள் ஆயுள் அதிகரிக்கும்

எனது மொக்கை ரசிக ரசிகைகள் சங்கத்தினருக்காக இந்த மொக்கை பதிவை வெளியிடுவது 

மதுரைத்தமிழன்