மல்லிகை மணம் போல வலைத்தளத்தில் மணக்கும் வலைப்பூக்கள்

மல்லிகை மணம் போல வலைத்தளத்தில் மணக்கும் வலைப்பூக்கள்

எனக்கு மிகவும் பிடித்த வலைப்பூ என்ற பெருமையுடன் வழங்கப்படும் இந்த விருது எனக்கு நான் மிகவும் மதிக்கும் சாகம்பரி அவர்களால் அவர்கள்...உண்மைகள் என்ற எனது வலைத்தலத்திற்கு வழங்கப்பட்டது. இவர் மற்றும் ரமணி சாரை தவிர வேறுயாரவது தந்திருந்தால் அன்பாக மறுத்து இருப்பேன். ஆனால் தந்தவர் எனது பெரும் மதிப்பிற்குரியவர் என்பதால் இதை பணிவன்புடன் ஏற்று கொள்கிறேன். சாகம்பரி அவர்களே மிக நன்றி.

இந்த விருது அவருக்கு திருமதி. கீதமஞ்சரி வழங்கியுள்ளார்கள். வலைப்பதிவை தொடர்பவர்கள் எண்ணிக்கை 200க்குள் இருக்கும் இளம் பதிவர்களுக்கு இந்த விருதை வழங்க வேண்டும்.

இந்த விருதை எனக்கு மிகவும் பிடித்த வலைத்தளங்களுக்கு வழங்கயோசித்தால் பாதிக்கும் மேற்பட்டோர் இந்த விருதுவை பெற்று உள்ளனர். அதனால் இந்த விருதுவை இதுவரை பெறாதவர்களாக இருக்கும்  ஐந்து  "மிகச்சிறந்த" வலைப்பதிவர்களுக்கு இந்த விருதினை வழங்குகிறேன். அவர்களும் இதுபோல பிரியமானவ்ரகளுக்கு இதனை வழங்கி மகிழ வேண்டும் என்று வாழ்த்துகிறேன்.

1. கவிதையாகட்டும் கட்டுரையாகட்டும் அல்லது விமர்சனமாகட்டும் சூர்ய ஜீவா எழுதினால் அது நம் மனதை தொட்டு செல்லும் .  அவரின் எழுத்துக்கு இது ஒரு சாம்பிள்

தன வீட்டு அடுப்பு எரிய

அவள் எரிந்தாள்,

சிகப்பு விளக்காக.. 

2. தன்னை சுற்றி நடக்கும்  சமுக விஷயங்களை  நம் கண் முன்னால் தமது எழுத்தால் அப்படியே காட்டும் திறமை இந்த இளம் பெண் ஜோஸபின் பாபா அவர்களுக்கு உள்ளது. இவரிடம் பிடித்தது இவரின் எழுத்து நடையே இவர் சற்று முயற்சித்தால் இந்தியாவில் பெயர் சொல்லும்  ஒரு ஜர்னலிஸ்டாக வரும் அளவுக்கு மிக திறமையுள்ளது .

3. ஆங்கிலத்தில், ஆலயம் கண்டேன் என்ற பெயரில், இவர் தரிசித்த சில சிறப்பான ஆலயங்களை பற்றி எழுதி வந்தவர் அதையே தமிழில் எழுதும் படி பல பேர் கேட்டு கொண்டதால் தமிழிலும்  முயற்சி எடுத்து எழுதி வருபவர்  ப்ரியா என்ற இளம் மங்கை. எனக்கு பிடித்த இவர் எழுத்து உங்களுக்கும் பிடிக்கும்.

4.  ஊசி போட தெரியாத ஆனால் டாக்டர் பட்டம் பெற்ற திருமதி.முகுந்த் அம்மா

5. மனம் தொடும் எழுத்துக்களால் நிறைந்த பூச்சரம் மணக்கிறது இந்த பூங்குழலியின் கையால்.

மேலே உள்ள விருதுவைவிட சாகம்பரி அவரின் வலைத்தளத்தில் என்னை கிழ்கண்டவாறு அறிமுகப்படுத்தியுள்ளார்.அதுதான் எனக்கு கிடைத்த மிக பெரிய விருதுவாக கருதுகிறேன். அவர்களுக்கு என் மனமார்ந்த நன்றிகள்

காரச்சாரமான விவாதங்கள், அரசியல் அலசல்கள் என முறுக்கு மீசை பாரதியை தலைப்பில் கொண்டிருக்கும் அவர்கள் உண்மைகள்  மதுரைத் தமிழன் அவர்களுக்கு,

சாகம்பரி அவர்கள் சொன்னதுபடி "இது போன்ற விருதுகள் நாம் ஒரு குடும்பம் என்பதை குறிக்கும் என்பதால், விருதை பெற்றுக் கொண்டு பதிவுலக குடும்பத்தை பெரிதுபடுத்தி மகிழ வேண்டும் என்று விரும்புகிறேன். குறிப்பிட்ட லோகோக்களை தங்களுடைய வலைப்பூவில் பதிந்து கொள்ளுங்கள்.