எழுத்தாளர் அபிலேஷ் சந்திரன் செய்வது சரிதானா?

எழுத்தாளர் அபிலேஷ் சந்திரன் செய்வது சரிதானா?

 

உயர்ந்த குடியில் பிறந்த ஒருவர்( உயர்ந்த குடியில் பிறந்தவர் என்று சொல்லும் போது அவர் மிக வசதியான குடும்பத்தில் உள்ளவர் என்று நினைத்துக் கொள்ள வேண்டாம். இங்கு உயர்ந்த குடியில் பிறந்தவர்  என்று குறிப்பிடுவது நல்ல பண்புகள் நிறைந்த குடும்பத்தில் உள்ளவர் என்பதைக் குறிப்பதாகும்) திருமணம் செய்ய முடிவு செய்து ஒரு பெண்ணை திருமணம் செய்து கொண்டார். ஆனால் திருமணம் முடிந்த சில காலம் கழித்து அவர் மனைவியுடன் மகிழ்ச்சியாக இல்லை.  இது பற்றி பலரும் அவரிடம் கேட்ட போது நான் என் மனைவி பற்றி யாரிடமும் பேசுவதில்லை அப்படிப் பேசுவது அநாகரிகம் என்று சொன்னார்.


ஓர் ஆண்டிற்கு அப்புறம் அவர் விவகாரத்து செய்து கொண்டார்.. அப்போது பலரும் அவரிடம் வந்து காரணம் கேட்டார்கள்  அந்த பெண்ணை பற்றி அறிந்து கொள்ள முயன்றார்கள். அப்போது அவர் எனக்குச் சம்பந்தமில்லாத பெண்ணை பற்றி நான் யாரிடமும் பேசமாட்டேன் என்று கூறினார்

இதுதான் உண்மையான ஆணிற்கு அழகு அது ஆண்மையும் கூட

இன்னா செய்தாரை ஒறுத்தல் அவர்நாண  நன்னயம் செய்து விடல்” எமக்குத் துன்பம் செய்தவருக்கும் நாங்கள் நன்மை செய்வதே உயர்பண்பு. இதன்மூலம் நமக்குத் துன்பம் தந்தவரே வெட்கி, தமது அறியாமையைஅகற்றித் திருந்தி விடுவார்

உயர்ந்த குடியில் பிறந்த ஒருவரின் செயல் இப்படித்தான் இருக்கும்

இதுதான் எனது  பொது எண்ணமும் உங்களின் எண்ணமாகவும் இருக்கும்/  இருந்தாலும் இந்த பொது எண்ணத்திற்கும் அபிலேஷின் தனிப்பட்ட செயல்களுக்கும் இது பொருந்தாமல் இருக்கலாம்


எழுத்தாளர் அபிலேஷ சந்திரன் அவர்களின் பதிவுகளை நேரம் கிடைக்கும் படிக்கும் போது அவர் ஒரு  நல்ல மனிதராகவே எனக்கு தோன்றுகிறார். இருந்த போதிலும் ஒருவரின் எழுத்தை வைத்து அவரின் குணத்தைத் தீர்மானிக்க முடியாது. அபிலேஷ தனது தனது திருமண வாழ்க்கையைப் பற்றி பொதுவெளியில் பேசுவது  நல்ல பண்பா என்று பார்க்கும் பொழுது அவர் திருமண வாழ்க்கையில் மிகவும் பாதிக்கப்பட்டு இருக்கிறார் மேலும் அவர் எழுத்தாளர் என்பதால் அவர்  தனது எண்ணங்களை  எழுத்தாகச் சமுகத்தில் எடுத்து வைக்கும் போது அவரது  வாழ்க்கையைப் பற்றியும் பொது வெளியில் எடுத்து வைக்கிறார்.


காரணம்  பெண்ணுக்கு ஒரு நீதி ஆணுக்கு ஒரு நீதி என்றுதான் நீதிமன்றம்  செயல்படுகிறதே தவிர இதுவரை சம நீதியாக பணியாற்றவில்லை என்ற அவரின் ஆதங்கத்தை பொது வெளியில் எடுத்து வைக்கிறார் நீதிமன்ற செயல்பாடுகளில் அவருக்குத் திருப்தி  இல்லை.. சம நீதிக்காகச் செயல்படும் நீதிமன்றம் அதைத் தவறவிடும் போது அபிலேஷ் அதைச் சமுகத்திடம் எடுத்து உரைத்து சமுகம் என்ன நினைக்கிறது அதாவது தமக்கு ஒரு நல்ல தீர்ப்பு தரும் என்பது அவரின் எண்ணமாக இருக்கிறது என்பதாகவே எனக்குப்படுகிறது.

அன்புடன்
மதுரைத்தமிழன்

டிஸ்கி : ஒரு  நண்பரிடம்  அமெரிக்கர்களின் பண்பும் Vs இந்தியர்களின் பண்பும் பேசும் போது ஆண்கள் பண்பு பற்றி நான் சொன்னது அது தொடர்பாகப் பேசும் போது அபிலேஷ் பற்றிய பேச்சு வந்த போது அவர் பற்றி நான் சொன்ன கருத்துகளும்தான் இங்குப் பதிவாக வெளியிடப்படுக்கிறது


எனது பார்வையில் அமெரிக்கர்களின் பண்பும் Vs இந்தியர்களின் பண்பும் என்று பதிவு ஒரு சில தினங்களில் இங்கு வெளிவரும்.