ஆதர்ச தம்பதிகளாகக் காட்டிக் கொள்ளும் போலித் தம்பதிகள்தான் நாட்டில் அதிகம்

 ஆதர்ச தம்பதிகளாகக் காட்டிக் கொள்ளும் போலித் தம்பதிகள்தான் நாட்டில் அதிகம்

அநேகமாக எல்லாத் தம்பதிகளும் ஏதாவது ஒரு காரணத்திற்காகப் போலித்தனமாக ஒன்று சேர்ந்து வாழ்ந்து கொண்டிருக்கிறார்கள் சிலர் அதில் விதிவிலக்காக இருக்கலாம் அதுதான் நிஜம்.


எனக்குத் தெரிந்த ஒரு நண்பர் பார்ட்டிக்கு மனைவியுடன் வரும் போது எப்போதும் அவரது மனைவி அவரது கைபிடித்துக் கொண்டு ஒட்டி உரசிக் கொண்டே இருப்பார் அப்படிச் செய்யக் காரணம் ஆரோக்கியமான மற்றும் மகிழ்ச்சியான இருப்பு இருப்பதாக மற்றவர்கள் நம்ப வேண்டும் என்று அவரது மனைவி விரும்புகிறார்... இது அந்த நண்பருக்கு மிகவும் எரிச்சலைத் தந்தது காரணம் அவர்களின் மணவாழ்க்கை பற்றி நண்பர்களுக்கு அனைவருக்கும் தெரியும்.. அப்படி இருக்கையில் ஒரு நண்பர் என்னங்க அவர் கையையே சின்னப் புள்ளைப் பிடித்துக்கொண்டு இருக்கிற மாதிரி தொடர்ந்து பிடித்துக்கொண்டு இருக்கீறிங்க என்று கிண்டலாகக் கேட்க அதற்கு அவர் என் ஆசை கணவரைப் பிடித்துக் கொண்டு இருப்பது தப்பா எனக் கேட்க, உடனே அவரின் கணவர் வீட்டிலும் நான்தானே உன் கணவன். ஆனால் அங்கே நீ தொட்டது கூட இல்லையே என்று கேட்க அவரது மனைவியின் முகம் மிகவும் சுருங்கித்தான் போனது அதன் பின் அந்த நண்பரின் மனைவி பொது வெளியில் வேஷம் போடுவதில்லை

  

இவர்கள் மட்டுமில்லை இப்படித்தான் பலர் பேஸ்புக்கிலும் ஐ லவ் மை ஹஸ்பண்ட் என்று ஸ்டேஸ் போட்டுத் தங்கள் குடும்ப வாழ்க்கை மிக இனிமையாகக் இருப்பதாகக் காட்டிக் கொண்டிருப்பார்கள் .ஆனால் அவர்களே தங்களின் உண்மையான நண்பர்களிடம் பேசும் மட்டும்தான் தங்கள் வாழ்க்கைத் துணையைப் பற்றி வண்டி வண்டியாகக் குற்றம் சொல்லி குழந்தைக்காகத்தான் கூட வாழ்கிறோம் என்று சொல்லிக் கொண்டிருப்பார்கள்.


இப்படி அவர்கள் குழந்தையைக் காட்டிக் கொண்டிருக்கும் சமயத்தில் இந்தக் காலக் குழந்தைகளோ அம்மா அப்பா சேர்ந்து இருக்கிறார்களா இல்லையா என்று எல்லாம் பார்ப்பதில்லை காரணம் இந்தக் காலக் குழந்தைகளுக்குத் தினமும் சண்டை போட்டுக் கொண்டிருக்கும் அம்மா அப்பா தேவை அல்ல அவர்களுக்குத் தேவையானதை வாங்கித் தர ஆள் இருந்தால் போதும் என்று நினைத்து அவர்களும் வாழத் தொடங்கிவிடுகிறார்கள். ஆக மொத்தம் குடும்பம் முழுவதும் உண்மையான அன்பைத் தொலைத்துப் போலித்தனமாக வாழ்ந்து கொண்டிருக்கிறார்கள், ஆம் இதுதான் இன்றைய குடும்ப வாழ்வு நிலை... இந்த உண்மை கசக்கத்தான் செய்யும்


இப்படிப் போலித்தனமாக வாழும் நேரத்தில் சமுக இணையத் தளங்களின் வளர்ச்சியும் செல்போன் பயன்பாடும் அதிகரித்த நிலையில் பல தகாத உறவுகளும் ஏற்பட்டுப் பல இடங்களில் கண்டு காணாமலும் சில இடங்கில் அது பெரிய பிரச்சனையாக ஆகி கொலையிலும் தற்கொலையிலும் முடிந்துவிடுகிறது. இப்படிப் பிரச்சனைகள் அந்தக் காலங்களில் நடந்த போதில் கூட்டுக் குடும்ப முறை காரணமாகப் பெரியவர்கள் பேசி சமாதானப்படுத்தப்பட்டு குற்றங்களை மன்னித்து அல்லது உணர்ந்து திருந்தி வாழ்க்கையை இனிமையாகக் கொண்டு பலரும் எடுத்துச் சென்றனர்..


ஆனால் இன்றைய அவசர உலகில் எல்லாம் தலைகீழாக மாறினாலும் இன்னும் நம் கலாச்சாரம் பண்பாடு என்ற கட்டுப்பொட்டித்தனம் மட்டும் மாறாததால் பிரச்சனை பூகம்பமாகி வெடிக்கின்றன.


இதற்காகத்தான் நான் மீண்டும் மீண்டும் சொல்லுகிறேன் திருமணம் 5 ஆண்டுகள் மட்டும் செல்லுபடியாகும் அதன் பின் அடுத்த 5 ஆண்டுகள் செல்லுபடியாக வேண்டுமென்றால் மீண்டும் புதுப்பித்துக் கொள்ள வேண்டும் இல்லையென்றால் அது எக்ஸ்பையர் ஆகிவிடனும் என்ற சட்டம் கொண்டுவர வேண்டும். இப்படி எல்லாம் நல்ல யோசனையை நான் சொன்னால் என்னை லூசுன்னு சொல்லுறாங்க .ஆனால் அப்படிச் சொல்லிவிட்டு லூசுத்தனமாகப் பலர் போலியாகக் குடும்பம் நடத்திக் கொண்டு இருக்கிறார்கள் ஹும் இதற்கும் மேல என்னத்த சொல்ல



அன்புடன்
மதுரைத்தமிழன்



மகிழ்ச்சியற்ற தம்பதிகள் ஏன் ஒன்றாக இருக்கிறார்கள் தெரியுமா?

1. உறவிலிருந்து வெளியேற போதுமான தைரியம் இல்லை.

2. பிற்கால வருத்தத்தின் பயம்.

3. காலப் போக்கில் பிரச்சனைகள் நீங்கி விஷயங்கள் மேம்படும் என்று நம்புவது

4. இந்தப் பிரிவினை தங்கள் குழந்தைகளுக்கு ஏற்படுத்தும் தாக்கத்தைப் பற்றிய கவலைகள்

5. வாழ்க்கையைத் தனியாக வாழ்வதற்கான நிதி நிலமைப்ப்பற்றிய அச்சம்

6. குடும்ப வீட்டை இழக்க விரும்பாதது..

7. விலகி ஒரு புதிய உறவைத் மீண்டும் தொடங்க ஏற்ற  வயதை கடந்துவிட்டோம் என்ற நிலை

8. வெளியேறுவது பற்றிய குற்ற உணர்வு.

9. தனியாக வாழ்வது பயமாக இருக்கிறது.

10 தனிமை பற்றிய கவலைகள் .

11. சமுகம் தம்மைப்பற்றி தவறாக நினைத்துக் கொள்ளுமோ என்ற அச்சம்

இந்தக் காரணங்களால் மட்டுமே பல திருமணங்கள் அப்படியே சந்தோஷம் இல்லாமல் இருந்து கொண்டு இருக்கிறது

 

https://youtu.be/kQ8xqyoZXCc

kacey musgraves - follow your arrow lyrics

If you save yourself for marriage
You're a bore
You don't save yourself for marriage
You're a horrible person

If you won't have a drink
Then you're a prude
But they'll call you a drunk
As soon as you down the first one

If you can't lose the weight
Then you're just fat
But if you lose too much
Then you're on crack

நட்புக்கு தூரம் அதிகமில்லை கலைஞர் பேசினால்.......?  

 

சந்தி சிரிக்கும் எடப்பாடி பழனிச்சாமியின் ஆளுமை