உஷ்ஷ்ஷ்...எப்படியெல்லாம் மனைவியை சமாளிக்க வேண்டியிருக்கிறது

உஷ்ஷ்ஷ்...எப்படியெல்லாம் மனைவியை சமாளிக்க வேண்டியிருக்கிறது

என் மனைவி ஒரு நாள் மிக கோபத்தில் இருக்கும் போது என்னௌ பூரிக்கட்டையால் நன்றாக அடித்துவிட்டு மிக களைத்து போய் இறுதியாக என்னை பார்த்து  இந்த வீட்டில் முட்டாள் யார் நானா? நீங்களா  என்று கேட்டாள்,

அந்த சமயத்தில் நம் பதிவர்கள் பல பேர் மதுரைத்தமிழா உங்களுக்கு தைரியம் மிக அதிகம் நீங்கள் யாருக்கும் பயப்படாமல் துணிச்சலாக எழுதுறீங்க உங்கள் நேர்மை எங்களுக்கு மிகவும் பிடிச்சிருக்கு என்று பாராட்டியது ஒரு கணம் மனதில் ஒடியது என்றாலும் நம்மிடம் கேள்வி கேட்டது நம்முடன் வாழ்க்கை நடத்தும் மனைவியாச்சே ....உண்மையை சொல்லுறோம் என்று ஏதாவது உளறிவிட்டால் பூரிக்கட்டையில் இருந்து தப்ப முடியாது.அதனால்  சற்று யோசித்து..

அம்மா நீதான் மிகவும் புத்திசாலி என்று இந்த உலகத்திற்கே தெரியும் அல்லவா அதனால் நீ நிச்சயம் ஒரு முட்டாளை திருமணம் செய்து கொண்டு இருக்கமாட்டாய்தானே என்றேன்

அதை கேட்டதும் அவள் ஙே.......என்று முழித்தாள்  அவள் புத்திசாலி அல்லவா அதனால் இன்னும் அவள் முழித்து கொண்டிருக்கிறாள்

கொசுறு : வாழ்க்கையின் கடினமான சமயங்களில் மனைவி தனக்கு துணையாக இருக்க வேண்டும் என்று நினைக்கும் கணவன் சந்தோஷ சமயங்களில் பக்கத்துவீட்டு பெண் தன் கூட அரட்டை அடித்து மகிழ வேண்டும் என நினக்கிறான்( இதை படிப்பவர்களின் மைண்ட் வாய்ஸ் : இந்த மதுரைத்தமிழன் தான் அப்படி நினைக்கிறேன் என்று சொல்லாமல் பொதுவாக ஆண்கள் இப்படி நினைப்பதாக சொல்லி சமாளிக்கிறானே..... நல்லா பேசுறானப்பா இந்த தமிழன் )

அன்புடன்

மதுரைத்தமிழன்