சின்னபுள்ளையாக மாறி குறை சொல்லும் கலைஞர்

சின்னபுள்ளையாக மாறி குறை சொல்லும் கலைஞர்

செய்தி :புதிதாக தேர்ந்தெடுக்கப்பட்ட உறுப்பினர்கள் பதவியேற்கும் விழா நடந்தது. அதில் பங்கேற்க, ஐந்தாண்டுகளுக்கு பின், முதன்முறையாக சபைக்கு சென்றேன். நான் சபைக்குள் செல்வதை அறிந்த ஜெயலலிதா, 'விருட்'டென்று எழுந்து வெளியேறினாரே; அவருடைய வெளிநடப்பு, அவர் திருந்திவிட்டார் என்பதையா காட்டுகிறது? இவ்வாறு கருணாநிதி  செய்தியாளர்களிடம் கூறியுள்ளார்.

கலைஞர் சட்டசபைக்கு செல்வது மக்களுக்காக பணியாற்றவா அல்லது ஜெயலலிதாவை பார்ப்பதற்க்கா? தலைவரின் பேச்சு சின்னபுள்ளைத்தனமாகத்தான் இருக்கிறது.  தலைவர் சொல்லுகிறார் கடந்த  ஐந்தாண்டுகளுக்கு பின், முதன்முறையாக சபைக்கு சென்றேன் என்று. கடந்த தடவை இவர் தொகுதிமக்கள் இவரை தேர்ந்தெடுத்தும் இவர் மக்களுக்காக சேவை செய்ய ஒரு முறை கூட போகவில்லை என்பதை இவர் வாயாலே சொல்லி இருக்கிறார். அப்படிபட்ட இவரை மீண்டும் தேர்ந்தெடுத்த மக்களை என்னவென்று சொல்லுவது. அதுமட்டுமல்ல இப்படி சட்டமன்றத்திற்கு செல்லாதவர் ஜெயலலிதாவை குறை சொல்லுவது மட்டும் எதற்காக?

இவர் சென்றாதால் ஜெயலலிதா சட்டமன்றத்தைவிட்டு வெளியேறுகிறார் என்றால் இவர் தினசரி சட்டமன்றத்திற்கு சென்றால் ஜெயலலிதா சட்ட மன்றத்திற்கே வரமாட்டாரே. அதை செய்ய கலைஞர் ரெடியா?

அன்புடன்

மதுரைத்தமிழன்