விஸ்வரூபம் படம் தடை : அரசாங்கம் தவறு செய்கிறதா?

விஸ்வரூபம் படம்  தடை :  அரசாங்கம் தவறு செய்கிறதா?

எந்த ஒரு படம் எடுத்தாலும் அதை வெளியிடுவதற்கு முன்னால் தணிக்கைதுறைக்கு அனுப்பி அவர்கள் பார்த்து அனுமதி அளித்த பின்தான் வெளியிட முடியும். இப்படி ஒரு துறை அரசாங்கத்தால் ஏற்படுத்தப்பட்டதன் காரணம் எந்த படத்திலும் மக்களையோ மதத்தையோ சமுக கலாச்சரத்தையோ பாதிக்கும் காட்சிகள் இருந்தால் அதை நீக்கி படத்தை வெளியிட அனுமதிக்க வேண்டும்.

அப்படிபட்ட ஒரு துறையின் அனுமதி பெற்று வந்த படத்தை அரசாங்கம் எப்படி தடை செய்யலாம். அப்படி அது செய்கின்றது என்றால், அரசாங்கத்தால் ஏற்படுத்தப்பட்ட அந்த துறையில் உள்ளவர்கள் சரியாக தங்கள் வேலையை செய்யவில்லை என்றுதானே அர்த்தம் அல்லது ஒருவேளை அந்த துறையினர் தாயாரிப்பாளர்களிடம் இருந்து கைக்கூலி வாங்கி விட்டு அந்த படத்தை முழுமையாக ஆய்வு செய்யாமல் வெளியிட அனுமதி அளித்துள்ளார்களா? அதற்கு ஆமாம் என்றால் அந்த துறையில் வேலை செய்பவர்கள் மீது வழக்கு தொடுக்கப்படுமா?

இந்த மாதிரி மதத்தை உட்படுத்தி படம் தாயாரித்து அது தணிக்கைக்கு வரும் போது அந்த தணிக்கை குழுவில் மதத்தலைவர்களும் இருந்திருக்க வேண்டும் அல்லவா? அப்படி இருந்து இருந்தால் அவரிடம் இந்த இந்த காட்சிகள் மதத்தை பாதிகின்றாதா என்று கேட்டு தெளிந்து ஆய்வுக்கு உட்படுத்தி அதன் பிறகு தணிக்கை சர்டிபிகேட் கொடுத்திருந்தால் இந்த மாதிரி பிரச்சனகள் வந்து இருக்காதே.

அப்படி செய்யாததால் பணத்தை செலவிட்ட தயாரிப்பாளருக்கு நாள் தள்ளிப் போட போட நஷ்டம்தானே.? அதுமட்டுமல்லாமல் மக்களிடையேயும் மனக் கசப்பு உண்டாகி சகோதர்கள் போல இருக்கும் அவர்களிடம் வேற்றுமையும் பகைமை உணர்ச்சியும் உண்டாகிறதே...

இது எல்லாம் அரசாங்கம் செய்யும் தவறுதானே?

ஒரு படம் வெற்றியடைந்து அதிக வருமானம் ஈட்டும் போது இந்த வரி அந்த வரி என்று வசூலிக்கும் அரசாங்கம், அவர்கள் செய்யும் தவறினால் படம் தள்ளிபோடப் பட்டு நஷ்டம் அடையும் போது அதற்கு நஷ்ட ஈடு கொடுக்குமா?

டிஸ்கி :கமல் விஜய் டிவியில் விஸ்வரூபம் எடுக்காமல் சன் டிவியில் எடுத்து இருந்தால் பிரச்சனை இந்த அளவு பூதகரமாக வந்து இருக்காதோ?

அன்புடன்

மதுரைத்தமிழன்