ஆண்களின் முன்னேற்றம் தடைபெற காரணம் பெண்களா?

ஆண்களின் முன்னேற்றம் தடைபெற காரணம் பெண்களா?


குழந்தைகளை பார்த்தால் எப்போதும் சந்தோஷமாகவும் கலகலப்பாகவும்  இருப்பார்கள் காரணம் துன்பம் தருகின்ற நிகழ்வுகளையெல்லாம் மனதில் வைத்திருக்காமல் சந்தோஷமான நிகழ்வுகளையும் அனுபவங்களையும் மட்டும் மீண்டும் மீண்டும் நினைத்தும் சொல்லியும் மகிழ்வார்கள். ஆனால் காதல் உணர்வு கொண்ட இளைஞர்களை பார்த்தால் எங்காவது ஒரு இடத்தில் உட்கார்ந்து எதையாவது சிந்தித்துக் கொண்டு விட்டத்தை பார்த்து கொண்டு  அது படுத்துகிற பாட்டில் அப்படியே மனது உருகி போய் விடுகிறார்கள்.


ஒரு பெண்ணால் ஏற்படுகின்ற உணர்வுகள் அவனை உற்சாகமூட்டி வாழ்க்கையை முன்னேற்றிக் கொண்டிருக்கிறது என்றால் அவன் வாழ தெரிந்தவன் ஆனால்   ஒவ்வொரு நொடியும்  இடைவெளி இல்லாமல் காதலித்தவள் பற்றிய  சிந்தனையிலேயே காலத்தை ஓட்டிக் கொண்டிருந்தால் வாழ்க்கையில் பல முன்னேற்றங்கள்   தடைபட்டுக் கொண்டிருக்கின்றன

அதனால்தான் கல்வி கற்கும் போது காதல் உணர்வுகள் மனதில் தோன்றினாலும் மனதை அடக்கி முன்னேற வேண்டும் இந்த இளம் வயதில் வரும் காதல் உடற்கவர்சியினால் வரும் காதல் இது ஒரு சுறாவளி போன்றது அதில் மாட்டாமல் வருபவர்கள் மட்டும்தான் மிக அதிக முன்னேற்றத்தை காண்கிறார்கள். இதில் சில பேர் மட்டும் விதிவிலக்கு சுறாவளியில் மாட்டினாலும் தப்பித்து வெளிவந்து விடுவார்கள்   இப்படி இளம் வயதில் வரும் காதல்கள் அநேகமாக தோல்வியில் முடிந்துவிடுகிறது அதுமட்டுமல்லாமல் எதிர்கால முன்னேற்றத்தையும் படுகுழியில் தள்ளிவிடுகிறது.இப்படி இளைஞனை  உருக்கிக் கொண்டிருக்கும் பெண் உணர்வுகள் தெய்வீகமான உணர்வுகள் என்று நினைத்து மனதை அலைபாயவிடாதீர்கள்.

காதல் உணர்வு என்பது இளம் வயதில் மட்டும் வருவதல்ல அது எல்லா வயதிலும் வரும் அதனால் தான் நாம்  ஒரு நல்ல முன்னேற்றத்தை அடைந்த பின் காதல் உணர்வுக்கு நம் மனதில் இடம் கொடுத்தால் அது தோல்வி அடையாமல் வாழ்வின் இறுதிவரை தொடந்து வந்து சந்தோஷத்தை கொடுத்து மலர் போல மணம்வீசி உங்கள் வாழ்க்கையை மற்றுமல்ல உங்களைச் சுற்றியுள்ள அனைவரின் வாழ்க்கையையும் மலரச் செய்வீர்கள்

இப்படி நீங்கள் செய்தால் எந்த பெண்ணாலும் உங்கள் முன்னேற்றத்தை தடை செய்யமுடியாது அதே நேரத்தில் பெண்களை நாம் குறை சொல்லவும் வேண்டியிருக்காது. அப்படி நாம் செய்யாமல் இருந்தால் பித்துபிடித்து அலையதான் நேரிடும். இது போன்ற பித்தர்களின் எண்ணிக்கை அதிகரிக்க அதிகரிக்க ஒரு சமுதாயத்தின் ஏன் ஒரு நாட்டின் முன்னேற்றம்கூட  பின்தங்கிவிடும். இப்படி காதல் பித்து பிடித்தவர்களால் ஆக்கப்பூர்வமான எந்த செயலையும் செய்ய முடியாது .


இளைஞரின்  வாழ்க்கை என்பது உணர்வுகளுக்கும் உணர்ச்சிகளுக்கும் உட்பட்ட வாழ்க்கையாகும் இந்த வயதில் நாம்  ஆசாபாசங்களையும் சலனங்களையும் தவிர்த்துவிட்டு வாழ்வது என்பது சாத்தியமில்லை ஆனால் அவைகள் பொங்கி வழிய விடாமல் ஒரே சீராக வைத்திருக்கும் போதுதான் நம்  வாழ்க்கையும் சீராக ஒழுங்கு முறையுடன் இயங்கி நாம் நினைத்தபடி வெற்றி பெற முடியும்.

அன்புடன்
உங்கள் அபிமானத்திற்குரிய
மதுரைத்தமிழன் மனதில் தோன்றிய எண்ணங்கள் உங்கள் பார்வைக்காக