அமைதியான நல்வாழ்க்கைக்கு நாம் என்ன செய்யலாம்?

 அமைதியான நல்வாழ்க்கைக்கு நாம் என்ன செய்யலாம்


உங்கள் உடல், மன, ஆன்மீகம் மற்றும் உணர்ச்சி நல்வாழ்வுக்கு மிகவும் நல்லதல்லாத அனைத்து நச்சு நபர்கள் மற்றும் இடங்களிலிருந்தும் விலகி இருங்கள்.

நச்சு எண்ணங்கள் கொண்டவர்கள் மற்றும் அதை மற்றவர்களிடம் விதைப்பவர்களை அவர்கள் யாராக  இருந்தாலும்  அவர்கள் பின் செல்ல வேண்டாம்.  அவர்கள் நமது உறவாகவோ அல்லது நட்பாகவோ இருந்தால் அன் ப்ரெண்ட் செய்து விடுங்கள் அவர்களுடான நம் உறவை, எண்ணங்களை முற்றிலும் அழித்துவிடுங்கள் . அவர்களைப் பற்றிய  ஒரு சிறு எண்ணம் கூட நம் மனதில் தங்கிவிடாமல் பார்த்துக் கொள்ளுங்கள்.
 

இப்படி நாம் விலகுவது நபர் என்றுமட்டுமல்ல எதிலிருந்தும் நீங்களே விலகிக் கொள்ளுங்கள், அது உயிருள்ள அல்லது உயிரற்ற பொருளாக இருக்கலாம். உங்களைத் திசைதிருப்ப முயற்சிக்கும் எந்த மூலத்திலிருந்தும், உங்களுக்கு அழுத்தம்,உங்களை எரிச்சலூட்டும்,
உங்களை எதிர்மறையாகப் பாதிக்கும் எதிலிருந்தும்

 அழிப்புதான்  உங்களின் முக்கிய நோக்கமாக இருக்கவேண்டும்..  முடிந்தவரைச் சீக்கிரம் சரியானதைச் செய்யுங்கள். அதுமட்டுமே உங்களின் அதிர்ஷ்டகரமான் ஒரு செயலாக இருக்கும்..

 இப்படிச் செய்வதால் நாம் பதிலுக்குப் பெறுவது பெரும் அமைதிமட்டுமே


நச்சுத்தன்மையுள்ளவர்கள் ஒருவரை மனரீதியாகச் சிதைத்து, மன அழுத்தத்திற்கு ஆளாக்குவார்கள்.  இப்படிப்பட்டவர்கள் தனி நபர்களாக இருக்கலாம் அல்லது குழுவாகக் கூட இருக்கலாம் ஏன் பேஸ்புக் குழுவாகக் கூட இருக்கலாம் தனி நபர்கள் மட்டுமல்ல பேஸ்புக் குழுக்களும் பல தவறான தகவல்களைச் சொல்லி நம்மை மனரீதியாக சிதைக்கலாம் அழுத்தம் கொடுக்கலாம்

 நான் சில நச்சு நபர்கள் மற்றும் குழுக்களுடன் இருந்ததால் நானே  அதை அனுபவித்து இருக்கின்றேன்,

அது என்னை மன அழுத்தத்திற்கு ஆளாக்கியது, ஆனால் அவைகளை, மற்றும் அவர்களை விட்டு வெளியேறிய பின் , எந்த மன அழுத்தமும் வரவில்லை மற்றும் நச்சுத்தன்மை நீங்கிவிட்டது!


எனது அனுபவத்தின் அடிப்படையில், நச்சுத்தன்மை இல்லாதவர்கள்  மற்றும் குழுக்கள்  போன்றவை பகிரும்  நல்ல விஷயங்களைப் பற்றியும் அது பற்றிப்  பேசத் தயாராக உள்ளவர்களுடன் தொடர்புகொள்வது சிறந்தது,


அன்புடன்
மதுரைத்தமிழன்