500. பதிவர்களே உஷார் உஷார் உஷார்

500.  பதிவர்களே உஷார் உஷார் உஷார்

ஒரு பொழுது போக்குக்காக  வேடிக்கையாக  நான் படித்த ரசித்த பார்த்த அனுபவித்த விஷங்களை கிறுக்கி பதிவிட ஆரம்பித்த நான் இப்போது வாடிக்கையாக வாரத்தில்  5 நாட்கள் பதிவிட்டு 500 யைத் தொட்டுவிட்டேன்.  குழந்தையாக தவழ்ந்து கொண்டிருந்த நான் இப்போதுதான் நடக்க ஆரம்பித்து இருக்கிறேன் உங்களால் முடிந்தால் என்னுடன்  சேர்ந்து கைபிடித்து  அழைத்து செல்லுமாறு அன்புடன் கேட்டு கொள்கிறேன்

எனது கிறுக்கல்கள் நீங்கள் படித்து ரசிக்க மட்டும்தான் . நான் சமுதாயத்தை திருத்தவோ  அல்லது புரட்சியை உண்டாக்கவோ  அல்லது சங்கம் அமைத்து தமிழை வளர்க்கவோ அல்ல என்பதை புரிந்து கொள்ளுங்கள்.

இந்த தளத்தின் வளர்ச்சி என்பது என்னால் ஏற்பட்டது அல்ல இங்கு வருகை தந்தவர்களால் ஏற்பட்டது. அதிலும் முக்கியமாக "சைலண்ட் ரீடர்களை" இங்கு குறிப்பிட்டு சொல்லாம். அதுமட்டுமல்லாமல் மேலும் "சிலர்" எந்தவித எதிர்பார்ப்பும் இல்லாமல் இங்கே தொடர்ந்து வந்து படித்து தங்களது  உள்ளத்து உணர்வுகளை  பின்னூட்டம் மூலம் உணர்த்தி  தொடர்ந்து ஆதரவை தந்து கொண்டிருக்கிறார்கள். இவர்கள் அனைவரின் பெயரை தனித்தனியாக குறிப்பட்டு எழுதவேண்டுமென்று ஆசை இருந்தாலும் நேரமின்மையால்  எழுத இயலவில்லை. இருந்தாலும் எனக்கு தொடர்ந்து ஆதரவளிக்கும் அனைத்து நல்உள்ளங்களுக்கும் எனது இதயம்கனிந்த  நன்றியை  சொல்லிக் கொள்கிறேன்.

இவர்கள் தவிர தமிழ்மணத்திற்கும் இண்டலிக்கும் எனது தனிப்பட்ட நன்றிகள் . 


வலையுலகில் எனக்கென்று எந்த குழுவையும் அமைத்துக் கொள்ளாமல், வலையுலக அரசியலில் சிக்கிக் கொள்ளாமல், மதத்தை விட மனித இதயங்களை நேசித்தும் பல  விசயங்களுக்கு முக்கியத்துவம் கொடுத்து பலருக்கும் விருப்பமான தளமாக  இன்று வரையிலும் இணையத்தில் வலம் வந்துகொண்டிருகிறது எனது தளம்
 

எனது பதிவின்  தலைப்புக்கள் சில சமயங்களில்  ஒரு "மார்க்கமாகவே இருந்தாலும்" என்றாலும்  அதில் உள் இருக்கும் விஷயம்  மிக நல்லவையாகதான் இருக்கும் என்பதற்கு எப்போதும் உத்திரவாதம் அளிக்கிறேன்

பாரில்  நிற்கும் என்னிடம்

ஒயின் கேட்கிறவர்களுக்கு

நான் திராட்சை பழ ஜுஸை பரிசளிக்கிறேன்

என்னிடம் ஒயின் கேட்பவர்களுக்கு

ஒயின் டேஸ்டும் தெரிந்திருக்கவில்லை

திராட்சை பழ ஜுஸின்  டேஸ்டும் அறியந்திருக்கவில்லை

அதானல் குறைந்தபட்சம்

அவர்களுக்கு திராட்சை பழ ஜுஸை

அறிமுகம் செய்துவைக்கிறேன்.

அவ்வளவுதாங்க.......

இறுதியாக ஒரு விஷயம் சொல்ல ஆசைப்படுறேன்.....அதற்கு முன்னால் என் மனைவி தூங்கிட்டாளா என்று பார்த்து விட்டு வருகிறேன்.......ஒரு நிமிஷம்....

அப்பாடி என் மனைவி தூங்கிட்டா. இப்ப அந்த விஷயத்தை சொல்லுறேன்

காதலில் எத்தனை முறை தோற்றாலும் பெரிய விசயமல்ல!

ஒரு முறை ஜெயித்து பார்த்தால்தான் தெரியும் தோல்வியே எவ்வளவோ பரவாயில்லை என்று!!

ஹீ..ஹீ.ஹீ  ஹீ..ஹீ.ஹீ அப்ப நான் வரட்டாங்க

அன்புடன்

உங்கள் அபிமானதிற்குரிய

மதுரைத்தமிழன்