அமெரிக்க டீச்சரின் வாயை அடைத்த இந்திய சிறுமி

                             

                          அமெரிக்க டீச்சரின் வாயை அடைத்த இந்திய சிறுமி

அமெரிக்கர்களைவிட நாம் புத்திசாலியா இல்லையா என்பதைவிட நமக்கு அவர்களைவிட வாய்திறமை மிக அதிகம் உள்ளது என்பதை ஒத்துக் கொள்ளதான் வேண்டும்

அமெரிக்காவில் ஒரு பள்ளியில் டீச்சர் குழந்தைகளுக்கு அந்த நாட்டின் அருமை பெருமையெல்லாம் சொல்லிக் கொண்டு வந்தார்.அதன் பின் எல்லாக் குழந்தைகளையும்  ... யார் யார் எந்த நாட்டுக்காரர்கள் என்று கேட்டுக்கொண்டிருந்தார் ..எல்லாம் குழந்தைகளும் தாங்கள் அமெரிக்கர்கள் என்றே சொல்லிவந்தனர்

கடைசியாக ஒரு சிறுமியிடம் கேட்டார் ..  நீ யார்.. ?

அந்தச் சிறுமி சொன்னாள் .. நான் ஒரு இந்தியன் .

டீச்சர் சந்தேகமாகக் கேட்டார் .. நீ ஒரு அமெரிக்கன் என்றல்லவா நான் யூகித்தேன் "

சிறுமி சொன்னாள்.. ." இல்லைங்க .. டீச்சர்.... என் அம்மா ஒரு இந்தியர் , என் அப்பா ஒரு இந்தியர் .. எனவே நானும் இந்தியர் "

அதை கேட்டு மிக ரோசம் கொண்ட டீச்சர் கொஞ்சம் கிண்டலாக.. " உன் அம்மா முட்டாள் , அப்பாவும் முட்டாள் என்றால் நீ யார் ... ?"

அந்த தமிழக சிறுமி சிரித்துக்கொண்டே சொன்னாள்...  ...ஹும்ம்ம்ம்ம் ... அப்படியானால் நான் ஒரு அமெரிக்கனாக இருப்பேன் ...


அமெரிக்கர்களைவிட தமிழனுக்கு வாய்திறன் அதிகம்தானே?

அன்புடன்
உங்கள் அபிமானத்திற்குரிய 

மதுரைத்தமிழன்