அமெரிக்கா பெற்றோரின் விளையாட்டு விபரீதம் ஆகியது.

அமெரிக்கா பெற்றோரின் விளையாட்டு விபரீதம் ஆகியது.

அமெரிக்காவை சேர்ந்த ஒரு பெற்றோர், தங்கள் குழந்தையுடன் பொது சலவை இயந்திர நிலையத்தில், துணிகளை சலவைக்கு கொடுக்க சென்றனர். துணி சலவை முடியும் வரை, குழந்தையுடன் விளையாடிக்கொண்டிருந்த தந்தைக்கு  திடீரென விபரீத புத்தி ஏற்பட்டது.அங்கு காலியாக இருந்த ஒரு சலவை இயந்திரத்தின் கதவை திறந்து, அதில் குழந்தையை உட்கார வைத்து, வேடிக்கை காட்ட நினைத்தார். சலவை இயந்திரத்தின் கதவை திறந்து, குழந்தையை உட்கார வைத்ததும், தானியங்கி கதவு மூடிக்கொண்டு, இயந்திரம் சுழல ஆரம்பித்து விட்டது.விபரீதத்தை உணர்ந்த பெற்றோர்கள் கதற ஆரம்பித்து விட்டனர்..உடனடியாக, சலவை இயந்திர நிலையத்தினர், மின் இணைப்பை துண்டித்து, குழந்தையை சலவை இயந்திரத்தில் இருந்து வெளியே எடுத்தனர். நல்ல வேளையாக, குழந்தை உயிருக்கு ஏதும் ஏற்படவில்லை . லேசான காயங்கள் மட்டும், குழந்தைக்கு ஏற்பட்டிருந்தன.இந்த சம்பவம், செய்தியாக வந்தது அல்லாமல் "யூடியுப்' இணையதளத்தில் வெளியிடப்பட்டுள்ளது. கடந்த 11ம் தேதி, இந்த விபரீத விளையாட்டு சம்பவம் நடந்துள்ளது.




இது குழந்தைகள் உள்ள பெற்றோர்களுக்கு ஒரு படிப்பினை ஆகும். நான் வெளியிடங்களில் செல்லும் போது சுற்றுலா இடங்களில் சில பெற்றோர்கள் சில சமயங்களில் குழந்தைகளை காரின் மேல் உட்காரவைத்தும் அல்லது போட்டின் ஒரு ஒரமாக வைத்து போட்டோ எடுக்க முயற்சி செய்வதும் மலை உச்சியில் உள்ள விளிம்பில் உட்காரவைத்தும் படம் எடுக்க முயற்சி செய்வார்கள். அவர்களின் இந்த பழக்கம் சில சமயங்களில் வீபரிதத்தில் கொண்டு முடிந்துவிடும்  எனபதை சற்று நினைத்து பார்க்க வேண்டுகிறேன்